skol
startimes

Muri Mutarama mu mwaka utaha wa 2020 Guverineri w’intara y’amajyepfo azimuka

Amakuru   Yanditswe na: Martin Munezero 4 November 2019 Yasuwe: 3783

Nyuma y’amezi icyenda Guverineri w’intara y’Amajyepfo, Emmanuel Gasana, akorera mu karere ka Nyamagabe, Huye ngo ni yo itahiwe muri Mutarama 2020.


Yabitangarije abayobozi bo mu Karere ka Huye hamwe n’abanyehuye batahatuye bashishikajwe n’iterambere ry’akarere kabo, bari bitabiriye inama nyunguranabitekerezo ku iterambere ry’aka karere tariki 1 Ugushyingo 2019.

Mu ijambo rye yasabye abatuye muri aka karere guharanira guhora bafite ibishyashya mu iterambere.

Yagize ati “Umukuru w’igihugu cyacu aje gusura Huye, mwamwereka iki? Igihe cyose hagomba kubaho igishya, hakaboneka ibitekerezo byo gukora ibishya. Ariko n’icyo mwamwereka wenda cyiza giteye ishema ni ukubanza gusukura uno mujyi”.

Isuku Guverineri Gasana avuga si iyo mu muhanda, ahubwo ngo ni iyo mu makaritsiye yose, ku buryo bizagera aho abantu bavuga ngo “iyi ni Huye, ishema ryacu”.

Ku bw’ibyo ngo muri Mutarama azimukira i Huye, mu rwego rwo kwihutisha iterambere ryaho.

Ati “Mu byo mbona bitanakomeye ariko bigomba kwihuta, ni isuku n’isukura. Rwose dufite ikibazo gikomeye cyane cyo gusukura umujyi, kandi hari uburyo twawusukura bikaba byiza kurushaho.

Uvanyemo izi ntoki, ikibanza ukaba ugihingamo karoti, inyanya, dodo, ubutunguru, imiteja, n’ibindi bihingwa bigufiya ukabigurisha hano mu mujyi, byashoboka”.

Guverineri Gasana avuga ko imbingo, intoki, amasaka, ingo zubakishije ibikenyeri, ibishangara by’inturusu n’ibindi biti bitemewe kuba mu mujyi, ko ndetse ingurube n’andi matungo mu bikari, ari ibintu bigaragara nabi.

Perezida w’inama njyanama y’akarere ka Huye, Aisha Nyiramana, avuga ko ibihingwa bitajyanye n’umujyi nk’imiyenzi, insina n’imbingo batazabica mu mujyi wa Huye gusa, ahubwo no mu dusantere tubarizwa muri aka karere twose.

Kuri bo kandi ngo ikirebwa si ukuba abantu bashoboye cyangwa badashoboye kubigeraho ako kanya, cyane cyane ku birebana no kubaka ingo zitagizwe n’imiyenzi cyangwa ibishangara n’imiseke n’imbingo. Ngo icyihutirwa ni ukubikuraho, hanyuma ubushobozi bugashakwa.

Ati “ubu icyo tureba ni icyatuma umuturage yumva ko atagomba gutura mu rugo rw’imiyenzi, atagomba gutura mu rugo rutameze nk’uko akarere kabyifuza. Kuba twabisenya uyu munsi, bizamufasha kuzigama yumva ko agomba kuzubaka wenda mu myaka ibiri cyangwa umwe”.

Ibi kandi ngo ntibizarenga mu kwezi k’Ukuboza 2019 bitagezweho.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Mu guca ibihingw birebire mu mugi wa Huye munatekereze kongeramo ibiti by’imbuto n’umurimbo kuko bitagenze gutyo ubushyuhe bw’ikirere cya Huye bwakwiyongera n’imvura ikagabanuka bikabangamira abahatuye.

    November 2019

Inzindi nkuru

Bugesera:Gitifu yahishuye ko mu bariye imbwa ntawe bazi zaguye...

Mu mudugudu wa Heru, Akagari ka Nyakayenzi mu Murenge wa Ngeruka mu Karere...
23 September 2020 Yasuwe: 1096 0

Musanze:Salongo yahurije hamwe abagore be 8 abaha impano z’uko bamwakiriye...

Umunyamakuru wa BBC dukesha iyi nkuru yasanze iwe abagore be bahahuriye,...
21 September 2020 Yasuwe: 7885 0

Umupfumu Rutangarwamaboko asanga abishe inyamaswa yitiranyijwe n’ingwe mu...

Umupfumu Rutangarwamaboko asanga abishe inyamaswa yitiranyijwe n’ingwe mu...
13 September 2020 Yasuwe: 6087 0

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3879 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2624 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5392 0