skol
startimes

Umunyemari Habumugisha nyiri Goodrich TV uregwa gukubitira umukobwa mu ruhame yarekuwe

Amakuru   Yanditswe na: Dusingizimana Remy 23 September 2019 Yasuwe: 4031

Umucamanza w’urukiko rw’ibanze rwa Nyarugenge yategetse ko Dr. Francis Habumugisha uregwa gukubita umukobwa witwa Kamali Diane no kwandagaza mugenzi we witwa Mary Magdalene Nzaramba bari mu nama, arekurwa by’agateganyo kubera impamvu zirimo ingwate y’imitungo ye.


Uyu munyemari washinze Goodrich TV,aregwa ibyaha bitatu birimo n’icyo gukubita Kamali Diane Kuwa 16 Nyakaga 2019 yarangiza akanamena telefoni ye.

Kuri uyu wa Mbere taliki ya 23 Nzeri 2019,Umucamanza w’urukiko rw’ibanze rwa Nyarugenge mu mujyi wa Kigali yavuze ko ibyaha Habumugisha aregwa nta na kimwe cyarenza imyaka itanu y’igifungo ariyo mpamvu amategeko amwemerera gukurikiranwa adafunze.

Umucamanza yavuze kandi ko Habumugisha afite abantu bamwishingiye kandi yatanze ingwate y’imitungo ye.

Kamali yashyize kuri Twitter amashusho yafashwe na CCTV avuga ko ari ay’iri hohoterwa yakorewe, ariko hashira amezi abiri atarabona ubutabera,bituma abimenyesha perezida Kagame,Jeannette Kagame n’abandi.

Perezida Paul Kagame nyuma yo kubona ubu butumwa,yasubije Diane Kamali kuri Twitter ko "yatangajwe no kumva ko ubugenzacyaha bwaregewe ariko ntibugire icyo bukora, amwizeza ko ikibazo cye kigomba gukurikiranwa, ari nabwo uyu Habumugisha yahise atabwa muri yombi.

Kuwa Gatanu taliki ya 13 Nzeri 2019, nibwo Dr Francis Habumugisha yagejejwe imbere y’ubutabera yiregura avuga ko urushyi yakubise Kamali ari agashyi gato katamubabaje ndetse yemeza ko yamuguriye telefoni ye yavunye amafaranga aruta ayo yayiguze.

Habumugisha yavuze ko aba bakobwa babiri bahanganye mu bucuruzi bwa Alliance Motion bashakaga kumugambanira ngo afungirwe muri Uganda kuko ngo bagiye baha abayobozi b’iki gihugu amafoto ari kumwe n’abo mu Rwanda kugira ngo nasubira muri iki gihugu bazamufate bamufunge bamwita maneko.

Habumugisha yavuze ko iyi ariyo ntandaro y’inzigo yari hagati yabo ariyo mpamvu yikanze ko Kamali yarimo amufata amajwi ubwo yatukaga uyu mugenzi we Nzaramba,akamukubita urushyi ndetse akavuna telefoni ye.

Francis Habumugisha ni umushoramari ufite televiziyo yitwa Goodrich TV mu Rwanda, akora kandi ibikorwa by’ubucuruzi mu buvuzi bwifashishije imirire aho akuriye Alliance Motion mu Rwanda.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble mi

    ninge waba ubonamo typing errors nyinshi ngenyine muri iyi nkuru? mukosore pe!

    September 2019

Inzindi nkuru

Abantu 52 bakize Covid-19 mu Rwanda abandi 21 barayandura

Minisiteri y’Ubuzima yatangaje ko uyu munsi tariki ya 27 Ugushyingo 2020,...
27 November 2020 Yasuwe: 917 0

RIB iri gushakisha umugabo w’imyaka 36 wasambanyije umwana

Urwego rw’Igihugu rushinzwe Ubugenzacyaha (RIB) rurashakisha uwitwa Ikuzwe...
26 November 2020 Yasuwe: 1680 0

Gatsata:Bakundukize w’imyaka 41 yasambanyije Mama we babanaga mu nzu...

Umugabo witwa Bakundukize w’imyaka 41 y’amavuko, ari mu maboko y’ Urwego...
25 November 2020 Yasuwe: 3143 0

Rwanda:Hari gukusanywa amazina y’abagiye basambanya abana kugira ngo...

Mu Rwanda inzego z’ubutabera zirimo kwiga ukuntu amazina y’abantu basambanya...
24 November 2020 Yasuwe: 1141 0

Huye: Polisi y’u Rwanda yaguye gitumo abagabo 2 bari bafite amadorali...

Kuri uyu wa Kabiri tariki ya 10 Ugushyingo abapolisi bakorera mu Karere ka...
13 November 2020 Yasuwe: 2348 0

Nyarugenge:Yashikuje umuntu igikapu cyarimo ibihumbi birenga 600 Polisi...

Ku mugoroba wo kuri uyu wa Kane tariki 05 Ugushyingo, Polisi y’u Rwanda...
7 November 2020 Yasuwe: 4674 0