Perezida Kagame yasabye abanyaburayi kugabanya kumva ko bari hejuru mu kubahiriza uburenganzira bwa muntu

Amakuru   Yanditswe na: Dusingizimana Remy 24 June 2019 Yasuwe: 2075

Nyakubahwa perezida Paul Kagame yasabye ibihugu byo ku mugabane w’Uburayi kugabanya kwishyira hejuru bumva ko bari hejuru ku bijyanye no kubahiriza uburenganzira bwa muntu kurusha indi migabane kuko hari ingero nyinshi z’ibyo bakora zibuhonyora.



Mu kiganiro cyihariye perezida Kagame na Komiseri ushinzwe umubano mpuzamahanga n’iterambere muri EU, Neven Mimica, bagiranye na France 24, ubwo bari mu Bubiligi mu nama yateguwe n’Umuryango w’Ubumwe bw’u Burayi yiga ku Iterambere izwi nka ‘Journée Européenne du Développement’,Perezida Kagame yavuze ko kubahiriza uburenganzira bwa muntu bidakwiye gupimirwa muri Afurika kuko n’ahandi ibi bibazo bihari.

Yagize ati “Mu by’ukuri urebye ahandi yaba no mu Burayi, murimo guhonyora uburenganzira bwa muntu, iyo dufite ibibazo by’abantu boherezwa kurohama mu Nyanja n’ibindi n’abantu benshi bafatwa nabi n’ibihugu byanyu, kuki mutavuga ku burenganzira bwa muntu iwanyu ahubwo mukabisunikira abandi.

Mugomba guhagarika kwiyumvamo kudasobanutse ko muri hejuru y’abandi ku bijyanye n’uburenganzira bwa muntu. Mutekereza ko ari mwe mwenyine mwubahiriza uburenganzira bwa muntu abandi babuhonyora, oya. Twarwaniye uburenganzira bwa muntu n’ubwisanzure bw’abaturage bacu neza kandi kenshi kuruta undi wese harimo namwe mukomeza kuvuga ibi bidasobanutse”.

Perezida Kagame yavuze ko hari Isi ebyiri zidakwiye; iy’abumva ko bazi buri kimwe ku burenganzira bwa muntu n’ibindi n’indi y’abatabizi, ku buryo abibwira ko babizi bashaka kuba abacamanza, bakabwira abandi ibyo bakora n’ibyo badakwiye gukora ndetse bakababwira ko ibyo bakora bitabanyuze.

Nyakubahwa perezida Kagame yavuze ko mu myaka 25 ishize nyuma ya Jenoside u Rwanda rwiyubatse cyane ndetse abona uburenganzira bwa muntu ari iterambere, amashuri, uburezi, ubuzima, kwihaza mu biribwa.

Perezida Kagame yasubije uyu munyamakuru gutya nyuma y’aho yakomezaga kubaza asa n’ushinja u Rwanda ko ruhonyora uburenganzira bwa muntu agendeye kuri raporo ya Amnesty International yo mu 2017 yavuze ko abanyamakuru, abatavuga rumwe n’ubutegetsi n’abaharanira uburenganzira bwa muntu batotejwe mu Rwanda.

Perezida Kagame yavuze ko ikigero cy’ubukene mu Rwanda cyaganutse ku kigero cya 60 %, ndetse ibyo igihugu gishora mu buzima byatanze impinduka nziza atari ku isi yose.

Source:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


  • chat_bubble hitimana

    Ibyo president wacu avuga nibyo 100%.Abazungu bibwira ko aribo bonyine bubahiriza uburenganzira bwa muntu.Nibyo koko muli Afrika nabo ntabwo babwubahiriza.Ariko se Amerika igenda ikica ibihumbi by’inzira-karengane muli Irak,Syria na Afghanistan,igatera atomic bombs muli Japan,niyo ibwubahiriza?
    Uburenganzira bwa muntu nyakuri buzazanwa n’ubwami bw’Imana gusa,ubwo buzakuraho ubutegetsi bw’abantu ku isi yose,bukaba aribwo buyobora isi nkuko Daniel 2 umurongo wa 44 havuga.Niwo muti wonyine.

    June 2019

Inzindi nkuru

Burera:Umunyeshuri yakuwe mu Kiyaga yapfuye nyuma yo gutoroka ikigo...

Umunyeshuri witwa Niyonizeye Pacifique wigaga mu ishuri rya E.S Kidaho riri...
18 February 2020 Yasuwe: 6110 0

RIB yatangaje icyo Kizito Mihigo yakoresheje yiyahurira muri kasho yari...

Urwego rw’igihugu rw’Ubugenzacyaha [RIB] rwatangaje ko umuhanzi Kizito Mihigo...
17 February 2020 Yasuwe: 19713 2

Perezida Museveni yakiriye igisubizo yahawe n’intumwa ye yihariye aheruka...

Perezida wa Uganda, Yoweri Kaguta Museveni, yatangaje ko yakiriye igisubizo...
16 February 2020 Yasuwe: 4499 0

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 26337 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 13316 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 4147 0