skol
startimes

Perezida Kagame na Nkurunziza w’Uburundi bagiye guhurira I Bukavu muri gahunda ijyanye n’umutekano

Amakuru   Yanditswe na: Dusingizimana Remy 7 October 2019 Yasuwe: 5474

Nyuma y’imyaka isaga 4 Perezida w’u Rwanda Paul Kagame na Nkurunziza Pierre uyobora Uburundi badahura,kuri uyu wa Gatatu taliki ya 09 Ukwakira bazahurira I Bukavu muri Repubulika iharanira Demokarasi ya Kongo mu nama yo kwiga uko ibi bihugu uko ari 3 byashyiraho umutwe umwe w’umutekano.


Kuwa Gatatu nibwo perezida Felix Tshisekedi n’aba bakuru b’ibihugu byombi bazahurira i Bukavu mu muhango wo gufungura ku mugaragaro Laboratwari y’ikitegererezo izajya ikorerwamo ibirebana n’ubihinzi yitwa IITA (L’Institut International pour l’Agriculture Tropical).

Nyuma y’uyu muhango wo gufungura iyi Laboratwari,aba bakuru b’ibihugu,bazahura n’abayobozi bo mu ntara eshanu zo mu majyepfo ya Kongo, n’ukuvuga Kivu zombi, Ituri, Manyema na Tanganyika bahuriye mu mujyi wa Bukavu mu nama y’umutekano.

Mu kiganiro ushinzwe umutekano mu Ntara ya Kivu ya ruguru,Jean Bosco Sebishyimbo, yagiranye na BBC, yavuze ko RDC Ishaka gushinga umutwe umwe bahuriyeho n’ibi bihugu byombi.

Yagize ati “Usibye inama z’umutekano turimo muri Kivu y’Amajyepfo,hari laboratwari y’ubuhinzi ikomeye cyane yuzuye hano I Bukavu,ya kabiri muri Afurika.Yahuruje amahanga yose ndetse n’abakuru b’ibihugu badukikije bazaba bari hano ejo.Ku rutonde hari umukuru w’igihugu cy’u Rwanda,uw’Uburundi,hari perezida ucyuye igihe wa Nigeria na Joseph Kabila.

Abo baperezida bazagira uruhare muri icyo gikorwa cyo kugarura umutekano mu Burasirazuba bwa Kongo, kuko hariho gahunda u Rwanda,Uburundi na Kongo bagiye gukoreramo kugira ngo twese turebe ko twafatanya tukagarura bwangu umutekano mu Burasirazuba bwa Kongo.

Uyu muyobozi yavuze ko impamvu ibi bihugu byombi bigiye gukorana ari uko hari imitwe myinshi imaze igihe ituye muri iki gihugu ikomoka muri ibi bihugu byose bityo ngo aba bakuru b’ibihugu bagiye kwigira hamwe uko bayihagarika burundu.

Perezida Kagame na Nkurunziza baherukaga guhura muri 2015 mbere y’amatora yo mu Burundi yateje imvururu zikomeye zajemo na Coup d’Etat yapfubye bituma abayobozi b’Uburundi bashinja u Rwanda kubigiramo uruhare.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble [email protected]

    Imana ibaje imbere babonere ibihugu amahoro

    October 2019

Inzindi nkuru

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 2760 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1040 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2286 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4605 0

Abakora massage mu Rwanda bemerewe gutangira imirimo

Urwego rw’Igihugu rw’Iterambere (RDB) rwatangaje ko ahantu hakorerwa massage...
6 November 2020 Yasuwe: 1317 0

Abakora ubucuruzi bworoheje bwambukiranya imipaka ya Rubavu na Goma...

Abakora ubucuruzi bwambukiranya imipaka bo mu karere ka Rubavu no mu mujyi...
6 November 2020 Yasuwe: 1211 0