skol
startimes

Umupfumu Rutangarwamaboko asanga abishe inyamaswa yitiranyijwe n’ingwe mu karere ka Huye bakwiye kugangahurwa kuko ngo bakoze amahano iticwa ari umuziririzo[IFOTO]

Amakuru   Yanditswe na: Martin Munezero 13 September 2020 Yasuwe: 6357

Umupfumu Rutangarwamaboko asanga abishe inyamaswa yitiranyijwe n’ingwe mu karere ka Huye bakwiye kugangahurwa kuko ibyo bakoze amahano, ngo ni umuziro.


Ku wa Gatanu tariki ya 11 Nzeri ni bwo iyo nyamaswa byaje kumenyekana ko ari imondo, yarashwe n’abasirikare nyuma yo kuyisanga mu rugo rwo mu murenge wa Mukura yari irimo.

Ba nyir’urugo babanje kuyikangamo ingwe biba ngombwa ko bifungirana mu nzu kugira ngo itabakomeretsa, mu gihe nyuma y’uko yicwa abandi batangiye kuyitiranya n’urusamagwe.

Rutangarwamaboko rw’amaboko, ni umushakashatsi, umwigisha w’ubuzima bushingiye ku muco akaba n’inzobere mu by’umuco, amateka, imbonezabitekerezo (Filosofiya) n’ubuzima bwa muntu bushingiye ku myizerere, imyumvire, imitekerereze, imyitwarire ndetse n’imigirire.

Hejuru y’ibyo ni Umuyobozi Mukuru w’Ikigo cy’Igihugu Nyarwanda cy’Ubuzima bushingiye ku muco (RCHC).

Mu butumwa yasangije abamukurikira ku rubuga rwa Facebook, yavuze ko inyamaswa yiciwe i Huye ari imondo, mu busanzwe ikaba itenderanya. Ati:

Ubundi iki si urusamagwe ahubwo ni imondo kandi ntabwo iryana. Amafoto agaragara muri gahunda z’imurikamuco nyarwanda rihoraho n’ubukerarugendo bushingiye ku muco ku kigo nyarwanda cy’Ubuzima bushingiye ku muco agaragaza uburyo imondo kuva kera mu muco wacu yigenderezwa ikanaziririzwa byihariye, cyane ko ari nkuru mu kubandwa.

Rutangarwamaboko yavuze ko abishe iriya nyamaswa bakwiye “Kugangahurwa bagakubitwa icyuhagiro, bakabona gukira ubusame n’ubukenya”, ngo kuko no mu busanzwe kizira kwica inyamaswa yahungiye mu rugo.

Yatanze urugero rw’uko hari uwigeze kwica inyamaswa yari yahungiye mu rugo rwe bikamuvuramo gusara, ku buryo kumuvura bisanzwe byananiranye bikaba ngombwa ko hiyambazwa ubuvuzi bushingiye ku muco.

Muganga Rutangarwamaboko asanga kandi uretse kuba iriya nyamaswa yari idakwiye kwicwa kubera ko iri mu bidukikije, no mu busanzwe ngo imondo iri mu nyamaswa ziri gukendera, akabiheraho avuga ko yari gushyikirizwa inzobere kugira ngo izibungabunge.

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nabonibo Albert umunyarwanda uryamana nabo bahuje igitsina yahamije ko Papa...

Ibyatangajwe na Papa Francis mu mashusho mbarankuru (documentary)...
23 October 2020 Yasuwe: 4296 3

Ingabire Marie Immaculée yavuze uburyo ngo bititondewe RURA ishobora...

Ingabire Marie Immaculée, umuyobozi uhagarariye Umuryango Mpuzamahanga...
19 October 2020 Yasuwe: 6638 4

FXB Rwanda ku bufatanye na UNIBRA/Skol Rwanda bacukije imiryango itishoboye...

Umushinga FXB Rwanda ku bufatanye na UNIBRA/ SKOL Rwanda bacukije ikiciro...
17 October 2020 Yasuwe: 605 0

Gisagara: Umugabo yahawe ibihumbi 2000 FRW ngo akure ingurube mu musarani...

Umugabo wo mu kagari ka Bweya mu murenge wa Ndora mu karere ka Gisagara...
15 October 2020 Yasuwe: 2051 0

Nzabarushimana Eric wari Agronome w’umurenge yari kuri moto agongana n’igare...

Nzabarushimana Eric wari ushinzwe ubuhinzi “agronome” w’Umurenge wa Mukarange...
13 October 2020 Yasuwe: 3828 0

Rusizi: Urubura rudasanzwe rwangije byinshi rusiga na bamwe mu baturage...

Nyuma y’igihe abaturage b’umurenge wa Nyakarenzo mu karere ka Rusizi...
8 October 2020 Yasuwe: 1713 0