addresiya
startimes

Umujyi wa Kigali wanyomoje Kidum wavuze ko bamubujije kuririmbira mu gitaramo cya Kigali Jazz Junction

Amakuru   Yanditswe na: Dusingizimana Remy 14 September 2019 Yasuwe: 1691

Umujyi wa Kigali wanyomoje amakuru yatanzwe n’umuhanzi Nimbona Jean Pierre uzwi nka Kidum ko ubuyobozi bwa Kigali bwamwangiye kuzaririmba mu gitaramo cya Kigali Jazz Junction giteganyijwe kuba kuwa 27/09/2019.



Kidum yabwiye BBC ko atemerewe kuririmba muri iki gitaramo cya Kigali Jazz Junction kubera ko ngo ubuyobozi bw’umujyi wa Kigali bwamubujije.

Kidum yagize ati: "Nta mpamvu n’imwe nabwiwe. Abateguye igiteramo bambwiye ko ubuyobozi bwa Kigali bwababwiye ko ntemerewe kuja muri ico giteramo.”

Umuyobozi w’umujyi wa Kigali,Pudence Rubingisa, abinyujije ku rukuta rwe rwa Twitter yanyomoje aya makuru ya Kidum,avuga ko atigeze abuzwa kuririmba ndetse ngo ntabwo yigeze abisaba.

Yagize ati “Ntago Umujyi wa Kigali wigeze wanga ko umuhanzi Kidumu aza gucurangira muri Kigali kuko ntabwo yigeze anabisaba. Niba hari gahunda afite yo kuza gucuranga, hari inzira bicamo akabisaba. Kugeza uyu munsi nta busabe bwe turabona.”

Kidum yavuze ko mu Rwanda yahageraga nk’ugiye iwe ndetse nta cyangombwa na kimwe yabazwaga gusa ngo atazi impamvu yatumye abwirwa ko atagomba kuririmba muri iki gitaramo.

Abategura Kigali Jazz Junction bamenyesha abantu ko uyu muhanzi atacyitabiriye iki gitaramo gusa ntibigeze bavuga ko ari umujyi wa Kigali wamubujije. Icyakora bavuga ko byatewe n’impamvu zitabaturutseho.

Iki gitaramo byari byitezwe ko Kidum azagikorana n’umunya Nigeria Johnny Drille wamenyekanye mu ndirimbo nka Wait for me,Hallellujah,Romeo and Juliet n’izindi.




Umujyi wa Kigali wanyomoje ibyo Kidum yatangaje ko yabujijwe kuririmbira mu Rwanda

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ba Gitifu na Dasso baherutse kugaragara mu mashusho bakubita abaturage...

Uwahoze ari Umunyamabanga Nshingwabikorwa w’Umurenge wa Cyuve, Sebashotsi...
29 May 2020 Yasuwe: 142 0

Umunyarwanda Mpfizi yagiye mu marushanwa yo gukina Filimi z’urukozasoni...

Amazina ye ni Ngundu mu rurimi rw’ikigande,mu kinyarwanda rikaba risobanuye...
28 May 2020 Yasuwe: 12891 0

Kayonza: Abana 4 bagwiriwe n’ikirombe

Abana bane bo mu Murenge wa Murama mu Karere ka Kayonza,bahanukiwe nicyo...
15 May 2020 Yasuwe: 981 0

Abantu 10 bakize Coronavirus mu Rwanda kuri uyu wa Mbere mu gihe umwe...

Minisiteri y’Ubuzima mu Rwanda yatangaje ko uyu munsi habonetse umuntu umwe...
11 May 2020 Yasuwe: 1767 0

Rwanda:Ibihano bihanishwa uwagejeje saa mbili z’ijoro ari mu...

Nyuma yuko guhera kuri uyu wa Mbere taliki ya 04 Gicurasi amategeko ya...
7 May 2020 Yasuwe: 7999 0

Musanze:Imiryango 28 icumbikiwe mu kigo cy’ishuri kubera imvura

Imvura yaguye mu ijoro ryo ku wa gatanu kugeza kuwa Gatandatu mu Ntara...
3 May 2020 Yasuwe: 1259 0