Kigali

Perezida Kagame yirukanye Umuvunyi Wungirije ushinzwe kurwanya ruswa atarangije manda

Amakuru   Yanditswe na: Ubwanditsi 9 March 2020 Yasuwe: 11256

Musangabatware Clement, wari Umuvunyi Mukuru Wungirije ushinzwe gukumira no kurwanya ruswa Foto/Igihe

Mu itangazo risohotse kuri uyu mugoroba rivuye mu biro bya Misitiri w’Intebe ryavugaga ko Perezida wa Repubulika yashyize mu myanya abayobozi nk’uko itegeko ribimuhera ububasha.



Dr. Ngabitsize Jean Christome wari Umudepite yinjiye muri Guverinoma nk’Umunyamabanga wa Leta muri Ministeri y’Ubuhinzi n’Ubworozi, Bakuramutsa Feza Urujeni wari Umunyamabanga Uhoraho muri Minisiteri y’Ububanyi n’Amahanga aba Umuyobozi w’Ibiro bya Perezida wa Repubulika.

Bakuramutsa Feza Urujeni wagizwe Umuyobozi ushinzwe Ibiro bya Perezida ntabwo ari mushya Perezidansi kuko yigeze kuyobora Imbuto Foundation, umushinga wa Madamu wa Perezida wa Repubulika unakorere muri Perezidansi. Bakuramutsa kandi si mushya muri dipolomasi kuko yigeze kuba yungirije Intumwa y’u Rwanda mu Muryango w’Abibumbye.

Bakuramutsa asimbuye kuri iyu mwanya Ines Mpambara uherutse guhindurirwa umwanya agashingwa imirimo y’inama y’abaminisitiri.



Mukama Abbas nawe wari umaze igihe ashoje manda mu Inteko Ishinga Amategeko, Umutwe w’Abadepite uheruka aho yari Visi Perezida wawo yagizwe Umuvunyi Mukuru Wungirije ushinzwe gukumira no kurwanya ruswa n’ibyaha bisa nayo aho asimbuye Musangabatware Clément, uyu akaba yirukanwe kuri uyu mwanya haburaga umwaka umwe ngo manda ye irangire.

Mukama Abbas yabaye mu Inteko ishinga amategeko imyaka igera kuri 18. Yamenyekanye cyane muri politiki ubwo yari akuriye Komisiyo idasanzwe y’Abadepite yacukumbuye ibibazo byari mu ishyaka rya MDR rya Twagiramungu Faustin raporo yayo ikanzura ko iri shyaka rikwiye guseswa, Abadepite bakayemeza MDR igaseswa ityo bwa kabili, mbere ikaba yai yarasheshwe na Habyalimana ubwo yafataga ubutegetsi muri Nyakanga1973, nyuma y’imyaka 2 agashyiraho ubutegetsi bw’ishyaka rimwe rukumbi, MRND.

Mukama Abbas yongeye kuvugwa mu gihe cy’ikusanyamakuru rya Gacaca aho yashyizwe mu majwi ko yaba yaragize uruhare muri jenoside yakorewa abatutsi mu 1994 mu Bugarama iwabo mu Karere ka Rusizi ariko biza gucwerera akomeza imirimo ye yo kuba Intumwa ya Rubanda.



Musangabatware Clement yirukanwe atarangije manda ariko nta cyatangajwe yaba azize kuko manda ye yari ikibura umwaka umwe ngo irangire. Abavunyi bungirije bagira manda y’imyaka ine yisubiramo rimwe. Ntihatangajwe icyo yazize ariko bamwe mubo bakorana bavuga hari hashize iminsi babona asa n’ufite ibibazo bakurikije imyitwarire ye mu kazi itari ikiri ku rwego rw’umuyobozi nka we. Yabaga mu ishyaka rimwe n’Umuvunyi Mukuru, rya PSD.

Ku zindi mpinduka mu bayobozi zabaye reba itangazo riri hano hasi:

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Leta izafasha abantu barya ari uko bakoze ku munsi n’abandi bafite amikoro...

Kuri iki cyumweru taliki ya 22 Werurwe 2020, abayobozi barimo batandukanye...
22 March 2020 Yasuwe: 8048 4

Perezida Kagame yagiranye ibiganiro na perezida wa Ethiopia wasuye u...

Perezida wa Ethiopia Madamu Sahle-Work Zewde uyu munsi yasuye u Rwanda...
16 March 2020 Yasuwe: 1269 0

Perezida Kagame yirukanye Umuvunyi Wungirije ushinzwe kurwanya ruswa...

Musangabatware Clement, wari Umuvunyi Mukuru Wungirije ushinzwe gukumira no...
9 March 2020 Yasuwe: 11256 0

Ibyemezo by’inama y’Abaminisitiri idasanzwe yo ku wa 06 Werurwe...

Ku wa Gatanu, tariki ya 06 Werurwe 2020, Inama y’Abaminisitiri idasanzwe...
7 March 2020 Yasuwe: 5699 2

Dr.Isaac Munyakazi yirukanwe mu ishyaka PDI kubera ruswa yavuzweho

Abagize Biro Politiki y’Ishyaka Ntangarugero muri Demokarasi (PDI) bemeje ko...
1 March 2020 Yasuwe: 2255 1

Perezida Kagame yasabye abayobozi kwirinda gukoresha ububasha bahabwa mu...

Uyu munsi Nyakubahwa perezida wa Repubulika yakiriye indahiro z’abayobozi...
28 February 2020 Yasuwe: 3218 0