Kigali

Abadakunda u Rwanda babonye impamba yabo-Perezida Kagame

Amakuru   Yanditswe na: Dusingizimana Remy 1 January 2020 Yasuwe: 4755

Ubwo yari mu birori byo kwizihiza umwaka mushya wa 2020,Nyakubahwa perezida Kagame yavuze ko umwaka ushize wagenze neza ku Banyarwanda n’inshuti zarwo ariko abarwifuriza inabi nta mahirwe bagize kuko babonye impamba yabo.



Mu birori byo kwizihiza umwaka mushya wa 2020 yari yatumiwemo abantu basaga 1000 baturutse hirya no hino mu turere n’inshuti z’u Rwanda bagahurira muri Kigali Arena , perezida Kagame yavuze ko umwaka wa 2019 u Rwanda rwawugiriyemo amahirwe anaboneraho gutangaza ko abatarwifuriza ineza babonye impamba yabo.

Yagize ati “Dufite byinshi byo kwishimira iri joro.Abanyarwanda,inshuti z’u Rwanda,u Rwanda rutera amahirwe.Inshuti yacu n’abanyarwanda bagira amahirwe pe.Twagize amahirwe muri uyu mwaka wa 2019,twateye intambwe nziza,ndende, tugera kuri byinshi kandi turifuza gukomeza.”

Perezida Kagame yakomoje ku batifuriza ineza u Rwanda ko umwaka wa 2019 bawubonyemo impamba yabo kuko basabwe kureka imigambi yabo mibisha bakinangira.



Yagize ati “Abadakunda u Rwanda nabo babonye impamba yabo.Bo nta mahirwe bagira,ntayo bagize nta n’ayo bazagira.Abo ntabwo ari ukubifuriza inabi ahubwo nuko tubifuriza ineza bakanga kumva.

Perezida Kagame yavuze ko nubwo intego y’icyerekezo 2020 itagezweho 100 % ariko Abanyarwanda batsinze ku rwego rwo hejuru [rwa A mu bakora ibizamini].

Perezida Kagame yavuze ko mu mwaka wa 2020 u Rwanda rugiye guharanira amahoro ku bana barwo ku kiguzi icyo aricyo cyose byasaba.



Mu mwaka wa 2019,abayobozi ba FDLR barimo Lt Gen Mudacumura, Col.Gaspard Africa n’abandi barwanyi benshi bishwe n’ingabo za FARDC cyo kimwe n’umuyobozi w’umutwe wa FDLR RUD Urunana, Gen. Musabimana Juvenal uzwi nka Afurika Jean Michel.

Abarimo Col.Mudathir,Maj.Nsabimana Callixte uzwi nka Sankara wari umuvugizi wa FLN, Nshimiyimana Asifiwe Manudi wari mu bayobozi bakomeye ba FDLR muri Kivu ya ruguru, n’abandi batawe muri yombi.

Muri ibi birori byabereye muri Kigali Arena,Perezida Kagame yari kumwe n’umuryango we wose,basangira ubunani n’abanyarwanda n’inshuti z’u Rwanda kugeza mu rukerera.

Abatumiwe barimo abayobozi mu nzego zitandukanye za leta, abikorera, abadiplomate, abakorera imiryango mpuzamahanga inyuranye, abahanzi, abakinnyi b’umupira n’izindi nshuti n’imiryango.


Perezida Kagame n’umuryango we basangiye Ubunani n’Abanyarwanda muri Kigali Arena

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Leta izafasha abantu barya ari uko bakoze ku munsi n’abandi bafite amikoro...

Kuri iki cyumweru taliki ya 22 Werurwe 2020, abayobozi barimo batandukanye...
22 March 2020 Yasuwe: 8048 4

Perezida Kagame yagiranye ibiganiro na perezida wa Ethiopia wasuye u...

Perezida wa Ethiopia Madamu Sahle-Work Zewde uyu munsi yasuye u Rwanda...
16 March 2020 Yasuwe: 1266 0

Perezida Kagame yirukanye Umuvunyi Wungirije ushinzwe kurwanya ruswa...

Musangabatware Clement, wari Umuvunyi Mukuru Wungirije ushinzwe gukumira no...
9 March 2020 Yasuwe: 11253 0

Ibyemezo by’inama y’Abaminisitiri idasanzwe yo ku wa 06 Werurwe...

Ku wa Gatanu, tariki ya 06 Werurwe 2020, Inama y’Abaminisitiri idasanzwe...
7 March 2020 Yasuwe: 5699 2

Dr.Isaac Munyakazi yirukanwe mu ishyaka PDI kubera ruswa yavuzweho

Abagize Biro Politiki y’Ishyaka Ntangarugero muri Demokarasi (PDI) bemeje ko...
1 March 2020 Yasuwe: 2255 1

Perezida Kagame yasabye abayobozi kwirinda gukoresha ububasha bahabwa mu...

Uyu munsi Nyakubahwa perezida wa Repubulika yakiriye indahiro z’abayobozi...
28 February 2020 Yasuwe: 3218 0