Rulindo:Umusore yarashwe n’abapolisi nyuma yo kwica umugabo w’umugore yafashwe ari gusambanya

Amakuru   Yanditswe na: Dusingizimana Remy 10 November 2019 Yasuwe: 7115

Umusore witwa Twiringiyimana uri mu kigero cy’imyaka 20 yarashwe n’inzego zishinzwe umutekano ubwo yageragezaga kuzirwanya zishaka kumuta muri yombi zimuziza icyaha yakoze cyo kwica umugabo witwa Uzabakiriho Jean Claude wamufashe ari kumusambanyiriza umugore akamutera icyuma.



Twiringiyimana yarasiwe mu murenge wa Burega mu karere ka Rulindo nyuma yo kugerageje kurwanya inzego z’ umutekano ubwo zari zigiye kumuta muri yombi.

Saa mbili z’ umugoroba wo kuri uyu wa Gatandatu tariki 9 Ugushyingo 2019 nibwo Uzabakiriho Jean Claude yatashye avuye ku isanteri ya Kiyanza ageze mu rugo iwe mu kagari ka Butangampundu usanga umusore witwa Twiringiyimana yamwinjiriye urugo.

Uyu musore Twiringiyimana ngo yahise atera icyuma Uzabakiriho aramwica, amaze kumwica arahunga.



Umunyamabanga Nshingwabikorwa w’ Umurenge wa Burega, Mbera Rodrigue yatangarije UKWEZI dukesha iyi nkuru ko nyuma y’ ibyo, Polisi y’ u Rwanda yagiye guta muri yombi Twiringiyimana ashaka kuyirwanya akoresheje intwaro gakondo niko kuraswa arapfa.

Ati “Nyiri urugo wishwe, yatashye ageze mu rugo asanga harimo umusore, bararwana amutera icyuma arapfa, hanyuma uwo musore aragenda aracika ajya iwabo kuko ni mu murenge wa Ntarabana duturanye.

Polisi yagiye kumushakisha ashaka kuyirwanya.Byagaragaraga ko yari yanyoye inzoga kandi afite n’ ibikoresho byakwangiza n’ undi uwo ariwe wese, nawe baramurasa arapfa”.



Gitifu Mbera avuga ko uwo musore atari umushyitsi muri urwo rugo. Ati “Urebye yari umusambane we kuko si ubwa mbere bari bamushyize mu majwi ko asambana n’ uwo mudamu”.

Umurambo wa Twizeyimana n’ uwa Uzabakiriho Jean Claude yajyanywe ku bitaro bya Rutongo.

Umugore wa Uzabakiriho ukekwaho kuba yacaga inyuma umugabo we yafashwe n’ inzego z’ umutekano kugira ngo age gutanga amakuru y’ ibyabaye.

Uzabakiriho Jean Claude yari afite imyaka 39. We n’ umugore we bari bafitanye abana babiri.

Abayobozi b’ inzego z’ ibanze baganirije abaturage babaha ubutumwa bw’ ihumure, bunabasaba kwirinda amakimbirane yo mu ngo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble emma

    Birababaje aho ikinyamakuru nki ki gihabwa raporo itariyo bo barangiza bakabyita amakuru.muge Mu byita ko ari raporo mwahawe.

    4 months ago
  • chat_bubble Habimana Hassan

    Police mwagize neza uwo musambanyi nubundi yari akwiye kwica

    4 months ago

Inzindi nkuru

Musanze:Abantu 7 bafunzwe bazira kugira akabari urugo muri ibi...

Abantu barindwi bafashwe bifungiranye mu gipangu cy’aho uwitwa Sam Kiruhura,...
30 March 2020 Yasuwe: 2369 0

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3735 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1233 1

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3546 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 4092 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2089 0