Kigali

Umusore akurikiranyweho gusambanya abanyeshurikazi abarangiwe na mugenzi wabo

Amakuru   Yanditswe na: Nsanzimana Ernest 12 June 2017 Yasuwe: 11747

Umusore utatangajwe amazina wo mu murenge wa Remera mu karere ka Gatsibo ari mu maboko ya polisi akurikiranyweho gusambanya abanyeshurikazi bo muri G. S. Bugarura abarangiwe n’ umunyeshurikazi mugenzi wabo.

Umunyamabanga Nshingwabikorwa w’Umurenge wa Remera, Mukamana Marceline yatangaje ko hafashwe abasore babiri n’umukobwa umwe, ariko uwo mukobwa aza kurekurwa, abo basore bashyikirizwa polisi.

Nyuma yo kugezwa kuri polisi, umwe muri abo basore na we yararekuwe, hasigara umwe polisi ivuga ko yashukishaga abanyeshuri ikiryabarezi, bakaza bijejwe akazi bahagera akabasambanya.

Bivugwa ko uwifuzaga kubonana n’umukobwa wo muri iki kigo yavuganaga n’aba basore ubusanzwe bakora umurimo wo gucuruza ibiryabarezi mu gasantere kari hafi y’iki kigo.

Aba basore bakoranaga n’umukobwa wiga muri iki kigo mu mwaka wa Gatatu agakora ubukomisiyoneri, umukobwa ubonetse agashyikirizwa uwamwifuje.

Bamwe mu banyeshuli babwiye Izubarirashe.rw dukesha iyi nkuru ko iki kibazo kimaze igihe ndetse ko bakibwiye ubuyobozi bw’ikigo mu nama y’abakobwa yabaye kuwa 4 Gicurasi 2017 ntibugikurikirane.

Aba banyeshuri bavuga ko kuba noneho ikibazo cyatangiye gukurikiranwa byasembuwe n’urupapuro rwafatanwe umukobwa umwe wiga muri iki kigo yari yandikiwe n’aba bakora ubukomisiyoneri.

Umutoni Aline (izina twamwise) avuga ko uyu mukobwa icyo yari agamije ari ugushakira inshuti abakobwa akabahuza n’abasore bo hanze y’ikigo na we bakamwishyura.

Aganira n’izubarirashe.rw, yagize ati “We yazaga akakubaza ngo ‘ufite inshuti?’ wamubwira uti ‘ntayo mfite’ akakubwira ati ‘kugira ngo mukubonere wamfasha tugakina dilo ko zunguka?’ Mbese avuga dilo.

Ntuba uzi icyo akubarije ngo ufite chéri ukabona agukoreye ubukomisiyoneri gutyo akakujyana akakugeza ku bantu utazi, ukabona wisanze ubarimo hagati abo bantu mugahurira aho we agahita acaho. We ni ubukomisiyoneri akora, niba bamubwiye ngo dushakire abana, uwo muntu iyo akubonye bwa mbere ntabwo muhita muryamana, akora buryo ki akwiyegereza, hari abo byabayeho njye ubwanjye nzi neza kandi tunaturanye”

Undi munyeshuli witwa Umuhoza Clementine wiga mu mwaka wa gatatu, avuga ko uyu mukobwa wakoraga ubukomisiyoneri muri iki kigo yamugezeho ariko akamwangira.

Uyu mwana w’umukobwa uri mu kigero cy’imyaka 17, aganira n’izubarirashe.rw yagize ati, “Yaraje aratubwira ngo arashaka kudushakira abagabo turabyanga, yarabanje abibwira umwana witwa Gapeti arabyanga, uwo amaze kubyanga nanjye araza arabimbwira ndabyanga, maze kubyanga aragenda abwira undi mukobwa witwa Betty twigana nawe arabyanga, noneho aragenda abwira na Chance, Chance nawe arabyanga, umwarimu wacu amaze kubimenya ni bwo babimubajije arabyiyemerera.”

