addresiya
Kigali
startimes

‘Kugira urubyiruko rudafite inzozi ni nko kugira ibimasa ugategereza umukamo’ Bamporiki

Amakuru   Yanditswe na: Nsanzimana Ernest 14 December 2018 Yasuwe: 1367

Umuyobozi w’ Itorero ry’ Igihugu Edouard Bamporiki yagaragaje ko Perezida Kagame ari impozamarira Imana y’ i Rwanda yahaye Abanyarwanda asaba urubyiruko kwihagararaho no kugira inzozi.



Mu butumwa yatanze ku munsi wa 2 w’ inama ya 16 y’ Umushyikirano, Bamporiki yagaragaje ko Perezida Kagame yasannye urukuta ruhuza intekerezo z’ Abanyarwanda ba mbere y’ Abakoroni n’ Abanyarwanda bariho ubu.

Yagize ati “Abanyarwanda bamaze igihe barira kubera imiyoborere mibi. Muri iyi myaka 24 dukwiye kwishimira ko Imana y’ i Rwanda yaduhaye imiyoborere myiza n’ umuyobozi mwiza, abavugaga bose bagushaga aho ukumva ko hari amarira bahojejwe”

Yakomeje asaba urubyiruko kurangwa no kwihagararaho kuko ngo umwami Rugahigwa yagiye mu Bubiligi yamusaba kureka intekerezo aranga, agarutse aburira abanyarwanda ko bajya bagenda bihagazeho.

Icyo gihe ngo yagize ati “Nabonye abazungu bashaka ko Umunyarwanda azajya agenda ariko ibitekerezo biri mu bwenge bwe no mu mutima we ari ibyabo. Tukabona umuntu ugenda ariko atihagazeho ahagazweho n’ abandi.”

Bamporiki yagize ati “Ndashaka gusaba abakiri bato kwihagararaho. Uge ugenda wumva ari wowe ufite u Rwanda ku mutima. Ntagenda ndi Bamporiki ariko muri njyewe harimo undi muntu w’ Umubiligi cyangwa w’ Umunyamerika uzigaragaza igihe nikigera”

Yakomeje avuga ko u Rwanda Abanyarwanda bakwiye kugira ishusho y’ u Rwanda bifuza kuko ntawe ushobora gukabya inzozi atarose.

Ati “Dukomeje kugira urubyiruko rudafite inzozi nyakubahwa Perezida wa Repubulika nabigereranya no kugira ishyo ry’ ibimasa ugategereza umukamo. Tugomba kugira urubyiruko rufite inzozi tukazazikabya”

Perezida yavuze ko ikibazo cy’ imirire mibi gikwiye guhagurikirwa 100% , icy’ umutekano muke kigahagurukirwa birenze 100%. Anifuriza Abanyarwanda kuzagira iminsi mikuru myiza isoza umwaka.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Ibihuha byavugaga ko hari Abashinwa 18 birukanwe ku butaka bw’U Rwanda...

Ibinyamakuru byo muri Zambia byakwirakwije amakuru y’ibihuha avuga ko...
2 June 2020 Yasuwe: 1816 1

Perezida Kagame yihanganishije abatishimiye icyemezo cyo gusubika ingendo...

Perezida Kagame yasabye abanyarwanda kwihanganira impinduka zabaye ku...
1 June 2020 Yasuwe: 3018 0

Guverineri w’intara y’amajyaruguru yavuze amagambo yuje ukwiyoroshya asaba...

Uwahoze ari guverineri w’intara y’amajyaruguru Gatabazi Jean Marie vianney...
27 May 2020 Yasuwe: 3182 0

Nyuma ya Gen Nyamvumba, Afande Gasana na Hon Gatabazi bahagaritswe ku...

Itangazo ryavuye mu Biro bya Minisitiri w’Intebe ku mugoroba wo kuri uyu...
25 May 2020 Yasuwe: 4439 0

Uganda yemeye kurekura Abanyarwanda 176 yafunze mu buryo budakurikije...

Minisitiri w’Ububanyi n’Amahanga w’u Rwanda,Dr.Vincent Biruta yatangaje ko...
15 May 2020 Yasuwe: 1083 0

Minisitiri Biruta yatangaje impamvu Uburundi na Tanzania batitabiriye inama...

Minisitiri w’Ububanyi n’Amahanga w’u Rwanda, Dr. Biruta Vincent, yavuze ko u...
15 May 2020 Yasuwe: 2312 0