dnd

Musanze: RIB yataye muri yombi umugabo ukekwaho kwica umugore we akamushyingura wenyine

Amakuru   Yanditswe na: Dusingizimana Remy 30 November 2019 Yasuwe: 1865

Urwego rw’Igihugu rushinzwe Ubugenzacyaha (RIB), rwatangaje ko nyuma yo kwakira ikirego cy’ibura rya Nirere Alphonsine wabuze tariki 24 Ugushyingo 2019, rwamaze guta muri yombi umugabo we witwa Singirankabo Edouard kubera amakimbirane bari basanzwe bafitanye.



Uretse uyu mugabo we, RIB yataye muri yombi abandi bantu babiri bakekwaho gufatanya muri iki cyaha cyakorewe mu Murenge wa Muko mu karere ka Musanze.

Umuyobozi wungirije w’Akarere ka Musanze Ushinzwe Imibereho myiza y’Abaturage, Kamanzi Axel, yabwiye IGIHE dukesha iyi nkuru ko uyu murambo wabonetse mu Murenge wa Muko Akagari ka Cyogo.

Yavuze ko “Nirere yishwe n’umugabo we nyuma awushyingura mu itarasi, bituma hatabwa muri yombi umugabo we n’abandi batatu bamufashije gushyira umugambi mubisha mu bikorwa.”

RIB yavuze ko tariki ya 29 aribwo Singirankabo yemeye ko ariwe waguriye uwitwa Masengesho Michel na Nzabonimpa Felicien ngo bamwice.

Yavuze ko abakekwa bose bahise bafatwa, uyu munsi bakaba bagiye kwerekana aho batabye nyakwigendera mu murima hafi yaho yari atuye.

Amakuru agera kuri IGIHE aravuga ko kuri uyu wa Gatandatu aba bagabo koko bagiye kwerekana ayo nyakwigendera bari baramutabye, umubiri we ukaba wari wamaze kwangirika.

RIB yavuze ko amakuru ahari ari uko Nirere yishwe anizwe, umurambo we ukaba wagiye gukorerwa isuzumwa.

RIB yibukije abatura Rwanda bose ko itazihanganira umuntu uwo ariwe wese uzavutsa undi ubuzima, inakangurira abantu kujya batanga amakuru ku bantu bafitanye amakimbirane kugira ngo icyaha gikumirwe kitarakorwa.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble lg

    KUTABICA TUZAHORA MULI URWO KUKI BO BAVUTSA ABANDI UBUZIMA BO BAKAGUMA HO

    1 month ago

Inzindi nkuru

Pio Mugabo wahoze ari Minisitiri yasezeweho bwa nyuma[AMAFOTO]

Urukiko Rukuru, abagize Urwego rw’Ubucamanza n’Urwego rw’Ubutabera, abayobozi...
18 January 2020 Yasuwe: 3658 0

Isengesho rya Pasiteri Mpyisi yasengeye abarangije Kaminuza ryabasekeje...

Pasiteri Ezra Mpyisi ukunze gutindwaho kubera imvugo zidaca ku ruhande...
18 January 2020 Yasuwe: 5545 1

Uwasimbuye Nsabimana Calixte wiyise Sankara nawe yarafashwe,yerekanwe we na...

Ku gicamunsi cyo kuri uyu wa Gatanu tariki 17 Mutarama 2020 ku cyicaro...
17 January 2020 Yasuwe: 3815 0

Bernard Makuza yahawe inshingano nshya

Bernard Makuza wahoze ari Perezida wa Sena, yagizwe Umuyobozi w’indorerezi...
17 January 2020 Yasuwe: 7418 0

Abarimu bigisha batarize uburezi bagiriwe inama

Umuyobozi Mukuru w’Ikigo k’Igihugu cy’Uburezi REB, Dr. Ndayambaje Irénée agira...
17 January 2020 Yasuwe: 4870 2

Huye:Abanyeshuri 47 biga mu ishuri ry’isumbuye birukaniwe rimwe...

Mu karere ka Huye ho mu ntara y’Amajyepfo, mu kigo cy’amashuri y’isumbuye cya...
17 January 2020 Yasuwe: 13173 1