skol
Kigali
startimes

Gen. Sam Kaka wigeze kuba Umugaba Mukuru w’Ingabo z’ u Rwanda arangije muri UNILAK

Amakuru   Yanditswe na: Nsanzimana Ernest 25 January 2018 Yasuwe: 15601

Kuri uyu wa 25 Mutarama 2018, nibwo Kaminuza y’ Abadivanditsi b’ Abarayiki UNILAK yahaye impamyabumenyi abanyeshuri 925 barimo (Rtd) Gen. Sam Kaka Kanyemera wigeze kuba Umugaba Mukuru w’Ingabo z’u Rwanda (RDF) wahawe impamyabumenya y’ ikiciro cya 3 cya Kaminuza Masters.

Ni ku nshuro ya 10 UNILAK, abahawe impamyabumenyi barimo abo mu cyiciro cya kabiri cya Kaminuza 823 barimo ab’igitsina gore 574 n’abandi 102 barangije mu cyiciro cya gatatu (Masters) barimo abagabo 66.

Aba banyeshuri barangije mu mashami atandukanye yo gucunga ibidukikije, ikoranabuhanga n’amategeko mu mwaka w’amashuri 2016/2017.
Gen. Kaka usanzwe ari Komiseri muri Komisiyo y’Igihugu y’Uburenganzira bwa Muntu (CNDP/NCHR), yahembwe mu banyeshuri b’indashyikirwa mu gashami k’amategeko Mpuzamahanga Mpanabyaha (International Criminal Law), ahabwa ibikoresho bizamufasha kureba amasheni yose ya Dstv.

Kaminuza ya UNILAK imaze imyaka 20 ishinzwe, imaze gutanga impamyabumenyi zigera ku 11 173. Umuyobozi Mukuru wungirije wayo, Dr. Ngamije Jean, yasabye abahawe impamyabumenyi kuba umusemburo w’impinduka muri sosiyete n’igihugu muri rusange kuko ibyangombwa byose n’ubushobozi babihawe.

Yagize ati “U Rwanda n’imiryango yanyu babatezeho byinshi. Kwiga Kaminuza bivuze kugira icyo uhindura cyiza, iyo ntacyo uhinduye ngo ukigeze ku rwego runaka rwiza, ntacyo uba waramaze muri Kaminuza.”

Yakomeje avuga ko ubumenyi abarangije muri iyi kaminuza bahawe bugiye kuba umusanzu mu kubaka iterambere ry’igihugu kikagera ku rwego rwisumbuye. Yasabye abasoje amasomo gutanga umusanzu wo gukora ubusesenguzi bwimbitse ku bibazo igihugu gifite no kubishakira ibisubizo kandi bakihesha agaciro kuko ubumenyi budafite kwihesha agaciro ntacyo bumaze.

Noheri Pierre Célestin wahawe impamyabumenyi mu ishami ry’imari (Finance), yabwiye IGIHE ko amasomo yize azamufasha kwiteza imbere, umuryango n’gihugu muri rusange.

Yagize ati “Amasomo nize ni menshi arimo ajyanye no kwihangira imirimo, ndumva hari icyo nshobora kugeza ku gihugu cyanjye ndetse n’umuryango wanjye. Impamba nkuye muri iyi Kaminuza izamfasha kwiteza imbere no kongera ubumenyi.”

Ugiriwabo Esther wahawe impamyabumenyi y’icyiciro cya gatatu cya Kaminuza mu bijyanye n’amategeko mpuzamahanga Mpanabyaha (International Criminal Law), yavuze ko yishimiye kurangiza amasomo ye kandi yiteguye gutanga umusanzu we mu rugamba rwo gukomeza kubaka igihugu cyiza.

Kaminuza ya Unilak yashinzwe mu 1997 n’ababyeyi b’Abalayiki b’Abadiventisti, itanga amasomo ari ku rwego rw’icyiciro cya kabiri cya Kaminuza (Bachelor) n’icyiciro cya gatatu cya Kaminuza (Masters), mu mashami y’Ubukungu, Ibidukikije, Amategeko ndetse n’Ikoranabuhanga.

Kaminuza ya UNILAK ifite ibigo bitatu biyishamikiyeho, harimo icyicaro gikuru kiri mu Murenge wa Remera mu Karere ka Gasabo, Umujyi wa Kigali, Ishami rya UNILAK- Nyanza na UNILAK- Rwamagana.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?

    Amategeko n'amabwiriza birkurikizwa


  • chat_bubble Munyembabazi Diogene

    Afande KAKA aranshimishije,akomeje kuduha icyerekezo cyiza Ku bato n,abakuze mu rugamba rwo kurwanya ubujiji.Imana ikomeze kumuha imbaraga

    January 2018

Inzindi nkuru

Perezida Kagame yijeje igisubizo kirambye ku bibazo by’ibiciro by’ingendo...

Perezida Kagame yavuze ko ibibazo by’ingendo byabangamiye abanyarwanda...
22 October 2020 Yasuwe: 3950 0

RURA yamaze guhindura ibiciro by’ingendo byari bibangamiye cyane...

Urwengo ngenzuramikorere [RURA] rwamaze guhagarika ibiciro by’ingendo byari...
21 October 2020 Yasuwe: 9913 2

Minisitiri w’intebe yasezeranyije gushakira umuti ikibazo cy’izamuka...

Minisitiri w’intebe yemeje ko bakiriye ibibazo birebana n’ibiciro by’ingendo...
21 October 2020 Yasuwe: 1930 2

Minisitiri Shingiro yatumiye Dr.Vincent Biruta I Burundi mu rugendo rwo...

Minisitiri w’Ububanyi n’amahanga w’u Burundi Albert Shingiro na Vincent...
20 October 2020 Yasuwe: 2218 0

Ba Minisitiri b’Ububanyi n’Amahanga b’u Rwanda n’u Burundi bari kuganira ku...

Minisitiri w’Ububanyi n’amahanga w’u Rwanda Dr Vincent Biruta, ari kugirana...
20 October 2020 Yasuwe: 1465 0

Depite Dr. Frank Habineza yasabye abayobozi ba RURA kwegura niba...

Umuyobozi w’Ishyaka riharanira Demokarasi no kurengera ibidukikije akaba...
19 October 2020 Yasuwe: 10039 10