skol
Kigali
startimes

Perezida Macron yemeje ko azasura u Rwanda muri 2021

Amakuru   Yanditswe na: Dusingizimana Remy 20 November 2020 Yasuwe: 4070

Perezida w’u Bufaransa, Emmanuel Macron, yatangaje ko mu mwaka utaha wa 2021 azagirira uruzinduko mu Rwanda no mu bindi byo ku mugabane wa Afurika birimo Angola na Afurika y’Epfo.


Mu kiganiro yagiranye na Jeune Afrique kuri uyu wa Gatanu, kigaruka ku mubano w’u Bufaransa na Afurika muri rusange,Perezida Macron yashimangiye ko uyu mugabane n’igihugu cye bikwiye kugirana urukundo n’amateka arushingiyeho.

Yavuze ko agiye gusubukura ingendo yari afite ku mugabane w’Afurika,zasubitswe kubera impungenge z’icyorezo cya Coronavirus, mu byumweru biri imbere ariko ngo muri 2021 azasura u Rwanda.

Ati “Ndateganya mbere na mbere uruzinduko muri Angola na Afurika y’Epfo aho zari zarasubitswe kubera imbogamizi zishingiye ku buzima. Ndizera ko nzashobora kujyayo mu byumweru bike biri imbere. Hanyuma no mu Rwanda mu 2021.”

Muri Werurwe 2019,nabwo ikinyamakuru Jeune Afrique cyatangaje ko Perezida Macron azagirira uruzinduko mu Rwanda muri Mata 2019, mu rwego rwo kunamira ku nshuro ya 25 abazize Jenoside yakorewe Abatutsi.

Icyakora uru ruzinduko rwa Macron ntabwo rwakunze ahubwo yohereje umuhagarariye muri icyo gihe cyo kwibuka.

Uru ruzinduko niruramuka rubaye, ruzaba ari urw’amateka kuko Macron azaba abaye perezida wa kabiri w’u Bufaransa nyuma ya Jenoside usuye u Rwanda, akaba yaba akurikira Francois Sarkozy wasuye u Rwanda mu 2010.

Perezida Kagame yasuye u Bufaransa mu Gushyingo 2018, ubwo yari yitabiriye inama mpuzamahanga yiga ku mahoro (Forum International de la Paix), inama yanarangiye bikavugwa ko Perezida w’u Rwanda yanatumiye mugenzi we w’u Bufaransa mu Rwanda mu ntangiriro za 2019.

Muri 2017, ubwo perezida Macron yari amaze igihe gito atowe, Perezida Kagame yabajijwe na Jeune Afrique icyo atekereza kuri perezida mushya w’u Bufaransa abasubira ko yizeye ko azashyira ku ruhande umubano mubi wabaye mu myaka yashize.

Yagize ati“Turizera ko hari imikorere mishya izabaho ku buyobozi bwa Perezida Macron, nko gushyira akadomo ku myaka ishize y’urujijo.”

Ubwo u Rwanda rwasabaga u Bufaransa ijwi mu matora y’Umunyamabanga mukuru w’umuryango w’ibihugu bivuga Igifaransa, Perezida Macron yarushyigikiye atajuyaje.

Umubano w’u Bufaransa n’u Rwanda wagiye uzamo agatotsi nyuma ya Jenoside yakorewe Abatutsi aho Ubufaransa bwagiye bushinjwa kugira uruhare muri Jenoside ndetse na Nyuma yaho bugacumbikira bamwe mu bayikekwaho.

Perezida Macron akimara kujya ku butegetsi yagiye agerageza kugarura umubano mwiza hagati y’ibihugu byombi.

Mu mwaka ushize,Macron yemeje ko hajyaho inteko y’inzobere zirimo n’abanyamateka yo gukora ubushakashatsi ku birego u Rwanda rurega Ubufaransa.

U Rwanda rwigeze guhagarika umubano n’Ubufaransa kuva mu 2006 kugeza 2009 nyuma y’uko iki gihugu gisohoye impapuro zo gufata bamwe mu bayobozi bakomeye b’u Rwanda nyuma y’impapuro z’umucamanza Jean-Louis Bruguière kuri iki kirego.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

“Twirinde rero buri wese yite ku bandi"-Perezida Kagame mu Ijambo risoza...

Mu ijambo risoza umwaka wa 2020 rinatangiza uwa 2021,Perezida Kagame...
31 December 2020 Yasuwe: 4100 0

Dr.Frank Habineza yahishuye igisubizo gitangaje yahawe n’abadepite bagenzi...

Umuyobozi w’ishyaka Democratic Green Party of Rwanda akaba n’umudepite mu...
23 December 2020 Yasuwe: 12152 2

Perezida Kagame yahaye umuburo abakora ibikorwa by’iterabwoba anasubiza...

Mu kiganiro Perezida Kagame yagiranye n’abanyamakuru ndetse n’abaturage bo...
21 December 2020 Yasuwe: 4902 0

"Tugeze aho tutakwemera ko ibyo twagezeho biba imfabusa"-Perezida...

Kuri uyu wa Mbere tariki ya 21 Ukuboza 2020,Perezida Kagame yagejeje ku...
21 December 2020 Yasuwe: 3637 0

Abantu 3000 baraye bafungiwe kwambara nabi udupfukamunwa utubari 85 twarimo...

Minisiteri y’Ubutegetsi bw’igihugu.Prof.Shyaka Anastase,yatangaje ko nyuma...
16 December 2020 Yasuwe: 4581 0

Serivisi zimwe zari zakomorewe zongeye gufungwa izindi zahuzaga abantu...

Kuri uyu wa 14 Ukuboza 2020,Perezida Kagame yayoboye inama y’Abaminisitiri...
15 December 2020 Yasuwe: 6252 0