startimes
startimes

U Rwanda rwahakanye ku by’ubutumire bwa Uganda ku biganiro na yo bivugwa ko rwahawe

Amakuru   Yanditswe na: Martin Munezero 21 October 2019 Yasuwe: 2603

Umunyamabanga wa Leta muri Minisiteri y’Ububanyi n’amahanga y’u Rwanda, Amb. Nduhungirehe Olivier, yavuze ko bitangaje kubona mu itangazamakuru ryo muri Uganda itariki y’ubutumire ku biganiro bigamije kuzahura umubano w’ibihugu byombi, kandi inzego z’u Rwanda zitarabimenyeshwa.


Sponsored Ad


Ni inama ya kabiri irimo gutegurwa, ya komisiyo ihuriweho y’u Rwanda na Uganda yashyizweho n’amasezerano Perezida Paul Kagame na Yoweri Museveni basinyiye i Luanda muri Angola, ku wa 21 Kanama. Ni amasezerano agamije guhosha ubwumvikane buke bumaze iminsi hagati y’ibihugu byombi.

Ku wa 16 Nzeri 2019 nibwo i Kigali habereye inama ya mbere y’iyi komisiyo yashyiriweho gukemura ibibazo bikomeje guteza umwuka mubi hagati y’u Rwanda na Uganda kandi nyamara ari ibituranyi.

Mu myanzuro yafatiwe muri iyi nama y’i Kigali , hemejwe ko inama itaha izaba nyuma y’iminsi 30 uhereye igiye iya mbere yabereye, yo ikabera i Kampala, gusa iyo minsi bari bihaye yamaze kurenga.

Kuri iki Cyumweru nibwo ikinyamakuru Chimpreports cyo muri Uganda cyanditse ko Minisiteri y’Ububanyi n’Amahanga ya Uganda yohereje ubutumire i Kigali, buha ikaze intumwa z’u Rwanda “mu nama iteganyijwe ku wa 13 Ugushyingo.”

Umunyamabanga wa Leta muri Minisiteri y’Ububanyi n’amahanga y’u Rwanda, Amb. Nduhungirehe Olivier akimara kubona iyi nkuru ya Chimpreports kuri Twetter yanditse agira ati ” Biratangaje kumenya ibintu biciye mu kinyamakuru. Ntitwigeze tubiganiraho cyangwa se ngo batubaze itariki kandi Minisiteri y’ububanyi n’amahanga na Ambasade y’u Rwanda muri Uganda ntizirabona ubutumire.”

Mu nama ya mbere, u Rwanda rwahaye Uganda urutonde rw’Abanyarwanda bafungiwe muri icyo gihugu, yemera kugenzura ayo makuru hagamijwe ko abari kuri urwo rutonde banyuzwa mu nzira zigenwa z’ubutabera, no kurekura abo bizagaragara ko nta bimenyetso bihari cyangwa ibyaha bakurikiranwaho.

Kimwe n’indi myanzuro yemeranyijweho, Nduhungirehe aherutse gutangaza ko nta kintu gishya kirabaho.

Indi myanzuro yari yemeranyijweho harimo ko ibihugu byombi byemeranyije kwihutisha amasezerano yo kohererezanya abanyabyaha, hagamijwe ko mu gihe kiri imbere hazajya habaho ubufatanye mu gukurikirana abakora ibyaha mu gihugu kimwe bagahungira mu kindi.

Ibihugu byombi kandi “byemeranyije guhagarika icengezamatwara iryo ari ryo ryose ribangamiye kimwe muri ibi bihugu, ryaba irinyuzwa mu bitangazamakuru byemewe cyangwa imbuga nkoranyambaga.”

