startimes

Umuhanda Kigali-Akanyaru wangiritse bikomeye[AMAFOTO]

Amakuru   Yanditswe na: Martin Munezero 10 December 2019 Yasuwe: 3912

Umuhanda Kigali-Akanyaru kubera inkangu yaguye mu Murenge wa Ngoma, Akagari ka Fugi, mu Karere ka Nyaruguru, uri gukoreshwa igice kimwe cyonyine.



Uyu muhanda wacikiye hafi y’umupaka uhuza u Rwanda n’u Burundi, hafi neza y’inyubako y’isoko mpuzamipaka ryo ku Kanyaru, (Cross Border Trade Complex).

Nyuma y’uko uyu muhanda wangiritse, Polisi y’uRwanda ishami ryo mu muhanda yahise itanga itangazo rimenyesha abantu bokoresha uwo umuhanda ko uri koreshwa igice kimwe cyonyine.

Mwiriwe, turamenyesha abakoresha umuhanda Kigali-Kanyaru ko kubera inkangu yaguye mu murenge wa Ngoma, Akagari ka Pfugi, uyu muhanda urakoreshwa igice kimwe cyonyine. Imirimo y’ubutabazi kugira ngo ibice byombi by’umuhanda byongere kuba nyabagendwa irakomeje. Murakoze.

Umunyamabanga nshingwabikorwa w’Akagari ka Fugi, François Xavier Ntakirutimana , yabwiye Itangazamakuru ko uyu muhanda wari umaze iminsi ugaragaza ibimenyetso byo gucika, ariko ko igice cyawo kimwe cyacitse kuwa mbere tariki 09 Ukuboza 2019, ahagana saa kumi z’umugoroba.

Uyu muyobozi avuga ko aho uwo muhanda wacikiye hanyura akagezi gato kitwa Uruharamagara, kari kamaze iminsi kuzura kubera imvura nyinshi, ndetse rimwe na rimwe amazi yako akarenga akagera mu muhanda. Ibi ngo bishobora kuba ari byo byabaye intandaro yo kwangirika k’uyu muhanda.

Uyu muyobozi kandi yavuze ko ubu imodoka zitwara abagenzi ndetse n’izindi modoka nini ziri kugera aho uwo muhanda wacikiye zigahagarara, bagapakurura ibirimo, naho abagenzi bakamanuka n’amaguru bajya ku mupaka uhuza u Rwanda n’u Burundi.

Icyakora ngo imodoka ntoya ndetse n’ibindi binyabiziga nka moto n’amagare byo bishobora gutambuka bikoresheje igice cy’umuhanda kitarangirika.

Polisi y’u rwanda yatangaje kuri Twitter ko imirimo y’ubutabazi ikomeje, kugira ngo ibice byombi by’umuhanda byongere kuba nyabagendwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1734 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1589 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1747 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 947 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0

Umupasiteri wo mu Rwanda yatunguranye avuga uburyo yabaye inkone ya...

Amazina ye ni Pasiteri Jean de Dieu UWIRAGIYE akaba ari umpasiteri...
12 June 2020 Yasuwe: 3542 1