U Rwanda na Uganda byihaye iminsi 30 yo kongera kuganira none yarenze nta gikozwe

Amakuru   Yanditswe na: Martin Munezero 17 October 2019 Yasuwe: 1610

Ku wa 16 Nzeri 2019, ni bwo abayobozi ku ruhande rwa Uganda n’u Rwanda bahuriye i Kigali, mu rwego rwo kurebera hamwe ishyirwa mu bikorwa ry’amasezerano ya Luanda, yashyizweho umukono n’abakuru b’ibihugu byombi muri Kanama uyu mwaka.



Umwe mu myanzuro w’iyi nama yabereye ku kicaro cya Minisiteri y’ububanyi n’amahanga ku Kimihurura, ni uko abayobozi ku mpande zombi bagombaga kongera guhurira i Kampala muri Uganda, mu rwego rwo gusuzuma niba ibyemejwe n’impande zombi byarashyizwe mu bikorwa.

Iyi nama ya Kampala kandi yagombaga kuganirirwamo ibijyanye n’urujya r’uruza hagati y’abaturage b’u Rwanda na Uganda.

Magingo aya iminsi 30 impande zombi zihaye yarangiye ejo hashize, gusa nta kimenyetso kigaragaza ko iyi nama y’i Kampala izaba.

Umunyamabanga wa leta muri Minisiteri y’ububanyi n’amahanga Amb. Olivier Nduhungirehe, ku mugoroba w’ejo ku wa gatatu yabwiye The New Times ko u Rwanda rugitegereje kumva ijambo rizaturuka i Kampala.

Ati” U Rwanda ruracyategereje ubutumire bwa Uganda kuri iyo nama muvuga.”

Inama yabereye i Kigali mu kwezi gushize, yari yitabiriwe na Sam Kutesa, Minisitiri w’intebe wa Uganda ushinzwe ububanyi n’amahanga ari na we wari uyoboye intumwa za Uganda. Hari kandi Minisitiri w’ubutegetsi bw’igihugu, Jese Odongo, intumwa nkuru ya leta ya Uganda, William Byaruhanga ndetse n’uhagarariye iki gihugu mu Rwanda, Olive Wonekha.

U Rwanda rwo rwari ruhagarariwe na Amb. Olivier Nduhungirehe, umunyamabanga wa leta muri Minisiteri y’ububanyi n’amahanga ushinzwe umuryango wa Afurika y’Iburasirazuba.

Hari kandi Minisitiri w’ubutegetsi bw’igihugu Prof. Shyaka Anasthase, Minisitiri w’ubutabera Johnson Busingye, Col. Anaclet Kalibata uyobora urwego rw’abinjira n’abasohoka, Maj. Joseph Nzabamwita uyobora Urwego rw’Igihugu rw’Iperereza n’Umutekano w’Igihugu, NISS na Maj. Gen Frank Mugambage uhagarariye u Rwanda muri Uganda.

Iyi nama kandi yari irimo Minisitiri w’ububanyi n’amahanga wa Angola, Manuel Domingos Augusto na Minisitiri w’intebe wungirije wa DR Congo, Gilbert Kakonde Malamba.

Imyanzuro yayifatiwemo harimo:

1. U Rwanda rwatanze urutonde rw’abanyarwanda 209 bafungiye muri Uganda mu buryo bunyuranyije n’amategeko, Uganda yemera ko igiye gukurikirana iki kibazo ikazarekura abo bizagaragara ko badafite ibyaha bashinjwa n’inkiko.

2. Impande zombi zemeranyije ko hazubahirizwa uburenganzira bwa muntu mu gucira imanza abaturage b’ibihugu byombi.

3. Impande zombi zagaragaje ubushake bwo kwirinda icyo ari cyo cyose cyahungabanya umutekano w’ibihugu byombi.

4. Impande zombi zemeramyije kurangiza amasezerano ajyanye no guhererekanya abanyabyaha, mu rwego rwo gushyiraho umurongo ngenderwaho mu guhererekanya abanyabyaha mu minsi iri imbere.

5. Impande zombi zemeranyije guhagarika icengezamatwara ryaba iryo mu itangazamakuru cyangwa ku mbuga nkoranyambaga.

6. ikibazo cy’urujya n’uruza rw’abantu, ibicuruzwa na serivisi ku mipaka isanzwe hagati y’ibi bihugu hamwe n’izindi ngingo zizaganirwaho mu nama itaha izabera i Kampala mu minsi 30.

7. Inama itaha izabera i Kampala mu minsi 30 iri imbere, harebwa uko ishyirwa mu bikorwa ry’amasezerano ya Luanda ryifashe.

Author : Martin Munezero

Ibitecyerezo

  • Log in

    Amategeko n'amabwiriza birkurikizwa


  • chat_bubble Amos

    Ni ukubitega amaso , ariko abo bireba babikemure

    4 months ago

Inzindi nkuru

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 9273 0

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 7352 0

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 3651 0

Uganda yavuze ko abaturage bayo 50 bafungiwe mu Rwanda bidakurikije...

Kuri uyu wa Gatanu taliki ya 14 Gashyantare 2020, nibwo habaye inama ya...
14 February 2020 Yasuwe: 7216 0

RIB yavuze ku rupfu rwa Habumuremyi Telesifore uherutse gupfira muri kasho...

Ku wa gatatu w’icyumweru gishize tariki ya 5 Gashyantare 2020, nibwo umugabo...
13 February 2020 Yasuwe: 13603 6

Ntibikiri ngombwa kujya gushaka ibyangombwa mu bayobozi kuko...

Minisitiri w’Ubutegetsi bw’Igihugu, Prof Shyaka Anastase avuga ko...
13 February 2020 Yasuwe: 4247 1