Umunyarwanda yakoze urubuga ruriho ibizamini bya Leta byose

Amakuru   Yanditswe na: Nsanzimana Ernest 7 September 2017 Yasuwe: 12575


Shyaka James w’ imyaka 23 y’ amavuko yakoze urubuga rwa internet ashyiraho ibizamini bya Leta byose byakozwe ndetse n’ ibizamini by’ uruhushya.

Uyu musore wiga ibijyanye n’ ikoranabuga avuga ko yakoze uru rubuga www.isomo.info kugira ngo afashe abanyeshuri bitegura ibizamini kubona ibizamini byagiye bikorwa mu myaka yabanje bizwi nk’ ibicupuri.

Aganira n’ Umuseke dukesha iyi nkuru yagize ati “Twajyaga mu isomero tugasanga kopi z’ibizamini zirimo ni eshanu, kandi na zo uwinjiye akayiba akayitwara, hasigaramo nk’ebyiri ugasanga abantu bazishaka ni benshi, bakatubwira ngo genda uzagaruke nyuma y’iminsi iyi… ugasanga habayeho gutanguranwa. Aho umuntu ari hose azajya abasha kubona za past papers [past exam papers] utiriwe kujya muri library ngo zashize.”

Avuga kandi ko uru rubuga ruzanafasha abarezi kuko na bo batajyaga babasha kubona kopi z’ibizamini ku buryo na bo bazajya barwifashisha rukabaha umurongo w’ibyo bagomba kwigisha abanyeshuri.

Ati “Ndifuza gutanga umusanzu mu burezi bufite ireme ku buryo buri munyarwanda wese abasha gutsinda atari bya bindi ngo kubona past papers ni uko ugomba kuba ufite mwene wanyu ukora muri REB, oya, wa mwana wavutse udafite abantu b’iwabo bize, age kuri uru rubuga abashe kubona Past papers.”

Kuri uru rubuga kandi hariho kopi z’ibizamini by’impushya z’agateganyo zo gutwara ibinyabiziga (Permis provisoire) byakozwe mu myaka itandukanye n’ibisubizo byabyo.

Ruzanafasha buri wese ukoresha umuhanda kuko hariho amategeko y’umuhanda, abasanzwe batwara ibinyabiziga bashobora kurwifashisha bihugura, naho abagenzi bakamenya uko bagomba kwitwara mu gihe bari mu ngendo.

Ati “Hari igihe umunyamaguru yambukaga kandi atari we wemerewe kwambuka, hari n’igihe na none utwaye imodoka yakabaye yitonda kugira ngo umunyamaguru atambuke ariko akabirengaho atari uko adafite permis ahubwo ari uko atakibuka ya mategeko y’umuhanda.

Hagiye kubaho gusobanukirwa, habeho kwihugura, buri wese yaba abana bato, abanyeshuri bamenye amategeko ku buryo bizagabanya impanuka.”
Shyaka avuga ko uru rubuga rumaze gusurwa n’abantu ibihumbi 18 rushobora kuzajya rufungurwa bidasabye internet mu gihe Leta y’u Rwanda yabimuteramo inkunga.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble

    yego rwose ni byiza pe ariko se ibisubiz byo ?

    5 months ago
  • chat_bubble bonfils

    yarakoze nukuri mbonye bifunguka!!ni ubufasha atanzep

    September 2018
  • chat_bubble

    Ibizamini byakozwe ubikurahe?ko merezaho witeze imbere

    September 2017
  • chat_bubble @pascal#ukuba

    Sha urumuntu wumugaba pe izo past papers exams zari zikenewe courage kdi na MINEDUC ikwiyegereze ikubyaze umusaruro

    September 2017
  • chat_bubble Nsengiyumva Leonidas

    Shyaka ni u Munyarwanda ukenewe mubihe nk’ibi. Abandi nabo bamwigireho kubyaza umusaruro ikorana buhanga H Excellence Paul Kagame yatuzaniye bimugoye kugira ngo ejo hacu habe heza

    September 2017
  • chat_bubble Ndinayo

    Shyaka ndakwemeye kabisa. Ibi bifite umusaruro ku banyarwanda benshi bashaka ubumenyi. Nkubonye nakugurira agafanta.

    September 2017
  • chat_bubble Amahoro Peace

    Utanze umusanzu pe. Ufashishe cyane abatari bafite uburyo bwo kugera kuri ayo makuru, cyane abana bo mu byaro bazunguka kuko nta nubwo bamwe bamenyaga ko izo past papers zabayeho bityo bagatsinda nabi.

    September 2017
  • chat_bubble carine

    Ni byiza mwana wa Rwanda,courage,ariko binabaye byiza wajya ushyiraho ibizamini byakazi byakozwe mu nzego zoze no kumyanya itandukanye

    September 2017
  • chat_bubble

    Nsengiyumva Antoine.

    Ndagushimye Shyaka James kuri icyo gitekerezo wagize ukabasha gusjyira mu bikorwa uwo mushinga.Icyo ni ikintu cy’ingenzi cyane abantu bajyaga bakenera nubwo mbona bigiye kubera impogamizi company zacuruzaga past pappers mu buryo buri hard bizabagora kongera kubona isoko.Ariko icyiza warebye igifitihe rubanda nyamwinshi inyungu.

    September 2017

Inzindi nkuru

Dr.Diane Gashumba yasubije uwasabye Imana imbabazi zo kuba ataravuze ko...

Dr. Diane Gashumba wari Minisitiri w’Ubuzima, uherutse kwegura ku mwanya we...
16 February 2020 Yasuwe: 16626 1

Igihano Kizito Mihigo azahabwa naramuka ahamwe n’icyaha cyo gusohoka igihugu...

Kuri uyu wa kane hacicikanye amakuru avuga ko umuhanzi Kizito Mihigo...
15 February 2020 Yasuwe: 9009 1

Imyanzuro 6 ikomeye yafatiwe mu nama ya 3 yiga ku masezerano ya...

Kuri uyu wa Gatanu taliki ya 14 Gashyantare 2020 nibwo I Kigali hateraniye...
15 February 2020 Yasuwe: 3780 0

Uganda yavuze ko abaturage bayo 50 bafungiwe mu Rwanda bidakurikije...

Kuri uyu wa Gatanu taliki ya 14 Gashyantare 2020, nibwo habaye inama ya...
14 February 2020 Yasuwe: 7477 0

RIB yavuze ku rupfu rwa Habumuremyi Telesifore uherutse gupfira muri kasho...

Ku wa gatatu w’icyumweru gishize tariki ya 5 Gashyantare 2020, nibwo umugabo...
13 February 2020 Yasuwe: 13835 6

Ntibikiri ngombwa kujya gushaka ibyangombwa mu bayobozi kuko...

Minisitiri w’Ubutegetsi bw’Igihugu, Prof Shyaka Anastase avuga ko...
13 February 2020 Yasuwe: 4300 1