Kigali

Perezida Kagame yashimiye Kiliziya Gatulika yemeye gusaba imbabazi ku ruhare rwayo muri Jenoside yakorewe abatutsi

Amakuru   Yanditswe na: 20 March 2017 Yasuwe: 1998

Perezida wa Repubulika y’ u Rwanda yashimiye Kiliziya gatolika kuba yemeye gusaba imbabazi ku ruhare yagize muri jenoside yakorewe abatutsi.

Nk’ uko bigaragara ku rukuta rwa Perezida Kagame yavuze ko gusaba imbabazi ku makosa akomeye nk’ aya ari ubutwari butagereranwa.

Yagize ati “Umunsi udasanzwe/ibihe bidasanzwe, guhura na Papa Francis, ingingo nshya mu mubano w’ u Rwanda na kiliziya gatolika.”

Yongeye ati “Kuzirikana no gusaba imbabazi ku makosa mu bihe nk’ ibi mu bibazo nk’ ibi, ni igikorwa cy’ ubutwari n’ ubumuntu butagereranwa”

Izi mbabazi zisabwe mu gihe mu nama iheruka y’ umushikirano hanenzwe imbabazi zari zasabwe n’ abashumba ba kiliziya gatolika mu Rwanda bazisabira abayoboke babo bagize uruhare muri jenoside yakorewe abatutsi.

Leta y’ u Rwanda yari yanenze izo mbabazi igaragaza ko kiliziya gatolika ikwiye gusaba imbabazi ubwayo.

Izo mbabazi Papa Francis yazisabye mu kiganiro yagiranye na Perezida w’ u Rwanda kuri uyu wa Mbere tariki 20 Werurwe 2017. Ni mu ruzinduko Perezida Kagame yari yagiyemo yitabiriye ubutumire bwa Papa Francis.

Perezida Kagame yagiye I Vatican avuye mu ruzinduko yagiriraga mu Bushinwa aho yahuye na Perezida w’ icyo gihugu ndetse akanaganira n’ abambasaderi bo muri Afurika bari muri icyo gihugu.

Ibitecyerezo

  • Log in

    Amategeko n'amabwiriza birkurikizwa


Inzindi nkuru

‘Guhagarika Human Right Watch siwo muti’ Sibomana

Umuyobozi w’ urugaga rw’ amasendika akorera mu Rwanda COSYLI, (Conseil...
15 December 2017 Yasuwe: 405 0

Impinduka ku muganda usoza umwaka wa 2017

Minisiteri y’ubutegetsi bw’igihugu (MINALOC) yatangaje ko ku matariki ya 30...
15 December 2017 Yasuwe: 295 0

U Rwanda rwiyambaje impuguke zo muri Amerika ngo ukuri ku ruhare rw’ u...

Minisitiri w’ububanyi n’amahanga n’ umuryango w’ Afurika y’ iburasirazuba...
15 December 2017 Yasuwe: 252 0

‘Kudutera uturutse hanze biragoye’ Perezida Kagame

Perezida Kagame yavuze ko nta mwanzi watera u Rwanda aturutse hanze y’...
14 December 2017 Yasuwe: 1380 4

Mukaruliza wagizwe ambasaderi muri Zambia yatanze impapuro zimwemerera...

Ambasaderi Monique Mukaruliza wahoze ari umuyobozi w’ umugi wa Kigali...
14 December 2017 Yasuwe: 398 0

2017: Abantu 35 batabawe bajyanywe gucuruzwa

Polisi y’u Rwanda irizeza Abaturarwanda ko hazakomeza kubaho umutekano mu...
14 December 2017 Yasuwe: 276 0