skol
startimes

Uwimbabazi Irène avuga ko yafashwe ku ngufu RIB ikavuga ko bitabaye

Amakuru   Yanditswe na: Martin Munezero 7 August 2020 Yasuwe: 3071

Uwitwa Uwimbabazi Irène wo mu karere ka Ruhango yatangaje ko bagizi ba nabi bamuteye mu rugo rwe bamufata ku ngufu, baranamukubita baramukomeretsa ariko RIB yatangaje ko mu bizamini yafashwe byagaragaje ko atigeze asambanywa.


Uwimbabazi utuye mu Murenge wa Ruhango mu Karere ka Ruhango mu Mudugudu wa Muhororo 1 mu Kagari ka Buhoro,yavuze ko abagizi ba nabi bamuteye mu rugo rwe bamufata ku ngufu barangije baranamukubita baramukomeretsa.

Ibi ngo byabaye mu ijoro ryo kuwa gatatu tariki 5 Kanama ahagana saa Saba aho Uwimbabazi Irène asanzwe atuye.

Yavuze ko bamuvanye mu nzu muri icyo gicuku bamujyana mu rutoki ruri hafi y’urugo rwe aba ari ho bamusambanyiriza, baranamukubita.

Muri Gashyantare 2020 nibwo umugabo wa Uwimbabazi witwa Nzayisenga John yakubiswe n’abantu batamenyekanye bimuviramo urupfu. Gusa abari bafashwe bakekwaho kugira uruhare mu rupfu rwe bararekuwe barataha. Bivugwa ko abishe Nzayisenga John ari bo bashobora kuba bateye mu rugo rwe bahohotera umugore we.

Umunyamabanga Nshingwabikorwa w’Umurenge wa Ruhango, Umfuyisoni Béata, yavuze ko ikibazo cya Uwimbabazi Irène kiri gukurikiranywa n’Urwego rw’Igihugu rw’Ubugenzacyaha, RIB, bityo ariyo yabibazwa. Ati:

Icyo kibazo kiri muri RIB niba wenda ari amakuru mushaka babafasha.

Urwego rw’igihugu rw’ubugenzacyaha rubinyujije kuri Twitter rwavuze ko rwakoze iperereza ryimbitse ndetse ko ibizamini byo kwa muganga byagaragaje ko uyu Uwimbabazi atigeze asambanywa.

RIB yagize iti "Iperereza ry’ibanze ku kibazo cya Uwimbabazi Irene utuye mu karere ka Ruhango bivugwa ko yashimuswe agasambanywa ku gahato n’abantu bataramenyekana

Nyuma yaho RIB imenyeye amakuru yohereje itsinda ry’Abagenzacyaha aho icyaha cyabereye ryegeranya ibimenyetso kandi ryihutira kugeza uwahohotewe kuri Isange One Stop Centre kugira ngo ahabwe ubutabazi buhabwa abakorewe icyo cyaha.

Iperereza ry’ibanze rishingiye ku bimenyetso by’abahanga rigaragaza ko Uwimbabazi atigeze asambanywa.

Ibindi bimenyetso byakuwe ahabereye icyaha biracyasuzumwa na Rwanda Forensic Laboratory kugira ngo hamenyekane ukuri ku kibazo cya Uwimbabazi."

Author : Martin Munezero

Munezero Martin ni Umwanditsi w’Ikinyamakuru Umuryango. Yatangiye gukorera iki kinyamakuru muri Nzeli 2014.

Imbuga nkoranyambaga ze:

Instagram:Martin Promoter
Facebook:Munezero Martin
Twitter :Martin Promoter

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

RUBAGINTARE yahishuye uburyo agendana n’abakurambere b’iwabo 12 akanavugana...

Umusore w’umunyarwanda uzwi ku izina rya Rubagintare utuye mu murenge wa...
13 September 2020 Yasuwe: 3274 0

Amacumbi y’abakozi b’uruganda rwa Prime Cement Ltd i Musanze yibasiwe...

Ku mugoroba wo kuwa Gatanu tariki ya 11 Nzeri 2020, mu Karere ka Musanze,...
12 September 2020 Yasuwe: 2487 0

Umugore w’umu Dasso watoraguye umwana w’uruhinja wari umaze iminsi ine avutse...

Umukozi w’urwego rufasha uturere mu by’umutekano (Dasso) witwa Uwihagurukiye...
7 September 2020 Yasuwe: 5035 0

Tito Rutaremara yavuze ko FPR atari abamalayika

Umuyobozi w’Urubuga Ngishwanama rw’Inararibonye z’u Rwanda, Tito Rutaremara,...
7 September 2020 Yasuwe: 2628 0

Gasabo: Abasore bararaga mu irimbi bafashwe bajyanwa muri Stade

Mu ijoro ryo ku wa Gatandatu tariki 05 Nzeri 2020, ahagana saa 19h30,...
7 September 2020 Yasuwe: 11080 1

Ibigo birimo HEC, RALC, WDA na NCC byasheshwe

Kuri uyu wa Gatanu taliki ya 4 Nzeri 2020, mu igazeti ya Repubulika y’u...
6 September 2020 Yasuwe: 3158 0