startimes
startimes

Nyabihu : Umugabo arakekwaho kwica umugore we bari bamaranye ibyumweru 3 gusa

Amakuru   Yanditswe na: Dusingizimana Remy 17 October 2019 Yasuwe: 7793

Umugabo witwa TURIMUBYIZA Jean Nepo w’imyaka 21 y’amavuko ukomoka mu murenge wa Karago mu karere ka Nyabihu yatawe muri yombi n’inzego z’umutekano akekwaho kwica umugore bari basanzwe babana batarasezeranye mu mategeko.


Sponsored Ad


Amakuru y’urupfu rwa Ntabanganyimana Domitile wari ufite imyaka 25 y’amavuko, yamenyekanye mu gitondo cyo kuwa gatatu tariki 16 Ukwakira 2019 ubwo umwe mu baturanyi yari aje gukora mu ishyamba rye riri hafi aho akahabona indangamuntu ya nyakwigendera itabye mu gitaka hamwe n’agapira kariho amaraso ndetse n’urufunguzo rw’inzu agahita yihutira kubimenyesha abaturanyi.

Nyuma yo kumenya ko ibyo bitowe ari ibya nyakwigendera ngo ni bwo bahise bajya kureba aho yari asanzwe atuye basanga hafunze bakingura bifashishije rwa rufunguzo babonye basanga umurambo w’umugore ku buriri ari nabwo bahise bitabaza inzego z’umutekano.

Nk’uko abatuye mu mudugudu wa Bweramana mu kagari ka Kora umurenge wa Bigogwe babibwiye TV/Radio1 dukesha iyi nkuru,uyu mugore n’umugabo we bari bamaze ibyumweru bitatu bimukiye muri aka gace bigakekwa ko bahaje ari bwo bakibana, aho babanaga nk’umugabo n’umugore batunzwe no guhingira abandi.

Umuvugizi wa polisi y’u Rwanda mu ntara y’uburengerazuba CIP Emmanuel KAYIGI yabwiye TV/Radio1 ko TURIMUBYIZA Jean Nepo ukekwaho kwiyicira umugore yamaze gutabwa muri yombi ndetse ngo akaba aniyemera icyaha, akavuga ko yiyiciye umugore saa sita z’ijoro amuhengereye asinziriye akamuniga.

Ngo avuga ko impamvu yamuteye kwiyicira umugore bari bamaranye igihe gito ndetse bataranabyarana ari uko yavumbuye ko mbere y’uko bashakana ngo yari yarashatse undi mugabo kandi yarabimuhishe.

Inkuru ya Radio&TV1

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Al Capone

    Aha mwakosora musanze aribyo: yiyiciye umugore = yishe umugore we ! Kwiyicira ndumva ku bwanjye, bimuha uburenganzira bwinshi burenze ubwo agenerwa n’itegekonshinga tugenderaho mu Rwanda! murakoze kubyakira neza.

    October 2019

Inzindi nkuru

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2509 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 16661 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11656 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12343 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9496 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15812 3