RIB yataye muri yombi umugore ukekwaho kuba umutasi

Amakuru   Yanditswe na: Dusingizimana Remy 28 November 2019 Yasuwe: 5559

Urwego rw’Igihugu rw’Ubugenzacyaha, RIB, rwataye muri yombi umugore witwa Umuhoza Jacqueline akekwaho uruhare mu byaba birimo ubugambanyi cyangwa ubutasi.



Amakuru y’itabwa muri yombi rya Umuhoza yamenyekanye nyuma y’uko ku mbuga nkoranyambaga hiriwe hacicikana inkuru zivuga ko yaburiwe irengero.

Abinyujije kuri Twitter ye,uwitwa Ivan R. Mugisha yamenyesheje Urwego rw’Igihugu rushinzwe Ubugenzacyaha ko uyu Umuhoza yise inshuti ye yaburiwe irengero,asaba ubufasha mu kumenya aho aherereye.

Nyuma y’ubwo butumwa RIB yasabye Mugisha kugera kuri uru rwego agatanga amakuru yafasha mu kumenya aho Umuhoza aherereye.

Umuvugizi wa RIB, Marie Michelle Umuhoza, yabwiye IGIHE dukesha iyi nkuru ko Umuhoza Jacqueline yatawe muri yombi ku gicamunsi akurikiranyweho ibyaha bifatwa nk’ubugambanyi cyangwa ubutasi.

Uko ibi byaha Umuhoza akekwaho yabikoze n’igihe yabikoreye ntibyigeze bitangazwa kuko ngo bikiri mu iperereza.

Amakuru aravuga ko uyu Umuhoza usanzwe ari umukobwa w’umuvugabutumwa (pastor) w’Umunyarwanda Deo Nyirigira uba mu mujyi wa Mbarara muri Uganda aho afite urusengero,ashinjwa kuba umuhuzabikorwa mu gace ka Mbarara w’umutwe wa RNC urwanya ubutegetsi bw’u Rwanda.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Minisiteri y’uburezi yongeye gukomorera abantu batize uburezi

Minisiteri y’uburezi yongeye gukomorera abantu batize uburezi ariko...
27 January 2020 Yasuwe: 3062 3

Padiri Habyarimana Andre wa Diyoseze ya Kabgayi kwifata byaramunaniye...

Padiri Habyarimana Andre Avellin ni Umupadiri wahoze akorera muri Diocese...
27 January 2020 Yasuwe: 4918 2

Abakoresha Whatsapp baburiwe na RIB

Urwego rw’igihugu rw’ubugenzacyaha RIB ruraburira abantu bakoresha urubuga...
25 January 2020 Yasuwe: 5441 0

Abadakoresha ubutaka bwabo uko bikwiye bazabwamburwa

N’ubwo ubutaka mu Mujyi wa Kigali ari ubw’abaturage kandi bagomba kubukoresha...
24 January 2020 Yasuwe: 3995 0

Mutuyisugi Bernard yashikuje igikapu umuzungu wo muri Amerika cyari kirimo...

Ku manywa yo ku wa 22 Mutarama 2020 Mutuyisugi Bernard ufite imyaka 28...
24 January 2020 Yasuwe: 7143 1

Hasobanuwe impungenge zo gutanga Bourse hatitawe ku byiciro by’ubudehe

Umuyobozi wungirije ushinzwe iterambere muri Kaminuza y’u Rwanda, Dr Charles...
23 January 2020 Yasuwe: 1543 2