skol
startimes

Polisi y’u Rwanda yavuze ku murobyi w’Umurundi Ndagijimana Sylvestre warashwe

Amakuru   Yanditswe na: Martin Munezero 5 July 2020 Yasuwe: 8144

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi witwa Ndagijimana Sylvestre leta y’u Burundi yatangaje ko yashimuswe, yarasiwe n’inzego z’umutekano ku kiyaga cya Cyohoha mu Karere ka Bugesera.


Tariki ya 3 Nyakanga ni bwo Minisiteri y’Umutekano w’imbere mu Burundi yatangaje ko tariki ya 1 muri uku kwezi, ingabo z’u Rwanda zashimutiye umurobyi witwa Ndagijimana Sylvestre ku kiyaga cya Cyohoha, ku musozi wa Kiri, Komini ya Rugabira mu Ntara ya Kirundo. Icyo gihe ngo humvikanye urusaku rw’amasasu.

Polisi y’u Rwanda mu itangazo imaze kunyuza kuri Twitter yatangaje ko inzego z’umutekano zakoraga uburinzi ku kiyaga cya Cyohoha ibihugu byombi bihuriyeho, zahuye n’umugabo utaramenyekanye wari ufite umuheto n’imyambi.

Polisi ikomeza ivuga ko inzego z’umutekano zashatse kumufata, arabyanga, ahubwo atangira kuzirasa imyambi. Iti: “Nta yandi mahitamo yari ahari uretse kumurasa.” Uyu mugabo yararashwe arapfa, umurambo we ukaba warajyanwe mu Bitaro bya Nyamata kugira ngo ukorerwe isuzuma.

Iby’iraswa ry’uyu murobyi ritangajwe nyuma y’aho kuri uyu wa 4 Nyakanga 2020 hatangajwe urundi rupfu rw’impunzi ebyiri z’u Burundi ziba mu nkambi ya Mahama iherereye mu Karere ka Kirehe. Izi mpunzi zarashwe na Polisi y’u Rwanda, ubwo zinjizaga ibiyobyabwenge mu Rwanda.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Inkingo miliyoni imwe za COVID-19 ziragera i Kigali mu minsi ya vuba...

Mu kiganiro Umuyobozi w’Ikigo cy’Igihugu cy’Ubuzima (RBC) yagiranye...
22 January 2021 Yasuwe: 4721 0

Hakuweho urujijo rw’ahabereye ubwicanyi bwakozwe na Kaneza Christa wishe...

Ku wa Gatatu w’iki Cyumweru, Polisi y’u Burundi yerekanye umugore ukiri muto...
22 January 2021 Yasuwe: 19792 0

Uruganda rwa Filime nyarwanda rwungutse indi yitwa Diru irimo amayeri...

Film zirimo imitecyerereze yo kurwego rwo hejuru zibamo amayeri n’amacenga...
21 January 2021 Yasuwe: 4144 0

Kigali:Ibanga ryafasha ingeri zose kuvuga icyongereza neza mu minsi...

Théoneste Uwayezu uyobora kompanyi yitwa ICT For All in All ikorera i Remera...
18 January 2021 Yasuwe: 4789 3

Kayonza: Umugabo yishe umwana w’umugore we w’imyaka ibiri amuteye...

Mu Ijoro ryakeye mu Mudugudu w’Irebero mu Kagari ka Nyagatovu mu Murenge wa...
18 January 2021 Yasuwe: 5309 0

Umurambo wa Mirimo Gaspard Wataburuwe; Yaramaze imyaka 4 yitabye Imana-...

Mirimo Gaspard ni umunyemari ukomeye witabye Imana muri Gicurasi 2016 aho...
16 January 2021 Yasuwe: 9495 0