startimes

Reba uburyo bushya ushobora gukoresha ushyira itike kuri Tap&Go wifashishishije Telefone

Amakuru   Yanditswe na: Martin Munezero 25 November 2019 Yasuwe: 2645

Kuri ubu AC Group imenyerewe cyane mu Mujyi wa Kigali, irimo gutanga serivisi ku bajya mu ntara ihereye ku bakora ingendo Kigali-Musanze-Rubavu. Mu korohereza abakiriya bayo, yatangije uburyo bw’ikoranabuhanga ribafasha kubona serivisi.



Ubu buryo ni Tap&Go App, yashyiriweho gufasha umukiriya kubasha kuzigama itike, gushyira amafaranga ku ikarita atarindiriye kugana abakozi ba AC Group mu Mujyi wa Kigali, ndetse akabasha no kureba amafaranga asigaranye ku ikarita n’ibindi byinshi.

AC Group yazanye ubu buryo bwo kwishyura hifashishijwe ikoranabuhanga bigendanye na gahunda ya Leta y’u Rwanda, yo kwishyura ibicuruzwa na serivisi utitwaje amafaranga mu ntoki.

Kugira ngo ubashe kwigurira itike yawe, icya mbere usabwa ni ukuba ufite application ya Tap&Go App muri telefoni yawe, aho wayikurura kuri App store ku bakoresha ios na Play Store ku bakoresha Android. Hakurikiraho kwiyandikisha ugatunga konti, ukabikora ushyiramo izina, nimero ya telefoni na email.

Uburyo washyira amafaranga kuri Tap&Go yawe, wifashishije Telefone

Fungura application ya Tap&Go muri telefoni yawe, shyiramo aho ushaka guhagurukira, shyiramo aho ushaka kwerekeza n’isaha yo guhaguruka n’uburyo ukoresha mu kwishyura niba ari Mobile Money cyangwa banki runaka. Iyo umaze kuzuza ibyo byose, uhita ubona imibare werekana iyo ugiye guhaguruka.

Kugura ikarita ya Tap&Go unyuze ku rubuga

Iyo umaze gufungura mudasobwa yawe cyangwa telefoni, uhita wandikamo www.tapandgo.rw, ukuzuzamo imyirondoro yawe (amazina, nimero ya telefoni na email), aho ugiye guhagurukira, aho werekeza n’igihe wifuza gutangira urugendo, ukishyura, nyuma ukaza guhabwa imibare uza kwerekana mu gihe ugiye guhaguruka.

Kwishyura itike wifashishije umukozi wa Tap&Go

Iyo umaze kugera ku mukozi wa Tap&Go ukwegereye, umuha imyirondoro yawe, aho ushaka guhagurukira, aho ushaka kwerekeza n’igihe cyo guhaguruka. Iyo birangiye wishyura mu buryo bukunogeye yaba kwishyura mu ntoki, Mobile Money cyangwa Banki ukorana nayo, ubundi ugahita uhabwa agatike imashini ihita isohora.

Bitewe n’uburyo byoroshya ubuzima, AC Group ishishikariza abanyarwanda bafite telefoni zigezweho ‘Smartphone’ kwihutira gushyira ‘application’ ya Tap&Go muri telefoni zabo kugira ngo bajye babasha kwigurira itike bitabasabye kujya ku mukozi wa Tap&Go.

Ikindi ni uko kugura itike wifashishije ‘application’ ya Tap&Go cyangwa uyiguriye ku rubuga bigufasha no kuba wareba uburyo wagiye ugura amatike mu bihe bitandukanye byatambutse.

SRC:IGIHE

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1730 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1584 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1747 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 947 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3542 1