skol
startimes

Rwanda:Ababereyemo leta imyenda bafatiwe ingamba nshya

Amakuru   Yanditswe na: Martin Munezero 7 August 2020 Yasuwe: 2000

Leta y’u Rwanda yafashe ingamba nshya zo kwishyuza abayibereyemo imyenda, nyuma yuko bigaragaye ko izakoreshwaga mbere leta yashoboraga kugaruza umubare runaka ariko ubu ubereyemo umwenda leta akaba agomba gukurikiranwa kugeza umwenda wishyuwe burundu.


Imitungo byibuze y’abantu 18 yatejwe cyamunara na Leta mu manza yatsinze mu myaka 2 ishize yakuyemo miliyoni 361 z’amafaranga y’u Rwanda, muri miliyari 1.3 z’amafaranga y’u Rwanda leta iberewemo nyuma y’imanza yatsinze hagati ya Kamena 2018 na 2020.

Asobanura itandukaniro riri hagati y’ibyo iberewemo n’ibyagaruwe kugeza ubu, Minisitiri w’ubutabera, Johnston Busingye, yavuze ko Guverinoma yashoboye guteza cyamunara imitungo abayibereyemo imyenda bari bafite, ati:

Ikibaho nuko tugurisha umutungo kandi, akenshi, tugaruza gusa umubare runaka. Bimaze kuba ingorabahizi nyuma y’ibi kuko tugomba gukurikirana umwenda kugeza umwenda wabo wishyuwe burundu.

Mu ngamba nshya leta ifite zo gukurikirana abayibereyemo imyenda nk’uko iyi nkuru dukesha The New Times ivuga, harimo no kwangirwa serivisi zitangwa na leta kugeza igihe bazarangiriza kwishyura.

Minisitiri w’ubutabera avuga ko ubwo buryo bushya bufitanye isano na serivisi zose za Leta, bumaze gutesha umutwe abantu benshi babereyemo leta imyenda kandi bikabahatira kumvikana ku buryo bwo kwishyura.

Minisitiri Busingye yavuze ko guverinoma irimo gukorana n’itsinda ry’abahesha b’inkiko bagera kuri 40 bafashije kwihutisha kwishyura imyenda.

Abahesha b’inkiko bafite inshingano zo gushyira mu bikorwa imanza zaciwe n’inkiko kandi bakabona komisiyo ingana na gatanu ku ijana by’amafaranga y’urubanza cyangwa amafaranga 300.000 mu gihe ikishyuzwa kitari mu rwego rw’amafaranga.

Yasobanuye ko kuri ubu guverinoma ikorana n’ikigo gishinzwe imisoro n’amahoro (RRA), Ikigo gishinzwe imicungire n’ikoreshwa ry’ubutaka (RLMA), Ikigo gishinzwe inguzanyo (CRB), Ikigo cy’Ubwiteganyirize cy’u Rwanda (RSSB) n’ikigo cy’igihugu gishinzwe indangamuntu (NIDA) hagamijwe kumenya neza ko abayibereyemo imyenda bashishikarizwa kwishyura igihe cyose begereye ibyo bigo kuri serivisi iyo ari yo yose.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3337 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2504 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5088 0

Tito Rutaremara yavuze ko FPR atari abamalayika

Umuyobozi w’Urubuga Ngishwanama rw’Inararibonye z’u Rwanda, Tito Rutaremara,...
7 September 2020 Yasuwe: 2659 0

Gasabo: Abasore bararaga mu irimbi bafashwe bajyanwa muri Stade

Mu ijoro ryo ku wa Gatandatu tariki 05 Nzeri 2020, ahagana saa 19h30,...
7 September 2020 Yasuwe: 11098 1

Ibigo birimo HEC, RALC, WDA na NCC byasheshwe

Kuri uyu wa Gatanu taliki ya 4 Nzeri 2020, mu igazeti ya Repubulika y’u...
6 September 2020 Yasuwe: 3206 0