Gusa umuyobozi w’iri shuri Justin Mbarushimana yanze kugira icyo atangaza kuri aya makuru ahubwo adusaba ko twabaza ubuyobozi bw’umurenge.

IP Jean Bosco Dusabe wasigariye umuvugizi wa Polisi mu Ntara y’Iburasirazuba kuko ari muri konji avuga ko icyo kibazo atari ubucuruzi bw’abantu busanzwe.

Avuga ko umusore polisi ifunze akekwaho gushuka abakobwa bo muri iki kigo kugira ngo ajye abasambanya binyuze mu kubashuka ababwira ko bazajya bamufasha gucuruza ibiryabarezi.

Yagize ati, “Kiriya kibazo ntabwo ari ubucuruzi bw’abantu nk’uko babivugaga, ni umusore wajyaga abashuka ngo kugira ngo bajye bakorana kuri cya kimashini cyitwa ikiryabarezi ariko afite gahunda yo kujya abasambanya, ntabwo ari ukubacuruza ahubwo bavaga ku ishuri bakajyayo afite intego yo kubaha akazi aho ku kiryabarezi agamije kujya abasambanya.”

Polisi irasaba ababyeyi gukurikirana abana babo, bagatangira amakuru ku gihe mu gihe cyose baba babonye uwo ari we wese ugamije guhungabanya uburere bw’abana babo.

Muri uru rwunge rw’amashuli rwa Bugarura, bivugwa ko kuva umwaka utangiye abakobwa bane ari bo bamaze gutwara inda zitateguwe.

Author : Nsanzimana Ernest

Nsanzimana Ernest ni Umwanditsi mukuru w’Ikinyamakuru Umuryango. Yatangiye gukorera iki kinyamakuru muri Nzeli 2016, afite Impamyabumenyi y’Icyiciro cya Kabiri cya Kaminuza (A0) mu Itangazamakuru n’Itumanaho yakuye muri Kaminuza y’u Rwanda Ishuri ry’ itangazamakuru n’ itumanaho

Ibitecyerezo

  • Log in

    Amategeko n'amabwiriza birkurikizwa


  • chat_bubble RWABAHIZI VIATEUR

    Uwo musore yakoze amahano nafatirwe ibihano

    June 2017

Inzindi nkuru

Ngororero: Ba Visi Meya bombi na Gitifu w’Akarere beguye

Ku mugoroba wo kuwa mbere taliki 2/9/2019 ba Visi Meya bombi ndetse...
3 September 2019 Yasuwe: 11746 1

Breaking: Meya wa Karongi na ba Visi Meya bose baraye banditse basaba...

Ku mugoroba w’ejo ku wa mbere taliki 2/9/2019 nibwo Ndayisaba Francois, Meya...
3 September 2019 Yasuwe: 30359 0

Uwagurije wa munyamakuru Tuyishimire wa TV1 wahungiye muri Uganda yavuze...

Ishimwe Honore, umunyamakuru wa Radio Ishingiro ivugira I Gicumbi, akaba...
24 July 2019 Yasuwe: 13745 1

“Amagambo” Min Diane Gashumba aherutse kuvuga kuri Kiliziya Gatulika yiswe...

Mu biganiro byabereye mu Inteko Ishinga Ametegeko taliki 21/6/2019 byahuje...
19 July 2019 Yasuwe: 16245 15

Jado Uwihanganye, Rwakazina wayoboraga Umujyi, Maj Gen Karamba mu...

Perezida wa Repubulika, ashingiye ku biteganywa n’Itegeko Nshinga rya...
16 July 2019 Yasuwe: 7627 1

Perezida Kagame na Museveni barahura imbona nkubone ejo kuwa...

Muri iki gitondo cyo kuri uyu wa kane Radio Rwanda yatangaje ko biteganyjwe...
11 July 2019 Yasuwe: 8001 0