Nyanza:Urubanza rw’Abayisilamu 40 bashinjwa gukorana n’imitwe y’iterabwoba ku isi rwasubitswe

Amakuru   Yanditswe na: Martin Munezero 28 February 2019 Yasuwe: 1857

Urugereko rwihariye rw’urukiko rukuru ruherereye i Nyanza mu majyepfo y’u Rwanda, rwongeye gusubika isomwa ry’urubanza ubushinjacyaha bukurikiranyemo abayisilamu babarirwa muri 40 baregwa ibyaha byo gukorana n’imitwe y’iterabwoba ku isi.

Umucamanza wayoboye uru rubanza yavuze ko isubikwa ry’urwo rubanza ryatewe n’uko batashoboye kubona umwanya uhagije wo kunononsora umwanzuro wa nyuma w’urubanza.

Ubwo abaregwa bamaraga kugera mu cyumba cy’iburanisha, umucamanza yahise asoma umwanzuro w’uko urubanza rwongeye gusubikwa ku mpamvu yavuze ko abakurikiranywe ari benshi, ko urukiko rutabonye umwanya uhagije wo kurangiza dosiye zose no kwandika umwanzuro wa nyuma w’urubanza.

Uru rubanza rwari rwasubitswe bwa mbere mu mpera z’ukwezi kwa cumi na kabiri k’umwaka ushize wa 2018, nabwo umucamanza atanze impamvu zo kubura umwanya wo kurangiza dosiye kubera ubwinshi bw’abaregwa.

Ni urubanza rwashyizwe mu muhezo rugitangira ku mpamvu umushinjacyaha yagaragazaga ko zishingiye ku mpungenge z’umutekano w’igihugu.

Ibyaha bakurikiranyweho birimo iby’iterabwoba, ubuhezanguni, ubugambanyi, no gushishikariza abandi kurema umutwe w’abagizi ba nabi.

Umushinjacyaha yavugaga ko hari bamwe bafotowe ku kibuga cy’indege bashaka kwerekeza mu bihugu bya Syria na Iraq ngo gufasha umutwe wiyitirira leta ya kisilamu ndetse ngo hakaba hari n’abandi bafatanywe amafaranga menshi ngo bakaba bari bashinzwe gushakisha urubyiruko no kurwigisha amahame y’imitwe y’iterabwoba ya Al-Shabaab na Boko Haram.

Umucamanza akaba yavuze ko uru rubanza – rwiswe urwa Fundi Salim na bagenzi be rugomba gusomwa tariki ya 22 werurwe 2019.

Aba bakurikiranwe bakaba bagaragaye mu cyumba cy’urubanza nta mwunganizi bafite ndetse akaba nta n’umushinjacyaha wigeze agaragara mur’icyi cyumba cy’urubanza.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble sezibera

    Ikibabaje nuko abaslamu bica abantu barangiza bakavuga ngo "Allah Akbar".Mu mahame yabo,kwica umuntu utari umuslamu ngo uba ukoreye Imana.Nkuko amateka abivuga,Umuhanuzi wabo,Muhamadi,yabategekaga kwica umuntu wese wanze kuba umuslamu.Nyamara Imana isaba abantu bayumvira "gukundana",ikababuza kurwana.Imana idusaba "gushishoza" mu gihe duhitamo ahantu dusengera.Soma 1 Yohana 4:1.Ndetse Imana ivuga ko iyo wanze gusohoka mu dini ry’ikinyoma,uba uzarimbukana n’iyo dini ku munsi wa nyuma.

    5 months ago

Inzindi nkuru

Perezida Kagame na Museveni basinye amasezerano y’ubufatanye n’umutekano

Perezida Paul Kagame, Yoweri Kaguta Museveni wa Uganda, João Lourenço wa...
21 August 2019 Yasuwe: 2833 1

Kicukiro: Polisi yaraye irashe abasore babiri barimo umwe washatse...

Polisi yaraye irashe abasore babiri mu karere ka Kicukiro barimo umwe wari...
21 August 2019 Yasuwe: 4817 0

GASABO:Abaturage bababajwe n’urupfu rwagashinyaguro Nahimana yishwe aho...

Abaturage bo mu Mudugudu wa Rukingu, Akagari ka Kagugu, Umurenge wa...
21 August 2019 Yasuwe: 6967 0

Kigali: Umugore yatangaje uko yacuze umugambi wo kwica umugabo we...

Umugore witwa Shanita yemereye yemereye itangazamakuru ko ariwe wishe...
20 August 2019 Yasuwe: 9697 3

RDB yatangaje akayabo imaze kunguka kubera gufatanya n’ikipe ya...

Ubuyobozi bwa RDB buratangaza ko nyuma y’umwaka ushize u Rwanda rusinyanye...
20 August 2019 Yasuwe: 1570 1

Abantu benshi bo mu Rwanda no muri Congo bakora ubucuruzi bwambukiranya...

Igihugu cy’u Rwanda na Repubulika iharanira Demokarasi ya Congo biri...
20 August 2019 Yasuwe: 463 0