Mu murenge wa Mamba mu karere ka Gisagara hatangiye kubakwa uruganda rutunganya nyiramugeli ikabyazwa amashyanyarazi.
Umuhango wo gushyira ibuye ry’ ifatizo ahagiye kubakwa urwo ruganda wabaye kuri uyu wa 9 Gicurasi 2017, ukaba wayobowe na Minisitiri w’ ibikorwa remezo Musoni James. Urwo ruganda rwitezweho gutanga amashyanyarazi angana na megawate 80.
Urwo ruganda ruzubakwa na Sosiyete y’abanya-Turukiya yitwa “Quantum Power” biteganyijwe ko ruzura rumaze gutwara akayabo ka miliyari 289RWf (...)

Sponsored Ad

Mu murenge wa Mamba mu karere ka Gisagara hatangiye kubakwa uruganda rutunganya nyiramugeli ikabyazwa amashyanyarazi.

Umuhango wo gushyira ibuye ry’ ifatizo ahagiye kubakwa urwo ruganda wabaye kuri uyu wa 9 Gicurasi 2017, ukaba wayobowe na Minisitiri w’ ibikorwa remezo Musoni James. Urwo ruganda rwitezweho gutanga amashyanyarazi angana na megawate 80.

Urwo ruganda ruzubakwa na Sosiyete y’abanya-Turukiya yitwa “Quantum Power” biteganyijwe ko ruzura rumaze gutwara akayabo ka miliyari 289RWf (miliyoni 350$).

Urwo ruganda nirumara kuzura ruzacungwa na “Quantum Power” mu gihe cy’imyaka 26 nyuma rwegurirwe Leta y’u Rwanda.
Imirimo yo kubaka uru ruganda izatanga akazi ku baturage babarirwa mu 1000,naho gutunganya nyiramugengeri ivanwamo amashanyarazi bikazaha akazi abantu 200.

Mbere ya Jenoside yakorewe Abatutsi, mu Karere kose ka Gisagara hari ingo 24 gusa zacanaga amashanyarazi. Ariko ubu izicana amashanyarazi zimaze kugera ku bihumbi 16, zihwanye na 20.2% z’ingo zose ziri muri ako karere. Gusa ariko ngo uwo mubare uziyongera urwo ruganda nirumara kuzura.