addresiya
startimes

Perezida Kagame yaciye amarenga y’akazi ashobora kuzakora nava ku buyobozi

Amakuru   Yanditswe na: Dusingizimana Remy 10 May 2019 Yasuwe: 6629

Nyakubahwa perezida wa Repubulika Paul Kagame yatangaje ko yifuza ko abikorera bakwiga gukorana neza n’abakora utuntu duto dushobora kubateza imbere aho yahishuye ko nava ku butegetsi ashobora kwikorera.



Nyakubahwa Peezida Kagame yasuye abaturage bo mu karere ka Rubavu kuri uyu wa Gatatu,aho yakiriwe n’imbaga y’Abanyarwanda mu murenge wa Nyundo,imugezaho ibibazo bitandukanye ndetse nawe abaha inama z’ukuntu bakwitwara kugira ngo barusheho gutera imbere.

Nyakubahwa perezida Kagame yavuze ko nava ku butegetsi ashobora kuzikorera ku giti cye ndetse agakorana n’abaturage bakora utuntu duto ariko twabasha gutera imbere tukabyara ikintu kinini.

Yagize ati “Abikorera bacu nabagira inama ndetse abenshi bishoboye ndabakangurira kugira ngo bamenye uko bakorana n’abaturage bakora utuntu tumwe dutoya ariko tubatunze kandi dushobora kuzamuka tukarushaho kubateza imbere.

Njyewe ndi uwikorera cyangwa igihe nzaba nagiye muri uwo mwuga umunsi narangije ibi,nshobora kuzajya kwikorera.Ntabwo abikorera bakwiriye kunyurwa na bikeya babona,bakwiriye kubona byinshi birenze.Ntabwo ari uko business ikorwa,ukora business ushaka ko ikura.

Perezida Kagame yavuze ko abacuruzi bo mu Rwanda bakwiye kwagura isoko ryabo bakanagura iryo muri RDC,hanyuma igihugu kikabashakira umutekano usesuye.
Nyakubahwa perezida Kagame yavuze ko abashaka guhungabanya umutekano w’u Rwanda bakwiriye gutekereza kabiri kuko nta muntu uzemererwa kuyobya Abanyarwanda.

Yagize ati “Uwashaka guhungabanya umutekano wacu rero ngira ngo akwiriye gutekereza kabiri.Ababitekereza bagarukira mu mvugo gusa,barasakuza gusa kurusha uko bashobora kubikora.Amaherezo tuzabageraho,hari ubutabera, burakora mu gihugu.Tuzabageza mu butabera.Hari bumwe tumenyereye bukurikiza amategeko,hari ubutabera iyo wigize rutare tubaha.nabwo turabufite.”

Perezida Kagame yasabye abanya Rubavu kwiteza imbere,bakirinda ibihuha ndetse yongera kwihaniza abayobozi badakora ibyo bashinzwe ko azabamerera nabi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 968 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1740 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7960 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1248 0

Reba uko gahunda yo gutwara abagenzi iteye mu ntara zose z’u Rwanda no mu...

Minisitiri w’Ubutegetsi bw’Igihugu, Prof Shyaka Anastase, yasobanuye ko...
2 May 2020 Yasuwe: 21694 3

Habayeho impinduka nyinshi kuri gahunda yari isanzweho ya Guma mu Rugo na...

Itangazo ry’ibyemezo by’Inama y’Abaminisitiri idasanzwe yateranye tariki 30...
1 May 2020 Yasuwe: 7270 0