addresiya
Kigali
startimes

PSD yasoje ibikorwa byo kwiyamamaza isaba abanyarwanda gutuma amatora agenda neza

Amakuru   Yanditswe na: Dusingizimana Remy 1 September 2018 Yasuwe: 334

Ishyaka riharanira Demokarasi n’imibereho myiza y’abaturage (PSD),ryasoreje ibikorwa byo kwamamaza mu mujyi wa Kigali ahazwi nka Camp Kigali,basaba abarwanashyaka babo kugira uruhare mu gutuma amatora agenda neza kandi bagatora ku bwinshi PSD.



Ubwo yamamazaga bwa nyuma abakandida-depite bahagarariye PSD mu matora y’abagize Inteko Ishinga Amategeko,umuyobozi wa PSD Dr Biruta Vincent yabwiye abarwanashyaka ba PSD ko ibikorwa byo kwiyamamaza hirya no hino mu gihugu byagenze neza ndetse biteguye kuzabona abanyarwanda bababhundagazaho amajwi mu matora ateganyijwe ku wa Mbere.

PSD yasoje ibikorwa byo kwiyamamaza yizeza abanyarwanda impinduka muri byinshi

Yagize ati “Mwarakoze cyane kwamamaza PSD n’abakandida bayo beza kandi basobanutse.Turashaka amajwi kugira ngo izi ntore zacu zizaduhagararire neza mu nteko ishyinga amategeko,zishyire mu bikorwa ibyo PSD yiyemeje kugeza ku banyarwanda.

umwe mu bakandida wari uhagarariye abandi,Uwera Pelagie yavuze ko PSD yifuza ko abanyarwanda basaga miliyoni 7 bazatora bayihundagazaho amajwi ikagira abakandida benshi mu nteko kandi icyizere kiganje kuko aho baciye hose,Abanyarwanda baberetse ko babashyigikiye.

Yagize ati “Aho twaciye hose,Abanyarwanda bavuze ko badushyigikiye kandi bazaduhundagazaho amajwi.Tuzashyigikira itegeko Nshinga twumva ibitekerezo by’abaturage ndetse tubishyire mu bikorwa.

Turifuza ko abanyarwanda bagira ubuzima bwiza kandi tuzabiharanira muri manda yacu kuko twizeye ko tuzatorwa.

Turifuza ko urubyiruko rugira ubuzima bwiza,rugakora siporo ndetse tugaca umubyigano w’imodoka dukoresha utumodoka two mu kirere.

Dr Ngabitsinze Jean Chrisostome,umunyamabanga mukuru wa PSD akaba Umukandida Depite urangaje abandi imbere muri iri shyaka,yavuze ko PSD yifuza ko igenamigambi ryarushaho guteza imbere abaturage ndetse abakandida depite ba PSD bifuza kuzamura ubuhinzi n’ubworozi bongera imbuto z’indobanure,ifumbire n’amazi ndetse umusaruro wakwiyongera bagashaka amasoko hirya no hino.

PSD irifuza guteza imbere ibijyanye no gutera intanga inka kugira ngo abanyarwanda babone icyororo cyiza kandi hazakorwa ibishoboka byose ngo bigerweho.

Dr Ngabitsinze yavuze ko abakandida depite ba PSD bazateza imbere ubushakashatsi ku byerekeye ubuhinzi n’ubworozi kugira ngo imirire mibi icike mu banyarwanda.
Yavuze kandi ko PSD yifuza ko hakorwa impinduka ku bishushanyo mbonera by’imijyi kugira ngo byorohere abanyarwanda ndetse bazakora ubuvugizi ku buryo abantu leta ishaka kwimura bajya bahabwa igihe cyo kwitegura nibura kigeze ku myaka 5.

Muri manda ya 2018 kugeza 2023,PSDifite abakandida 65, yafashe ingamba na gahunda zigera kuri 41 zibumbiye mu nkingi 3 arizo politiki,imiyoborere n’ubutabera,ubukungu ndetse n’imibereho myiza y’abaturage.

PSD yasabye abanyarwanda kuyihundagazaho amajwi

Kuri uyu wa Gatandatu nibwo amashyaka atandukanye n’abakandida bigenga biyamamaje bwa nyuma cyane ko ku munsi w’ejo saa kumi n’ebyiri z’igitondo ibikorwa byo kwiyamamaza bizafungwa ku mugaragaro mu gihe amatora nyirizina azaba ku wa Mbere taliki ya 03 Nzeri 2018.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble liberakurora

    Yaba FPR,yaba PSD,yaba PL,etc…bose ni UMUGATI baba bishakira (national bread).Iyo bamaze gutorwa birebera inyungu zabo gusa.Nta numwe uzakura Mwalimu wa Primary ku mushahara wa 40 000 Frw.Nyakubahwa biganye muli University ahembwa miliyoni hamwe n’imodoka nshya Leta yamufashije kugura.Koko dukeneye ubwami bw’imana.Nibwo bwonyine buzayobora isi nta karengane no kwikubira.

    September 2018

Inzindi nkuru

Guverineri w’intara y’amajyaruguru yavuze amagambo yuje ukwiyoroshya asaba...

Uwahoze ari guverineri w’intara y’amajyaruguru Gatabazi Jean Marie vianney...
27 May 2020 Yasuwe: 2982 0

Nyuma ya Gen Nyamvumba, Afande Gasana na Hon Gatabazi bahagaritswe ku...

Itangazo ryavuye mu Biro bya Minisitiri w’Intebe ku mugoroba wo kuri uyu...
25 May 2020 Yasuwe: 3961 0

Uganda yemeye kurekura Abanyarwanda 176 yafunze mu buryo budakurikije...

Minisitiri w’Ububanyi n’Amahanga w’u Rwanda,Dr.Vincent Biruta yatangaje ko...
15 May 2020 Yasuwe: 1032 0

Minisitiri Biruta yatangaje impamvu Uburundi na Tanzania batitabiriye inama...

Minisitiri w’Ububanyi n’Amahanga w’u Rwanda, Dr. Biruta Vincent, yavuze ko u...
15 May 2020 Yasuwe: 2284 0

Perezida Kagame yashyizeho abayobozi mu nzego zinyuranye barimo n’uwa REMA...

Perezida wa Repubulika Paul Kagame ashingiye ku bubasha ahabwa n’amategeko,...
11 May 2020 Yasuwe: 4353 0

Rusizi: Abayobozi 3 barimo n’Umunyamabanga w’akarere bavuye ku mirimo...

Uwari Umunyamabanga Nshingwabikorwa w’Akarere ka Rusizi, Mushimiyimana...
6 May 2020 Yasuwe: 2136 0