Kigali

Perezida Kagame na Netanyahu baganiriye no kugufungura ambasade mu Rwanda

Amakuru   Yanditswe na: Nsanzimana Ernest 28 September 2018 Yasuwe: 1205

Perezida w’ u Rwanda Paul Kagame na Minisitiri w’ Intebe wa Isael baganiriye ku mubano w’ ibihugu byombi banakomoza kuri gahunda ya Israel yo gufungura ambasade mu Rwanda.

Kagame na Netanyahu bahuriye I New York muri Leta Zunze ubumwe za Amerika aho bombi bitabiriye inama y’ inteko rusange y’ umuryango w’ Abibumbye irimo kuba ku nshuro ya 73.

Mu mpera z’ umwaka ushize tariki 28 Ugushyingo 2017 nibwo Benjamin Netanyahu yatangaje ko igihugu cye kiri mu myiteguro yo gufungura ambasade yacyo mu Rwanda. Icyo gihe we na Kagame bari bahuriye muri Kenya mu muhango w’ irahira rya Uhuru Kenyatta Perezida wa Kenya.

Mu butumwa Perezida Kagame yanditse kuri Twitter mu masaha make ashize yavuze ko ‘yagiranye umuhuro mwiza na Minisitiri w’Intebe Netanyahu bakaganira ku kongera ingufu mu bufatanye bwa Israel na Afurika bubyara inyungu kuri buri ruhande, bongera kuganira ku mubano w’ibihugu byombi harimo no gufungura vuba ambasade mu Rwanda’.

U Rwanda na Israel bibanye neza ndetse hari amakuru avuga ko Israel irimo kuvuganira u Rwanda ngo ruzashobore kwinjira bigize mu muryango Mpuzamahanga w’ Ubukungu Organization for Economic Co-operation and Development (OECD). Uyu muryango ugize n’ ibihugu 36 byo ku migabane itandukanye Afurika itarimo.

Ibi bihugu byombi bisanzwe bifitanye imikoranire. Israel yakira abanyeshuri b’ abanyarwanda bakeneye gukarishya ubumenyi by’ umwihariko mu bijyanye n’ ubuhinzi.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble King

    Nkunda Israel kandi nkunda ko na muzehe ayikunda!vive Israel.

    1 month ago
  • chat_bubble Sezikeye

    Byaba ari byiza tubonye Israeli Embassy I Kigali.Ariko nk’umukristu,nagirango ngire icyo mvuga ku byerekeye abantu bibeshya ko ISRAEL ikiri "ubwoko bw’imana".Kera koko,bari ubwoko bw’imana.Kubera ko bayumviraga.Ariko nyuma yaho,Abayahudi bakomeje kwigomeka ku mana kugeza ubwo yohereje Abaroma basenya umujyi wa Yerusalemu mu mwaka wa 70 nkuko Yesu yasize abihanuye muli Luka 19:41-44.Jerusalem yasenywe na General witwaga Titus nkuko History ibivuga.Ndetse n’i Roma hari inyubako ibyerekana (Titus Ark).
    Impamvu ikomeye cyane ituma Imana itemera Abayahudi,tuyisanga muli Bible.Bible ivuga ko "umuntu wese utemera ko YESU ari umwana wayo itamukunda,ndetse itazamuha umuzima bw’iteka ".Bisome muli Yohana 3:16.Kugeza uyu munsi,ntabwo Abayahudi bemera ko YESU ari umwana w’imana.Kuba bazi kurwana,sicyo gituma Imana ibemera.
    Ibiri amambu (on the contrary),Imana ibuza abakristu nyakuri kurwana no kwicana.

    1 month ago

Inzindi nkuru

Mpayimana ngo ishyaka rye niryemerwa rizakemura ikibazo cy’ Abanyarwanda...

Umunyapolitiki Mpayimana Philippe uherutse gushinga ishyaka rya politiki...
12 November 2018 Yasuwe: 371 0

Perezida Kagame nawe yasubije Michaëlle Jean ku rubanza rwa Diane...

Perezida w’ u Rwanda Paul Kagame kuri iki Cyumweru tariki 11 Ugushyingo...
12 November 2018 Yasuwe: 4524 0

Unity Club Intwararumuri na NURC baratangira ubukangurambaga ku bumwe n’...

Kuri uyu wa 12 Ugushyingo 2018, mu mirenge 30 yatoranyijwe mu turere twose...
12 November 2018 Yasuwe: 333 0

‘Musana’ na ‘Registre’ amazina azimije bamwe bahaye amoko

Innocent Nizeyimana, Umusizi akaba n’ Umwanditsi w’ibitabo by’amateka ya...
11 November 2018 Yasuwe: 1937 0

‘Dushobora kugira igihugu cyiza n’ amategeko meza kirimo abantu babi’...

Philippe Mpayimana, umunyapolitiki wangiwe gukorera ikiganiro n’...
11 November 2018 Yasuwe: 3031 0

Perezida Kagame ari I Paris ku butumire bwa Emmanuel Macron

Perezida w’ u Rwanda akaba n’ Umuyobozi wa Afurika Yunze Ubumwe yitabiriye...
11 November 2018 Yasuwe: 1219 0