skol
startimes

Umunya Cameroon wigaga mu Rwanda yapfiriye muri pisine ari koga

Amakuru   Yanditswe na: Dusingizimana Remy 5 August 2019 Yasuwe: 5089

Umunya Cameroon witwa Che Suh Bonaventure w’imyaka 18 wigaga muri Kaminuza yigisha iby’Imiyoborere (ALU), yapfiriye muri piscine ya Hotel Mostar ubwo yarimo koga kuri iki cyumweru.


Ahagana saa sita n’iminota icumi zo kuri iki Cyumweru nibwo uyu Che Suh yagiye kogera muri pisine y’iyi hoteli iherereye mu Mudugudu w’Ubumwe, mu kagari ka Rukiri ya I, mu Murenge wa Remera mu Karere ka Gasabo,ararohama abari kumwe nawe bagerageza kumutabara ariko basanga yapfuye.

Uyu musore yigaga muri African Leadership University (ALU) mu mwaka wa kabiri, ngo yari ajyanye n’umukobwa koga aza kurohama ubwo yari amaze kwibira kuri metero imwe na sentimetero 70.

Abazi uyu musore bavuze ko urupfu rwe rushobora kuba rwatewe n’umunaniro kuko ngo yanyoye inzoga nyinshi kuwa Gatanu no kuwa Gatandatu agataha mu gicuku.

Umwe mu bakobwa bigana bari bajyanye aho kuri piscine yabwiye ubuyobozi ko uyu musore yamanutse ageze muri metero 1 na 70 cm aribira agerageza kuzamuka ngo arebe ko yafata hejuru biranga azamura akaboko asa n’utabaza, nibwo batabaye basanga yarangije gusoma.

Umuvugizi wa Polisi mu Mujyi wa Kigali, CIP Umutesi Marie Gorette, yatangaje ko iperereza rikiri gukorwa kugira ngo hamenyekane icyateye urupfu rw’uyu musore cyane ko umurambo we wajyanwe ku bitaro by’Akarere ka Gasabo gusuzumwa.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Apotre Mignone uri mu bavugabutumwa bakunzwe muri Kigali yakijijwe avuye mu...

Birashoboka cyane ko byaba atari ubwa mbere wumvise izina Apotre Mignone...
16 January 2021 Yasuwe: 10800 0

Nyarugenge: Yashakaga gufungirana ibintu by’umupangayi we ngo atazamutoroka...

Yagiye mu mazi abira kubera ibyo yarimo akorera umupangayi we wari umurimo...
16 January 2021 Yasuwe: 5472 0

Umuryango,inshuti n’abavandimwe basezeyeho bwa nyuma nyakwigendera Umuhire...

Umunyamakuru Umuhire Valentin uheruka kwitaba Imana, abo mu muryango...
11 January 2021 Yasuwe: 9066 0

Amashuri y’incuke n’icyiciro cya mbere cy’abanza agiye gutangira

Minisiteri y’Uburezi yatangaje ko abiga mu mashuri y’incuke n’abo mu cyiciro...
7 January 2021 Yasuwe: 4158 1

Mukeshimana wiyitaga umusirikari, umupolisi ndetse akanavuga ko akorera RIB...

Kuri uyu wa Mbere tariki ya 04 Mutarama Polisi ikorera mu Karere ka Rusizi...
7 January 2021 Yasuwe: 4826 0

Hashyizwe ku karubanda imyirondoro y’abantu banze kwitaba Polisi barenze ku...

Mu gihe Isi yose yugarijwe n’icyorezo cya Coronavirus Leta y’u Rwanda...
6 January 2021 Yasuwe: 8119 0