skol
startimes

Perezida Kagame yashimye ibikorwa Ingabo z’Igihugu zakoze muri uyu mwaka

Amakuru   Yanditswe na: Martin Munezero 28 December 2019 Yasuwe: 1646

Perezida wa Repubulika y’u Rwanda, Paul Kagame, akaba n’Umugaba w’Ikirenga w’Ingabo z’u Rwanda yashimiye ibikorwa ingabo z’igihugu zakoze muri uyu mwaka wa 2019 turi gusoza, ku ruhare rukomeye zagize mukubungabunga amahoro haba mu gihugu nderse no mu mahanga.


Umukuru w’igihugu yashimiye kandi muri rusange n’izindi nzego z’umutekano ku bw’ubwitange bukomeye bakomeje kugaragaza basigasira ibyagezweho ndetse banaharanira gukomeza gucunga umutekano w’abaturage.

Yavuze ko muri iki gihe cyo gusoza umwaka wa 2019 no kwinjira mu mwaka mushya wa 2020, ari igihe cyiza cyo gushimira ingabo z’u Rwanda n’imiryango yabo.

Yakomeje avuga ko mu izina rye bwite, mu izina ry’umuryango we ndetse no mu izina rya Guverinoma y’u Rwanda, ashima ubwitange ingabo z’u Rwanda zikomeje kugaragaza mu kazi kabo baharanira ubusugire bw’igihugu n’umutekano w’abaturage.

Yagize ati “U Rwanda ruha agaciro ubwitange mugaragaza mu gucunga umutekano mu Rwanda no mu mahanga.”

Perezida Kagame yavuze ko igihugu kizirikana agaciro k’ubutumwa ingabo zirimo hanze y’imiryango yabo muri iki gihe abandi bari kumwe bishimira gusoza umwaka no gutangira undi.

Perezida Kagame kandi yagarutse ku bitero bitandukanye byagiye byibasira u Rwanda muri uyu mwaka,aboneraho umwanya wo kongera gushimira uruhare ingabo zagize mu gushaka igisubizo no gukomeza kurinda Abanyarwanda.

Umukuru w’Igihugu yashimye ubunyamwuga n’ubwitange ingabo zigaragaza mu kazi kabo, avuga ko abaturage b’u Rwanda bashima ibyo ingabo zikora, kandi ko bazizirikana mu bitekerezo no mu masengesho kugira ngo zikomeze gusigasira ibyagezweho.

Muri ubwo butumwa yageneye ingabo z’u Rwanda, Umukuru w’Igihugu yunamiye abatakarije ubuzima mu bikorwa byo kubungabunga amahoro mu Rwanda no mu mahanga, yihanganisha imiryango yabo.

Ati “Abanyarwanda bazirikana abanyu mwabuze bitangiye igihugu kugira ngo gikomeze kugira umutekano no gutera imbere.”

Perezida Kagame yasabye Ingabo z’u Rwanda gukomeza kurangwa n’ubunyamwuga no kurushaho guharanira ubusugire bw’Igihugu, abifuriza bo n’imiryango yabo umwaka mushya muhire wa 2020.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3331 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2503 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5086 0

Tito Rutaremara yavuze ko FPR atari abamalayika

Umuyobozi w’Urubuga Ngishwanama rw’Inararibonye z’u Rwanda, Tito Rutaremara,...
7 September 2020 Yasuwe: 2657 0

Gasabo: Abasore bararaga mu irimbi bafashwe bajyanwa muri Stade

Mu ijoro ryo ku wa Gatandatu tariki 05 Nzeri 2020, ahagana saa 19h30,...
7 September 2020 Yasuwe: 11098 1

Ibigo birimo HEC, RALC, WDA na NCC byasheshwe

Kuri uyu wa Gatanu taliki ya 4 Nzeri 2020, mu igazeti ya Repubulika y’u...
6 September 2020 Yasuwe: 3204 0