Musanze:Barifuza udukingiririzo tw’ubuntu kubera isoni zo kujya kutugura

Amakuru   Yanditswe na: Martin Munezero 17 November 2019 Yasuwe: 662

Urubyiruko rwo mu Karere ka Musanze rurasaba ko muri uyu mujyi no mu nkengero zawo, hashyirwa udusanduku turimo udukingirizo, kuko hakiri bamwe muri bagenzi babo bagiterwa isoni no kutugura.



Iki kibazo cyo kutikingira mu gihe cy’imibonano mpuzabitsina hakoreshejwe agakingirizo, cyagize ingaruka zikomeye cyane ku rubyiruko rwo muri aka Karere, aho abangavu bari munsi y’imyaka 18 mu mezi icyenda gusa mu 2019 habyaye abasaga 600.

Bamwe muri uru rubyiruko bavuga ko gutinya kugura udukingirizo bikanga ko byagaragara nabi, ari kimwe mu bituma inda ziterwa abangavu ziyongera, bagasaba ko hashyirwaho udusanduku ugakeneye akajya kugafata.

Irizabimbuto Annet ni umwe muri bo yagize ati “Hari ubwo umuhungu atinya kugura agakingirizo kubera ko ahenshi baba bazwi akagira isoni, yagwa mu gishuko agakora imibonano mpuzabitsina idakingiye akaba ateye umukobwa inda, ariko hari nk’ahantu bateganyije hari udusanduku turimo yakwirwanaho akagafata ntawumureba.”

Igiraneza Germain nawe ati “Nk’uko hashyirwaho udusanduku tw’ibitekerezo ahatangirwa serivise zitandukanye, abe ari nako bakwirakwiza udusanduku tw’udukingirizo, kuko iyo ukaguze ahantu barakuraburiza bakakubonamo umusambanyi, kandi hari ubwo ukagura utanafite iyo gahunda, kandi n’iyo wagwa mu bishuko kagufasha kwirinda inda itateguwe n’izindi ndwara zose zandurira mu mibonano mpuzabitsina”.

Umukozi mu mushinga wa Ihorere munyarwanda uharanira uburenganzira bwa muntu, Mugisha Jules, avuga ko mu bushakashatsi bakoze ku bangavu babyarira mu rugo abenshi bagaragaje ko babiterwa n’ipfunwe ryo gukoresha agakingirizo, ariko bakanakangurira ababyeyi babo kubaganiriza hakiri kare ku buzima bw’imyororokere kugira ngo babarinde kugwa mu byo batazi.

Umukozi w’Akarere ka Musanze ushinzwe ubuzima Nsabiyera Emile, avuga ko bagiye gutegura ingengo y’imari yo gukwirakwiza utwo dusanduku ku buryo mu mwaka utaha iki kibazo kizakemurwa.

Ati “Mu Karere kacu duhangayikishijwe n’ibibazo by’abana bakibyarira iwabo ari bato, gusa nk’uko bifuje ko hashyirwaho udusanduku turimo udukingirizo tuzabikora nk’uko hari n’utundi turere twatangiye iyi gahunda, tugiye gutegura ingengo y’imari yabyo kandi twizera ko mu mwaka utaha bizakemuka,ariko bitarenze uyu mwaka abajyanama b’ubuzima bose bazadushyikirizwa nabo bajye badutanga”.

Abahanga mu by’ubuzima bagaragaje ko usibye kuba agakingirizo kifashishwa mu kurinda inda zitateguwe, kanarinda indwara zandurira mu mibonano mpuzabitsina ku kigereranyo cya 98%.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

LODA yashyikirije Inteko Ishinga Amategeko ibisubizo by’ibibazo byagaragaye...

Ikigo k’igihugu gishinzwe guteza imbere ibikorwa by’iterambere mu nzego...
23 February 2020 Yasuwe: 1759 0

Abasaga ibihumbi bibiri bitabiriye umuhango wo gushyingura Kizito Mihigo...

Umuryango,inshuti n’abavandimwe ndetse n’abafana b’umuhanzi Kizito Mihigo...
22 February 2020 Yasuwe: 30508 2

Gatuna: Hatangajwe igihe abanyarwanda bazasubirira muri Uganda

Kuri uyu wa Gatanu taliki ya 21 Gashyantare 2020 nibwo abakuru b’ibihugu...
21 February 2020 Yasuwe: 15774 0

Rwamagana:Augustin kubera inkeke yahozwagaho n’umugore we byatumye yiyambura...

Kuri uyu wa Kane tariki 20 Gashyantare ahagana saa yine z’amanywa, mu...
21 February 2020 Yasuwe: 3743 1

RIB yasubije abasabye iperereza ryimbitse ku rupfu rwa KIZITO MIHIGO no ku...

Umuryango wo muri Commonwealth urasaba ko uubuyobozi bw’u Rwanda bwizeza ko...
21 February 2020 Yasuwe: 23545 0

harifuzwa itegeko rihana ababeshya dore ko n’abaminisitiri babikora

Urwego rw’Igihugu rw’Ubugenzacyaha (RIB) ruvuga ko Abanyarwanda bakwiye...
21 February 2020 Yasuwe: 1981 1