Iyo tariki ibaye ari ukuri, si ubwa mbere ubutumwa bwa Uganda bureba u Rwanda bunyuze mu itangazamakuru, mbere y’uko bugera ku bo bugenewe kuko hari n’ibaruwa Perezida Museveni yandikiye mugenzi we w’u Rwanda Paul Kagame ikagera mu itangazamakuru mbere y’uko ayibona.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


  • chat_bubble sezikeye

    Mu byukuri,Uganda irimo kubeshya nta biganiro ishaka.It is a waste of time.Nkuko Umufaransa witwaga Voltaire yigeze kuvuga,”Politike ni ubuhanga bwo kubeshya abantu” (La Politique c’est l’art de mentir). Dore ingero nkeya: Muribuka president Habyarimana amaze gusinya amasezerano ya Arusha muli August 1993,yagera I Kigali akavuga ati:” Amasezerano se ni iki?Si ibipapuro??”.Mwibuke president Museveni asinya amasezerano na General Tito Okello muli 1986,i Nairobi.Yahise amuca inyuma afata Kampala. Muribuka president Mobutu abeshya abakongomani ngo “mu mwaka wa 1980 bose bazaba bafite imodoka” (objectif 80).Muli Politike haberamo ibintu byinshi bibi:Kubeshyana,amacenga,kwica, amatiku,amacakubiri, ruswa,ubwicanyi,inzangano,kwikubira,etc…Niyo mpamvu abakristu nyakuri banga kuyijyamo,bakizera kandi bagashaka Ubwami bw’Imana buzaza ku munsi w’imperuka,bugakuraho ubutegetsi bw’abantu akaba aribwo butegeka isi nkuko Daniel 2,umurongo wa 44 havuga.Niyo mpamvu Yesu yadusabye gusenga dusaba Imana ngo:”Ubwami bwawe nibuze” (Let your Kingdom Come). Nibuza kandi buri hafi,buzadukiza ibibazo byose isi ifite.

    October 2019
  • chat_bubble

    Umugambi wa Museveni nuwo guhungabanya umutekano wu Rwanda si uwo kugarura imigenderanire kandi abikora yerekana ko ali umuntu mwiza imbere yabahuza. nyamara akaguma kwakira ba Ben kumugaragaro ibyo ubwabyo. ni kimenyetso kigaragara kuki tutareka Uganda tukajya ahandi aho kubana numugambanyi utazabireka *

    October 2019

Inzindi nkuru

Uwimbabazi Irène avuga ko yafashwe ku ngufu RIB ikavuga ko bitabaye

Uwitwa Uwimbabazi Irène wo mu karere ka Ruhango yatangaje ko bagizi ba nabi...
7 August 2020 Yasuwe: 2067 0

Abakora umwuga w’ubukomisiyoneri mu Rwanda bakuwe amata ku munwa

Uburyo bushya bwo guteza cyamunara hakoreshejwe uburyo bwa elegitoronike,...
6 August 2020 Yasuwe: 15773 0

Polisi y’u Rwanda yashyize hanze amabwiriza agenga abakora ingendo z’indege...

Umuvugizi wa Polisi y’Igihugu,CP John Bosco Kabera Yavuze ko ku bagenzi...
2 August 2020 Yasuwe: 11556 0

RIB yerekanye abakobwa 4 bakwirakwije ku mbuga nkoranyambaga amashusho yabo...

Kuri uyu wa Gatanu tariki ya 31 Nyakanga 2020 nibwo Urwego rw’igihugu...
31 July 2020 Yasuwe: 12187 0

Umunyarwanda warangije amasomo y’ikoranabuhanga n’itumanaho muri kaminuza...

Umunyarwanda warangije amasomo y’ikoranabuhanga n’itumanaho muri kaminuza,...
31 July 2020 Yasuwe: 9366 4

Rusizi:Umugabo ufite urugo bamufatiye mu rugo rw’abaturanyi asambanya...

Umuyobozi w’Umudugudu wa Rurenga 1 mu karere ka Rusizi, Nzeyimana Jean...
19 July 2020 Yasuwe: 15739 3