startimes

Umunyamakuru Phocas Ndayizera yanze abunganizi be urubanza rurasubikwa

Amakuru   Yanditswe na: Dusingizimana Remy 29 October 2019 Yasuwe: 3091

Urugereko rw’urukiko rukuru ruburanisha imanza z’iterabwoba mu Rwanda rukorera mu karere ka Nyanza uyu munsi rwasubitse urubanza ruregwamo umunyamakuru Phocas Ndayizera kuko yanze abunganizi bari basanzwe bamwunganira.



Phocas Ndayizera n’abandi bantu 12 baregwa umugambi wo kugirira nabi ubutegetsi bategura ibikorwa by’iterababwoba.

Mu kwezi gushize urubanza rwabo rwarasubitswe kubera ikoranabuhanga.

Urukiko uyu munsi rwari ruzengurutswe n’abapolisi benshi bitwaje intwaro, kongeraho abacungagereza benshi barimo n’abitwaje intwaro mu cyumba cy’urukiko.

Abaregwa bo binjijwe mu rukiko baziritse iminyururu ku maguru n’amapingu ku maboko.

Ndayizera wahamagawe mbere ngo atangire kwiregura, yahise avuga ko atiteguye gukomezanya n’abunganizi be babiri batangiranye urubanza, gusa ntiyavuze impamvu.

Yavuze kandi ko atarahabwa inyandiko yose irimo ibyo aregwa. Ibi byatumye umucamanza ahita asubika iburanisha.

Umwe mu bunganizi be yabwiye BBC dukesha iyi nkuru ko icyatumye umukiriya we yanga gukomezanya nabo ari ibanga ry’akazi ariko ko impande zombi zabyumvikanyeho.

Umucamanza Antoine Muhima ukuriye inteko iburanisha yategetse ko ibi bibazo bigomba kuva mu nzira mbere y’uko ababuranye bagaruka mu rukiko ku itariki ya 19 z’ukwezi gutaha.

Yihanangirije Ndayizera ko nta yindi mpamvu izongera kwemerwa yo gusubika urubanza rwe, nawe yemera ko azaburana yaba yabonye abunganizi bashya cyangwa atabafite.

Phocas Ndayizera, umunyamakuru wigenga, yagaragajwe n’ubugenzacyaha ko afunze mu mpera z’umwaka ushize, hashize icyumweru yaraburiwe irengero.

Mu rubanza rwabo havugwamo kandi Cassien Ntamuhanga wari warakatiwe gufungwa imyaka 25 ahamijwe icyaha nk’iki kiregwa aba, nyuma akaza gutoroka gereza.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Kagabo

    Aba bana bu Rwanda bihangane nta mvura idahita.

    October 2019

Inzindi nkuru

Polisi y’u Rwanda yavuze ku murobyi w’Umurundi Ndagijimana Sylvestre...

Mu gitondo cy’uyu wa 5 Nyakanga 2020, Polisi y’u Rwanda yavuze ko umurobyi...
5 July 2020 Yasuwe: 4360 0

Kigali igiye gufata indi ntera mu guhindura isura[AMAFOTO]

Kimihurura ahazwi nka Minijust hagiye guhinduka burundu kuko inyubako zose...
29 June 2020 Yasuwe: 1869 0

Habonetse abarwayi 32 ba Coronavirus mu Rwanda hakira abandi...

Minisiteri y’Ubuzima mu Rwanda yatangaje ko kuri uyu wa Gatatu tariki ya 24...
24 June 2020 Yasuwe: 1610 0

Habonetse abarwayi 59 ba Coronavirus mu Rwanda,hakira 11

Uyu munsi tariki ya 22 Kamena 2020,ubaye uwa mbere ubonetseho abantu benshi...
22 June 2020 Yasuwe: 1754 0

Abasize ibikoresho byabo mu gishanga cya Gikondo bahawe iminsi 7 kuba...

Abahoze mu gace k’inganda ka Gikondo bategetswe gukuramo ibikoresho byabo...
19 June 2020 Yasuwe: 949 0

Abakoresha Mobile Money na Mobile Banking basabwe kwitwararika mu gukoresha...

Ikibazo cy’uburiganya bukorerwa abakoresha mobile money na mobile banking...
19 June 2020 Yasuwe: 1575 0