Polisi yafashe amavuta menshi ya mukorogo mu ntara y’Amajyepfo

Amakuru   Yanditswe na: Dusingizimana Remy 11 February 2019 Yasuwe: 1918

Polisi y’u Rwanda yakoze umukwabu mu ntara y’Amajyepfo ishaka amavuta ya mukorogo yari agicuruzwa mu ibanga n’abacuruzi,ifata amaduzeni asaga 470 yayo ndetse n’amasabune ahindura uruhu.



Nyuma y’aho Perezida Kagame yamaganiye aya mavuta ahindura uruhu bitewe n’uko agira ingaruka ku buzima,Polisi yatangiye intambara yo kuyaca mu masoko n’amaduka yayacuruzaga ariko hari abakiyacuruza ariyo mpamvu mu ntara y’Amajyepfo hafashwe amaduzeni agera kuri 470 aya mavuta atujuje ubuziranenge yangiza uruhu.

Mu mpeza z’icyumweru gishize nibwo Polisi yerekeje mu mu turere twa Huye na Ruhangoifata amavuta ya mukorogo arimo ibinyabutabire birimo ‘hydroquinone’ bigizwe n’amavuta yo mu bwoko bwa Maxi-White, Skin White, Fair light, Diproson, Caro Light, Clear Men , Epiderm Crème, amasabune n’ibindi.

Umuyobozi wa Polisi mu Ntara y’Amajyepfo, ACP Jean Claude Kajeguhakwa, yashimiye abaturage bagize uruhare muri iki gikorwa cyo gutungira agatoki mukorogo.

Yagize ati “Nyuma y’uko inzego zitandukanye zitangiye ibikorwa byo gufata amavuta n’ibindi bihindura uruhu ababicuruza bahinduye amayeri bakabicururiza mu ngo zabo. Turashimira abaturage bagiye baduha amakuru y’aho biherereye bikabasha gufatwa.”

ACP Kajeguhakwa yasabye abaturage kureka gukoresha ibintu bishobora kugira ingaruka ku buzima bwabo.

Amavuta ya mukorogo,ashobora gutera ingaruka nyinshi abayakoresha zirimo kanseri y’uruhu.

Source:IGIHE

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Canopy ikiraro cyo muri Nyungwe cyashyizwe ku mwanya wa mbere ku...

Icapiro “Lonely Planet” ryo muri Australia rizwi mu kwandika ibitabo biyobora...
14 November 2019 Yasuwe: 3812 2

Tugiye kongera igiciro cy’umutekano wacu kuri buri wese ushaka...

Perezida Kagame yaburiye abashaka guhungabanya umutekano w’u Rwanda ko...
14 November 2019 Yasuwe: 4029 2

Bayigamba Robert wabaye Minisitiri w’Urubyiruko umuco na siporo yasabiwe...

Ubushinjacyaha bw’u Rwanda bwasabye ko Robert Bayigamba agumishwa mu...
13 November 2019 Yasuwe: 2966 0

Kamonyi: Umuganga yatawe muri yombi na RIB akekwaho gusambanya umugore...

Umugore wo mu karere ka Kamonyi yatangaje ko yabonye hanze y’...
13 November 2019 Yasuwe: 9501 4

Abakozi 2 ba Banki ya Kigali barashinja icyuma cya ATM kunyereza akayabo...

Abakozi babiri ba Banki ya Kigali ishami rya Kacyiru bafunzwe...
13 November 2019 Yasuwe: 6791 1

Leta ya Uganda yikomye u Rwanda ku iraswa ry’abaturage bayo

Leta ya Uganda yikomye u Rwanda ku iraswa ry’abaturage bayo; Job Byarushanga...
13 November 2019 Yasuwe: 4934 0