startimes

Nyagatare: Abagabo babiri barashwe barapfa ubwo bageragezaga kwinjiza magendu y’itabi mu Rwanda

Amakuru   Yanditswe na: Dusingizimana Remy 10 November 2019 Yasuwe: 2598

Mu ijoro ryakeye Abagabo 2 bo muri Uganda barasiwe ku mupaka w’u Rwanda na Uganda ahitwa Tabagwe mu karere ka Nyagatare bari kugerageza kwinjiza magendu y’itabi mu Rwanda.



Amakuru agera ku Umuryango nuko aba bantu 5 bagerageza kwambutsa itabi ritemewe barivanye Uganda barizanye mu Rwanda,inzego zishinzwe umutekano zibahagaritse barwana nazo birangira barashwe abandi barahunga.

Igipolisi cya Uganda mu gace k’Uburengerazuba bw’amajyepfo y’iki Gihugu cyasohoye itangazo rivuga ko inzego z’umutekano mu Rwanda zaraye zirasiye ku butaka bwazo abanya Uganda babiri bahita bitaba Imana.

Itangazo rigira riti “Kuwa 9 Ugushyingo 2019 ahagana mu masaha ya SAA mbiri z’ijoro mu Mudugudu wa Tabagwe, mu Karere ka Nyagatare, Abanya Uganda babiri barashwe n’abashinzwe umutekano mu Rwanda bahita bapfa, abarashwe bakekagwaho kwinjiza forode y’itabi bayikuye muri Uganda”

Iri tangazo ryavuze ko abarashwe ari Byarushaga Ayub w’imyaka 37 wari utuye ahitwa Nyakabungo , Kashekye, Kamwezi mu Karere ka Rukiga Rukiga na Tuhirwe John Bosco w’imyaka 30 bose bari batuye hamwe.”

Umunyamabanga Nshingwabikorwa w’Umurenge wa Tabagwe, Munyangango Celestin, yabwiye Umuseke ko hari abantu babiri barashwe nijoro ngo bari ‘abaforoderi’ barwanyije inzego z’umutekano.

Yagize ati “Turacyareba ngo tumenye ko ari abo muri Uganda, ariko ni abaforoderi bambukanye ibintu bagatangira kurwanya inzego z’umutekano kandi baciye inzira zitemewe.”

Polisi y’u Rwanda nayo yashimangiye iby’aya makuru mu itangazo rigenewe abanyamakuru yashyize hanze aho yavuze ko aba bagizi ba nabi barashwe bari kugerageza kurwanya inzego zishinzwe umutekano.

Polisi y’u Rwanda yamaganye abaforoderi bagerageza guhangana n’inzego zishinzwe umutekano inasaba abaturiye umupaka kureka gucuruza magendu ndetse bakajya banyura ku mipaka nyabagendwa aho guca mu nzira zitazwi.

Kuwa 26 Ukwakira 2019,nabwo Abagore babiri barasiwe mu murenge wa Rwempasha mu karere ka Nyagatare n’abasirikare bari ku burinzi mu ijoro ubwo bashakaga kwambutsa amakarito 6 y’inzoga za kanyanga n’izitwa African jin zitemewe mu Rwanda.Aba bagore ngo barahagaritswe barangay ahubwo batera abasirikare amabuye.


Itangazo polisi y’u Rwanda yageneye abanyamakuru

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4553 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 2047 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1631 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1761 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 952 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1585 0