startimes

Rulindo:Umutoni Marie Chantal yahukanye ata umugabo ageze iwabo arapfa

Amakuru   Yanditswe na: Martin Munezero 10 September 2019 Yasuwe: 5839

Mu murenge wa Burega mu Karere ka Rulindo, Akagali ka Butangampundu, mu rukerera rwo ku wa 9 Nzeri 2019 nibwo hamenyekanye inkuru y’umubyeyi witwa Umutoni Marie Chantal w’imyaka 30 wahukaniye iwabo mu mudugudu wa Kigabiro agahita apfa. Icyateye urupfu kikaba kitaramenyekana.



Aya makuru yamenyekanye ubwo uyu nyakwigendera yasanzwe mu buriri byo ku ivuko aho yari yahukaniye dore ko yari yaje avuye ku mugabo mu masaha ya nimugoroba yahukanye nk’uko umugabo we yabitangaje

Munyampirwa Jean Claude, umugabo wa nyakwigendera yagize ati, “Nibyo koko umugore wanjye yavuye mu rugo nko mu ma saa kumi n’imwe agiye iwabo kuko yari amaze iminsi ajya gusenga atabimbwiye bigatuma nkora imirimo yo mu rugo, nkateka n’ibindi byinshi, mu gitondo ejo nahamagaye musaza we mubwirako mushiki we ananiye nza kumuboherereza bakamugira inama, nimugoroba rero nibwo yagiye ajyanye n’abana babiri dufitanye”.

Munyampirwa Jean Claude ahamya ko umugore we yari yahukanye

Uyu mugabo abajijwe uko yaba yamenye urupfu rw’umugore we, yagize ati, “Nabimenye mu gitondo mpamagawe na musaza we, ambwira ko umugore wanjye apfuye, naje ngezeyo koko nsanga yapfuye.

Abajijwe niba nta kindi kibazo cy’amakimbirane bari bafitanye, yavuze ko ntacyo, avuga ko ikibazo bagiranye ari uko yamubajije impamvu ajya gusenga atamubwiye, akamusaba ko agomba kujya iwabo.

Ku ruhande rw’umuryango uyu nyakwigendera avukamo, bavuga ko Umutoni Marie Chantal yahageze koko nimugoroba agahita ajya mu buriri, ariko akababwira ko hari icyo ashaka kubabwira azakibabwira bukeye bwaho. Nk’uko yari yabibabwiye, bagiye kumureba mu rukerera ngo bumve icyo ababwira basanga yashizemo umwuka.

Umuyobozi w’Akagali ka Butangampundu, Kamali Aaron, yavuze ko abaturage bakomeza kwihangana kandi ko bagomba gutegereza ibizava mu isuzumwa ry’umurambo dore ko kuri ubu wajyanywe ku bitaro bya Kacyiru gusuzumwa ngo harebwe impamvu yateye urupfu.

Umutoni Marie Chantal asize abana babiri, umugabo we yashyikirijwe urwego rw’igihugu rw’ubugenzacyaha (RIB) mu gihe hagikorwa iperereza ngo habe habasha kumenyekana impamvu yateye urupfu rw’uyu mubyeyi.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4491 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1987 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1622 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1759 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 949 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1584 0