Papa Francis yakiriye Perezida Kagame n’ umufasha we I Vatican [Amafoto]

20 March 2017. | Politiki | 1 Ibitekerezo | Nsanzimana Ernest
  • Papa Francis yakiriye Perezida Kagame n’ umufasha we I Vatican [Amafoto]

Kuri uyu wa Mbere tariki 20 Werurwe 2017, Umushumba mukuru wa Kiliziya gatolika ku Isi Papa Francis yakiriye Perezida w’ u Rwanda Paul Kagame mu gihugu cya Vatican kiri mu gihugu cy’ u Butaliyani. Bitenyijwe ko baganira ku mubano wa Vatican n’ u Rwanda

Perezida Kagame yaraye ageze i Vatican ku mugoroba wo ku cyumweru, aturutse mu Bushinwa aho naho yagiranye ibiganiro na Perezida w’Ubushinwa Xi Jinping.

Ibiro by’umukuru w’igihugu bibinyujije kuri twitter byatangazaje ko aba bayobozi bombi bahuriye ku kicaro cya Kiliziya Gatolika, i Vatican.

Byitezwe ko abayobozi bombi bashobora no kuganira ku gaciro Leta ya Vatican iha Jenoside yakorewe Abatutsi mu Rwanda. Leta y’u Rwanda yakunze gusaba Kiliziya gusaba imbabazi kubera abakilisitu n’abakozi bayo bijanditse muri Jenoside ndetse n’uburyo inyubako zayo zabaye indiri y’ubwicanyi.

Mu nama y’Umushyikirano ishize Perezida Kagame yibajije impamvu Vatican isabira imbabazi abafashe abana ku ngufu ntizisabire abakoze Jenoside.

Iki kibazo Perezida Kagame na Musenyeri Philippe Rukamba bakivuzeho muri iyi nama barangiza bumvikanisha ko ari ikibazo kitari icyo gukemura aka kanya.

Ku rundi ruhande ariko, hari byinshi byo kuganirwaho kuko Kiliziya Gatolika mu Rwanda ari umufatanyabikorwa ukomeye wa Leta, ifite ishoramari rinini mu burezi, ubuzima, n’ubukerarugendo.

Nko mu burezi, Kiliziya Gatolika ifite amashuri menshi kurusha Leta nk’uko bigaragazwa n’imibare y’ikigo cy’igihugu cy’ibarurishamibare, ku mibare ya 2015.

Mu kiciro cy’amashuri abanza, mu Rwanda hari amashuri abanza 2 752 Kiliziya ifitemo amashuri 1 129 angana na 41% by’amashuri abanza yose ari mu Rwanda, aya Leta ni 716 angana na 26%.

Abaporoso nibo bakurikiraho n’amashuri 635 angana na 23%.

Mu mashuri yisumbuye mu Rwanda hose hari amashuri 1 531, Kiliziya Gatolika ifite amashuri 612 angana na 40%, aya Leta ni 455, angana na 30%.

Abaporoso bafite amashuri yisumbuye 289, angana na 19%.

Perezida Paul Kagame wabatirijwe muri Kiliziya Gatolika ari mu mbaga nini y’Abanyarwanda, babarurwa nk’abayoboke ba Kiliziya Gatolika.

Kiliziya Gatolika ifite kaminuza mu Rwanda, ifite ibikorwa by’ishoramari binyuranye ndetse n’ubutaka butari buto. Ni urwego rufite umwanya munini mu Rwanda.

Muri rusange, nubwo u Rwanda ari igihugu kidashingiye ku myemerere cyangwa idindi iryo ariryo ryose, ibarurarusange ryo mu 2012 ryagaragaje ko 96.5% by’abatuye u Rwanda ari Abakristu, abenshi bakaba abayoboke ba Kiliziya Gatolika bangana na 44.0% by’abaturarwanda.

Amafoto Village Urugwiro Andi mafoto kanda hano Uko Perezida Kagame na Madamu bakiriwe i Vatican

Ibitekerezo
  • MyPassion

    Mukiza
    21 March 2017 - Musubize

    Itangazo ryasohowe nyuma y’umubonano hagati ya Papa Francois na Nyakubahwa Perezida w’u Rwanda rikanyuzwa kuri Radiyo Vatikani riragira riti:

    “During the cordial exchanges, the good relations that exist between the Holy See and Rwanda were recalled. Appreciation was expressed for the notable path of recovery towards the social, political and economic stabilization of the country. Likewise noted was the collaboration between the State and the local Church in the work of national reconciliation and in the consolidation of peace, for the benefit of the whole Nation.

    Pope Francis, it went on, “conveyed his profound sadness, and that of the Holy See and of the Church, for the genocide against the Tutsi. He expressed his solidarity with the victims and with those who continue to suffer the consequences of those tragic events and, evoking the gesture of Pope St John Paul II during the Great Jubilee of the Year 2000, he implored anew God’s forgiveness for the sins and failings of the Church and its members, among whom priests, and religious men and women who succumbed to hatred and violence, betraying their own evangelical mission.

    In light of the recent Holy Year of Mercy and of the Statement published by the Rwandan Bishops at its conclusion, the Pope also expressed the desire that this humble recognition of the failings of that period, which, unfortunately, disfigured the face of the Church, may contribute to a ‘purification of memory’ and may promote, in hope and renewed trust, a future of peace, witnessing to the concrete possibility of living and working together, once the dignity of the human person and the common good are put at the centre.

    The Pope and the President then exchanged views “about the political, social and regional situation, with attention to those places that are suffering conflicts and natural calamities. A particular concern was expressed for the large number of refugees and migrants in need of help and support from the international community and from regional structures.â€

Tanga Igitekerezo