startimes

Munyempano umusaza w’imyaka 85 wamenyekaniye muri filime ya Seburikoko yemeye ko yasambanyije umwana w’imyaka 7

Amakuru   Yanditswe na: Martin Munezero 24 October 2019 Yasuwe: 4572

Umusaza witwa Munyempano Dominique w’imyaka 85 y’amavuko wamenyekanye nka ’Kanyandekwe’ muri filime y’uruherekane ya ‘Seburikoko’, yemereye urukiko ko yasambanyije umwana w’imyaka irindwi y’amavuko.


Sponsored Ad


Munyempano wavutse mu 1934 yatawe muri yombi tariki 02 Ukwakira 2019 akukiranyweho gusambanya umwana w’umukobwa w’imyaka irindwi y’amavuko.

Yafatiwe mu Mududugu wa Kagunga mu Kagari ka Gasharu mu Murenge wa Nyamirambo.

Nyuma yo kugezwa mu Bugenzacyaha akemera icyaha ndetse akanacyemerera ubushinjacyaha, uyu musaza yaje no kucyemera mu rukiko ubwo yaburanaga kuri uyu wa 23 Ukwakira 2019.

Mu rukiko rwisumbuye rwa Nyarugenge niho Kanyandekwe yaburaniye ku ifungwa n’ifungurwa ry’agateganyo.

Nyuma yuko umucamanza asomeye Kanyandekwe imyorondoro ye, umushinjacyaha yahawe umwanya ngo agaragaze impamvu zikomeye zatumye bazana uyu musaza mu rukiko.

Umushinjacyaha yatangiye asomera uyu musaza wiburaniraga icyaha akurikiranyweho cyo gusambanya umwana w’imyaka irindwi.

Umushinjacyaha yabwiye umucamanza ko bazanye Kanyandekwe mu rukiko kubera impamvu zikomeye zituma basanga yakabaye afunze by’agateganyo mu gihe iperereza rigikomeje.

Yavuze ko bashinja uyu musaza icyaha cyo gusambanya umwana w’imyaka irindwi bashingiye ku byo umwana yabwiye ubugenzacyaha.

Uyu mwana witwa Keza yabwiye ubugenzacyaha ko uyu musaza yamuhaye ibiryo, nyuma bagasangira icyayi hanyuma akamujyana ku buriri akamukuramo imyenda akamusambanya.

Umushinjacyaha kandi yashingiye ku kuba umubyeyi w’uyu mwana yaramaze ijoro ryose yabuze umwana we bwacya bakabona avuye kwa Kanyandekwe.

Ikindi Umushinjacyaha yashingiyeho ni uko uyu musaza yiyemereye icyaha yaba mu Bugenzacyaha no mu Bushinjacyaha, yemeye ko yasambanyije uyu mwana ariko ngo ko yakoresheje agakingirizo.

Umushinjacyaha yagize ati” Yiyemereye ko yabigerageje yambaye agakingirizo ariko yashaka kwinjiza igitsina cye mu cy’umwana ntibikunde kuko nta bushake cyari gifite.”

Ahawe ijambo ngo yisobanure, Kanyandekwe yagize ati” Uko ubushinjacyaha bubivuze niko byagenze. Rwose ndasaba imbabazi ni satani wandushije imbaraga ariko rwose mumbabarire.”

Avuga uko byagenze yongeye gusubiramo ko uko umushinjacyaha yabivuze ariko byagenze ntacyo bamubeshyeye.

Umucamanza amubajije niba nta mugore agira, Kanyandekwe yavuze ko ntawe ati” Umugore wanjye yarapfuye cyera ntamuntu tubana njye ndibana.”

Abajijwe iby’agakingirizo yambaye mbere yo gusambanya uyu mwana yagize ati” Ni iza cyera naziguze muri Zaire mbere yuko mpunguka. Cyera narazikoreshaga, rero ako kamwe niko kari gasigaye.”

Abajijwe ku busabe bw’ubushinjacyaha bwamusabiraga gufungwa by’agateganyo iminsi 30 mu gihe hagikusanywa ibimenyetso ndetse na raporo ya muganga igikorwaho ngo harebwe niba nta ndwara yanduje uyu mwana, Kanyandekwe wakomezaga gusaba imbabazi yabyemeye atagoranye.

Ati”Ndabyumva nkanabyemera. Nanjye ubwanjye ndigaya rwose ndabisabira imbabazi ntakindi.”

Byitezwe ko Kanyandekwe azasomerwa tariki 29 Ukwakira 2019.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mazina

    Biteye ubwoba n’agahinda kubona bikorwa na "sogokuru" nk’uyu.Ubusambanyi butera ibibazo byinshi bikomeye nubwo bukorwa na millions and millions z’abantu :Gufungwa,Inda zitateganyijwe,Sida,kwica cyangwa kwicwa,kwiyahura,gukuramo inda,guhotora cyangwa kujugunya umwana wabyaye,gusenya ingo ku bashakanye,etc… Ibibazo byinshi isi ifite biterwa nuko abantu batuye isi hafi ya bose basuzugura Imana.Niyo mpamvu nayo yashyizeho umunsi w’imperuka,kugirango izabakure mu isi.Mwibuke ko ku gihe cya Nowa Imana nabwo yarimbuye millions nyinshi z’abantu bose bali batuye isi,hakarokoka gusa abantu 8 bumviraga Imana.Ni Yesu ubwe wahamije iyo nkuru,hanyuma avuga ko ariko bizagenda nagaruka ku munsi w’imperuka.Nabwo hazarokoka abantu bake nkuko byagenze igihe cya Nowa.

    October 2019
  • chat_bubble umwiza vanse

    Muhe uwo musaza amahoro numviseko mu Rda byeze byo kubeshyera abantu ibyo bintu ntibiteye isoni uriye umusaza aruka imvi ariko mu Rda ntasoni bakigira ibyaho byose byaracuramye.

    October 2019

Inzindi nkuru

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 8529 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15265 3

Reba ibyo umuhanga w’umunyarwanda muri Science avuga kuri MUKOROGO birimo no...

Mu Rwanda no mu bihugu bitandukanye by’abirabura hakomeje kuvugwa amavuta...
18 July 2020 Yasuwe: 3299 0

Insengero zakomorewe nyuma y’igihe kinini zifunze kubera COVID-19

Inama y’Abaminisitiri yateranye kuri uyu wa 15 Nyakanga 2020,iyobowe na...
16 July 2020 Yasuwe: 3087 4

Ku mupaka w’u Rwanda n’u Burundi habonetse imirambo y’abantu 3

Kuri uyu wa Gatanu, mu kagari ka Nemba, Umurenge wa Rweru mu karere ka...
11 July 2020 Yasuwe: 6791 0

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 5499 0