Kigali

Perezida Kagame yakiriye intumwa idasanzwe ya Museveni yari imuzaniye ubutumwa burebana n’umubano w’ibihugu byombi

Amakuru   Yanditswe na: Dusingizimana Remy 30 December 2019 Yasuwe: 5487

Ku mugoroba wo kuri iki Cyumweru,taliki ya 29 Ukuboza 2019, Perezida wa Repubulika Paul Kagame yakiriye Amb. Adonia Ayebare,intumwa idasanzwe ya Perezida Yoweli Kaguta Museveni wa Uganda, yari imuzaniye ubutumwa burebana n’umubano w’ibihugu byombi.



Ubutumwa bwanyujijwe ku rubuga rwa Twitter rw’Ibiro by’Umukuru w’Igihugu bugira buti “Kuri uyu mugoroba muri Village Urugwiro, Perezida Kagame yagiranye ibiganiro bitanga icyizere na Ambasaderi Adonia Ayebare, intumwa ya Perezida Museveni, wakoze urugendo rugana i Kigali afite ubutumwa bureba umubano w’ibihugu byombi.”

Iyi ntumwa igiriye uruzinduko mu Rwanda nyuma y’ibyumweru bibiri i Kampala habereye inama ya kabiri yiga ku ishyirwa mu bikorwa ry’amasezerano ya Luanda agamije guhosha umwuka mubi hagati y’ibihugu.

Umunyamabanga wa Leta muri Minisiteri y’Ububanyi n’amahanga, Amb. Nduhungirehe Olivier,wari uyoboye itsinda ry’u Rwanda mu nama ya kabiri yiga ku ishyirwa mu bikorwa ry’amasezerano yasinyiwe muri Angola,yabaye kuwa 13 Ukuboza 2019,yatangarije kuri Twitter ye ko nyuma y’amasaha arenga 7 aba bayobozi b’impande zombi baganira nta mwanzuro wagezweho ahubwo bahisemo kubiharira abakuru b’ibihugu byombi.



Yagize ati “Nyuma y’amasaha arenga 7 mu biganiro bifunguye hagati y’u Rwanda na Uganda,Ntitwabashije kumvikana ku bisubizo bya bimwe mu bibazo by’ingenzi bihari (Uganda ifasha imitwe yitwaje intwaro irwanya u Rwanda no gufunga mu buryo budakurikije amategeko kw’abanyarwanda muri Uganda).Twahisemo kubiharira abakuru b’ibihugu.”

Amb.Olivier Nduhungirehe yari yabwiye abanyamakuru ati “Tuzagisha inama umukuru w’igihugu turebe niba ingingo twatanze twakomeza kuzikoraho zigakemurwa.Nizeye ko vuba aha tuzizerana ndetse tukanagira ubushake bwo gukemura ibibazo dufitanye.’’

Muri iyi nama,intumwa z’u Rwanda zagaragarije iza Uganda ibimenyetso bigaragaza ko igihugu cyabo gitera inkunga imitwe yitwaje intwaro ishaka guhungabanya umutekano w’u Rwanda ariko Abanya Uganda barinangira.



Uretse gutera inkunga RNC n’indi mitwe igamije guhungabanya umutekano w’u Rwanda,izi ntumwa z’u Rwanda zagarutse ku kibazo cyo gufunga abanyarwanda mu buryo budakurikije amategeko ntibagezwe imbere y’ubutabera ahubwo bakicwa urubozo.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Inama yagombaga kwiga ku mubano w’u Rwanda na Uganda yasubitswe kubera...

Inama yagombaga guhuza intumwa z’u Rwanda n’iza Uganda mu kureba aho Uganda...
25 March 2020 Yasuwe: 1129 0

Leta izafasha abantu barya ari uko bakoze ku munsi n’abandi bafite amikoro...

Kuri iki cyumweru taliki ya 22 Werurwe 2020, abayobozi barimo batandukanye...
22 March 2020 Yasuwe: 8086 4

Perezida Kagame yagiranye ibiganiro na perezida wa Ethiopia wasuye u...

Perezida wa Ethiopia Madamu Sahle-Work Zewde uyu munsi yasuye u Rwanda...
16 March 2020 Yasuwe: 1296 0

Perezida Kagame yirukanye Umuvunyi Wungirije ushinzwe kurwanya ruswa...

Musangabatware Clement, wari Umuvunyi Mukuru Wungirije ushinzwe gukumira no...
9 March 2020 Yasuwe: 11359 0

Ibyemezo by’inama y’Abaminisitiri idasanzwe yo ku wa 06 Werurwe...

Ku wa Gatanu, tariki ya 06 Werurwe 2020, Inama y’Abaminisitiri idasanzwe...
7 March 2020 Yasuwe: 5703 2

Dr.Isaac Munyakazi yirukanwe mu ishyaka PDI kubera ruswa yavuzweho

Abagize Biro Politiki y’Ishyaka Ntangarugero muri Demokarasi (PDI) bemeje ko...
1 March 2020 Yasuwe: 2257 1