Perezida Kagame yagaragarije abitabiriye inama ya“Eisenhower Fellowoships” inkomoko y’iterambere ry’u Rwanda nyuma ya jenoside

Amakuru   Yanditswe na: Dusingizimana Remy 14 June 2019 Yasuwe: 703

Ubwo yari mu nama y’Umuryango Mpuzamahanga witwa “Eisenhower Fellowoships” yateraniye i Kigali kuri uyu wa gatanu tariki 14 Kamena 2019, Perezida wa Repubulika, Paul Kagame, yavuze ko kuba u Rwanda rukomeje gutera imbere biterwa n’uko buri munyarwanda akora cyane ndetse nta wifuza gusubira mu mateka mabi yaranze u Rwanda.



Ubwo yabazwaga n’urubyiruko rwitabiriye iyi nama icyafashije u Rwanda gutera imbere nyuma ya Jenoside yakorewe Abatutsi mu mwaka wa 1994, perezida Paul Kagame yavuze ko gushyira hamwe kw’Abanyarwanda kuza ku isonga cyane ko nta wifuza gusubira mu bihe bibi rwahozemo.

Yagize ati “Abanyarwanda twabonye ibibi byinshi ku buryo uyu munsi nta munyarwanda wakwifuza gusubira aho twahoze. Ihame ry’ubumwe n’ubwiyunge, gukorera hamwe, no kugira intego imwe yo kuzamura igihugu cyacu nibyo twashyize imbere ngo tube tugeze aho tugeze".

Perezida Kagame yavuze ko iterambere ry’u Rwanda rikwiye kubera isomo benshi ndetse yemeza ko umugabane wa Afurika watera imbere uramutse wunze ubumwe ndetse ugaha amahirwe menshi urubyiruko.

Ibi perezida Kagame yabitangarije abagera kuri 200 baturutse mu bihugu bitandukanye bigize isi n’umugabane wa Afurika by’umwihariko bitabiriye inama y’ ihuriro rya Eisenhower Fellowships ibereye muri Afurika ku nshuro ya mbere.

Umwe mu bayitabiriye yabajije nyakubahwa perezida Paul Kagame ikintu akora iyo arangije imirimo ye ya buri munsi amubwira ko amara nibura 30 ku munsi areba ibijyanye n’imikino ndetse akanaruhuka bihagije.

Yagize ati “Ngira igihe cyo gufana imikino inyuranye nk’umupira w’amaguru, nshimishwa cyane no kureba umukino wa Basket, nkaba nkina umukino wa Tennis. Buri gihe ibi ngomba kubibonera iminota nka 30 mu munsi umara amasaha 24, wenda kimwe muri ibi gishobora kumara igihe kinini kurusha ibindi, ariko ntabwo nibagirwa kuryama kugira ngo nduhuke”.




Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Burera:Umunyeshuri yakuwe mu Kiyaga yapfuye nyuma yo gutoroka ikigo...

Umunyeshuri witwa Niyonizeye Pacifique wigaga mu ishuri rya E.S Kidaho riri...
18 February 2020 Yasuwe: 6162 0

RIB yatangaje icyo Kizito Mihigo yakoresheje yiyahurira muri kasho yari...

Urwego rw’igihugu rw’Ubugenzacyaha [RIB] rwatangaje ko umuhanzi Kizito Mihigo...
17 February 2020 Yasuwe: 19879 2

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 4515 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 26414 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 13354 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4150 0