startimes
Kigali
startimes

Perezida Kagame yahakanye ko u Rwanda rudakoresha ikoranabuhanga rifasha gukora ubutasi kuri telephone z’abantu ku giti cyabo

Amakuru   Yanditswe na: Dusingizimana Remy 8 November 2019 Yasuwe: 3343

Nyakubahwa Perezida Paul Kagame yabwiye abanyamakuru mu kiganiro yagiranye nabo ko u Rwanda rudakoresha rya Pegasus ryo gukora ubutasi kuri telephone z’abantu ku giti cyabo kuko rihenze cyane.


Sponsored Ad


Perezida Kagame yavuze ko u Rwanda rudakoresha ’software’ yitwa Pegasus mu gutata abanyarwanda bashaka kuruhungabanyiriza umutekano,kuko rihenze.

Yagize ati "Kuri twe kumenya abanzi bacu, ibyo bakora aho bari hose ni ikintu twakomeje kugerageza gukora kuko biri mu burenganzira bwacu kimwe n’ibindi bihugu byose ku isi. Ariko iyaba nanjye ahubwo nari mfite iryo koranabuhanga, ariko nanumvise ko rihenze cyane uko nabisomye.

Njye nzi uko nkoresha neza amafaranga yanjye, ntabwo nakoresha amafaranga menshi gutyo ku muntu numvise bavuga uba mu Bwongereza twarikoreshejeho.

Ntabwo nakoresha ayo mafaranga yose ku muntu uri iyo udafite icyo antwaye, umuntu undwanyiriza mu Bwongereza!? Hoya ahubwo mpangayikishijwe na bariya binjirira mu Kinigi bakica abantu...".

Mu minsi ishize nibwo uwitwa Rukundo Faustin uba mu mujyi wa Leeds mu Bwongereza ariko akaba umurwanashyaka w’ishyaka RNC ryifuza guhungabanya umutekano w’u Rwanda yabwiye BBC ko u Rwanda rukoresha iryo koranabuhanga.

Olivier Nduhungirehe umunyamabanga wa Leta muri minisiteri y’ububanyi n’amahanga kuwa gatanu ushize yabwiye BBC ko "u Rwanda nta mwanya rufite wo gusubiza kuri ayo makuru".

Perezida Kagame yavuze ko ririya koranabuhanga rihenze kandi ntawe yatangaho ayo mafaranga, ariko ko ubutasi babukora kandi bazakomeza kubukora kuko ari ko ibihugu bikora.

Yagize ati: "Tuzi abanzi bacu tuzi n’abafasha abanzi bacu, ariko dukoresha ubutasi bukorwa n’abantu kandi ibyo turabizi cyane.Naho ririya koranabuhanga, baduhaye imbaraga nyinshi tudafite nifuza ko twakagize".

Iyi software’ yitwa Pegasus ishobora kwinjizwa muri telephone z’abantu batabizi hakoreshejwe WhatsApp igaha amakuru ubutasi.

Inkuru ya BBC

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rubavu: Abayobozi 7 bo muri Busasamana bahagaritswe by’agateganyo kubera...

Abayobozi 7 bo mu Murenge wa Busasamana wo mu karere ka Rubavu bahagaritswe...
7 August 2020 Yasuwe: 2509 0

Rutsiro: Abakozi 16 b’akarere barimo n’abanyamabanga nshingwabikorwa...

Akarere ka Rutsiro kahagaritse by’agateganyo abakozi 16 barimo abanyamabanga...
6 August 2020 Yasuwe: 2507 0

Uwari Perezida yarafunzwe, uwari Minisitiri w’Intebe ari muri kasho, ni inde...

Umwana wavutse Perezida Bizimungu yatawe muri yombi ubu yujuje imyaka 18...
19 July 2020 Yasuwe: 16458 6

Intumwa za Zambia zigiye kuza mu Rwanda kubera ibyavuzwe na...

Guverinoma ya Zambia yatangaje ko igiye kohereza intumwa mu Rwanda zizaba...
18 July 2020 Yasuwe: 1177 0

Perezida Kagame yagiranye ibiganiro n’intumwa ya Zambia ku byavuzwe na...

Nyakubahwa Perezida wa Repubulika Paul Kagame, yakiriye mu biro bye,...
18 July 2020 Yasuwe: 2510 0

Impamvu Guverineri Kayitesi yahawe umwenda wanditseho nimero 6 akanitwa...

Ku munsi w’ejo tariki ya 14 Nyakanga 2020,nibwo habaye umuhango...
15 July 2020 Yasuwe: 9647 1