Umujyi wa Kigali wahawe igihembo gikomeye

Amakuru   Yanditswe na: Martin Munezero 24 November 2019 Yasuwe: 1690

Umujyi wa Kigali wahawe igihembo gikomeye kitwa “Most Inventive Inclusive Prosperity Practice’ Award, cyatangiwe mu mujyi wa Bilbao muri Espagne harebwa uburyo imijyi ishyiraho gahunda ziteza imbere abayituye, Prosperity & Inclusion City Seal and Awards (PICSA).



Ni ibihembo byatanzwe kuri uyu wa Kane, Umujyi wa Kigali washimiwe gahunda zinyuranye zirengera ibidukikije, by’umwihariko kuba warashyizeho gahunda ya siporo rusange iba kabiri mu kwezi imaze kumenyerwa nka Car Free day, ijyana n’ibikorwa binyuranye bifasha abantu kwisuzumisha indwara zitandura, kuba uyu mujyi waragiye ushyira internet ahantu hahurira abantu benshi n’ibindi.

Iki gihembo umujyi wa Kigali ugishyikirije nyuma y’iminsi mike ushyizwe ku rutonde rwa Forbes nk’ahantu heza ho gusura mu mwaka wa 2020.

Ibipimo bya PICSA bisuzuma imiterere y’imibereho y’atuye imijyi, bikibanda cyane ku bikorwa birebana n’ubukungu n’imibereho myiza. Uburumbuke budaheza bubarwa mu bikorwa binyuranye bigaragaza uburyo ibyiciro binyuranye by’abaturage bongererwa ubushobozi kugira ngo batange umusaruro mu bukungu bw’igihugu kandi bagasangira inyungu.



Ni ibikorwa binyuranye bishobora gutuma imijyi itera imbere haba mu buryo bw’ubukungu n’imibereho y’abayituye.

Uretse ibihembo byatanzwe mu byiciro binyuranye, muri rusange imijyi 20 ya mbere ku Isi irangajwe imbere na Zurich wo mu Busuwisi ari nawo ufatwa nk’igicumbi cy’amabanki ku Isi,. Ukurikirwa na Vienna, Copenhagen, Luxembourg, Helsinki, Taipei, Alone, Ottawa, Kiev na Geneva. Umujyi wa Kigali wo ntabwo wahembwe muri uru rwego.

Umuyobozi w’Umujyi wa Kigali Rubingisa Pudence, yavuze ko iki gihembo ari urundi rugero rw’intambwe rikomeje guterwa kubera guhuza imbaraga n’abafatanyabikorwa muri gahunda y’iterambere ry’Umujyi wa Kigali.



Nsengimana Jean-Philbert wabaye Minisitiri w’Urubyiruko n’Ikoranabuhanga yari umwe mu bagize akanama nkemurampaka ba PICSA, yavuze ko Kigali yahawe iki gihembo kubera gahunda ifite zirimo kwita ku bidukikije, isuku, umutekano ndetse ikaba ari ahantu ibyiciro byose nk’abagore bidahezwa.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Gisagara:Nzirorera Emmanuel yatemye umugore we n’umwana ndetse n’umuturanyi...

Mu karere ka Gisagara, umurenge wa Ndora, akagari ka Cyamukuza, mu mudugudu...
29 March 2020 Yasuwe: 3422 0

Covid-19:Abashakanye basabwe kuzirikana gahunda zo kuboneza urubyaro muri...

Minisiteri y’Uburinganire n’Iterambere ry’Umuryango mu Rwanda (MIGEPROF),...
29 March 2020 Yasuwe: 1140 0

Muhanga:Umugabo igikuta cyamugwiriye ahita apfa

Mu Karere ka Muhanga, umugabo witwa Ntwari Jean de Dieu w’imyaka 34...
29 March 2020 Yasuwe: 3353 0

Ibikorwa byo gushakisha abafite aho bahuriye n’abamaze kwandura Coronavirus...

Ibikorwa byo gushakisha abafite aho bahuriye n’abamaze kwandura Coronavirus...
28 March 2020 Yasuwe: 3992 0

Leta izakomeza gukora ibishoboka byose ngo ifashe abanyarwanda muri ibi...

Nyakubahwa perezida wa Repubulika yatangaje ko Leta y’u Rwanda yiteguye...
27 March 2020 Yasuwe: 2073 0

Abarwaye Coronavirus mu Rwanda bageze kuri 54

Minisiteri y’Ubuzima yatangaje ko kuri uyu wa Gatanu tariki ya 27 Werurwe...
27 March 2020 Yasuwe: 1245 0