dnd

Uturere tumwe two mu Rwanda dushobora guhura n’imyuzure ndetse n’inkangu zikomeye

Amakuru   Yanditswe na: Dusingizimana Remy 10 October 2019 Yasuwe: 2685

Ikigo cy’igihugu gishinzwe iteganyagihe cyasohoye itangazo riburira abantu ko guhera kuri uyu wa Gatanu mu bice bimwe na bimwe by’igihugu hagiye kugwa imvura ikaze cyane ishobora kuzatuma hirya no hino mu Rwanda haba imyuzure,inkangu ndetse ngo hazumvikana urusaku rw’inkuba n’imiyaga.



Nkuko iri tangazo ribivuga,uturere tumwe two mu ntara y’Iburengerazuba,Amajyaruguru ndetse n’Amajyepfo tuzugarizwa bikomeye.

Iri tangazo rigira riti :

Kuva taliki ya 10 kugeza ku ya 13 Ukwakira 2019, hateganyijwe ko imvura iziyongera mu gihugu; aho ku mugoroba wo ku itariki ya 10/10/2019 izaba iringaniye ariko mu minsi ikurikiyeho ibe nyinshi (ni ukuvuga kuva tariki ya 11 kugeza taliki ya 13 Ukwakira 2019).

Imvura iteganyijwe muri iyo minsi iri ku kigero cya milimetero hagati ya 10 na 25 ku munsi, ndetse hakaba naho iteganyijwe kuzarenga icyo gipimo kandi ikazaba irimo inkuba n’umuyaga ahenshi mu gihugu.

Bitewe n’uko iyi mvura iteganyijwe kuzagwa mu minsi ikurikiranye, ishobora gutera inkangu n’imyuzure cyane cyane mu turere dukunze kwibasirwa n’ibyo biza two mu Ntara y’Amajyaruguru aritwo Musanze, Gicumbi, Gakenke na Burera, utwo mu Ntara y’Iburengerazuba aritwo Nyabihu, Rubavu, Rusizi na Nyamasheke ndetse n’Uturere twa Nyamagabe, Nyaruguru na Muhanga two mu Ntara y’Amajyepfo.

Iyi mvura kandi biteganyijwe ko izajya iba irimo umuyaga bityo mukaba musabwe kwitwararika mukurikiza amabwiriza asanzwe yo kwirinda ibiza n’inama muzajya mugezwaho n’ababishinzwe mu nzego zitandukanye.

Ibiza by’imvura mu Rwanda bikunze kwangiza byinshi ariyo mpamvu iki kigo kiba kiburira abantu ngo bitwararike.

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Pio Mugabo wahoze ari Minisitiri yasezeweho bwa nyuma[AMAFOTO]

Urukiko Rukuru, abagize Urwego rw’Ubucamanza n’Urwego rw’Ubutabera, abayobozi...
18 January 2020 Yasuwe: 4290 1

Isengesho rya Pasiteri Mpyisi yasengeye abarangije Kaminuza ryabasekeje...

Pasiteri Ezra Mpyisi ukunze gutindwaho kubera imvugo zidaca ku ruhande...
18 January 2020 Yasuwe: 5996 1

Uwasimbuye Nsabimana Calixte wiyise Sankara nawe yarafashwe,yerekanwe we na...

Ku gicamunsi cyo kuri uyu wa Gatanu tariki 17 Mutarama 2020 ku cyicaro...
17 January 2020 Yasuwe: 3992 0

Bernard Makuza yahawe inshingano nshya

Bernard Makuza wahoze ari Perezida wa Sena, yagizwe Umuyobozi w’indorerezi...
17 January 2020 Yasuwe: 7688 1

Abarimu bigisha batarize uburezi bagiriwe inama

Umuyobozi Mukuru w’Ikigo k’Igihugu cy’Uburezi REB, Dr. Ndayambaje Irénée agira...
17 January 2020 Yasuwe: 5185 2

Huye:Abanyeshuri 47 biga mu ishuri ry’isumbuye birukaniwe rimwe...

Mu karere ka Huye ho mu ntara y’Amajyepfo, mu kigo cy’amashuri y’isumbuye cya...
17 January 2020 Yasuwe: 13963 1