Kigali

Nyagatare: Abaturage bitiranyije inzige n’ibisimba babonye mu mirima yabo

Amakuru   Yanditswe na: Dusingizimana Remy 11 February 2020 Yasuwe: 3135

Mu gihe ikibazo cy’inzige kiri kuvugwa hirya no hino mu bihugu byo mu ihembe rya Afurika no mu bihugu byinshi byo muri aka karere ka Afurika y’Iburasirazuba,abaturage babonye ibisimba mu mirima yabo bakeka ko ari inzige gusa ubuyobozi bwahise bubasaba gutegereza itangazo rya RAB.



Ku mugoroba wo kuri uyu wa Mbere tariki ya 10 Gahyantare, nibwo ibi bisimba bisa n’inzige byagaragaye mu tugari twa Nyamiyonga, Nyagatabire na Kibirizi mu karere ka Nyagatare.

Umujyanama w’ubuhinzi mu Kagari ka Nyamiyonga witwa Ntawurimenya Damascene yabwiye IGIHE dukesha iyi nkuru ko abaturage bakibona utwo dusimba mu mirima yabo, bahise bamuhamagara akajya kureba.

Ati “ Abaturage bampamagaye hanyuma njyayo ngezeyo ibyo bisimba nanjye ndabibona ndabifotora nohereza ku murenge nkora raporo, ziri kuza zigenda zihumbika ku biti, biri no kona kuko nagiye mbona aho byagiye birya ibyatsi n’ibiti.”

Umwe mu baturage we yagize ati “ Mu murima ntabwo birimo kubonekamo ku manywa biraboneka mu masaha ya mu gitondo kare cyane cyangwa ku mugoroba bwije.”



Umuyobozi wungirije wa RAB ushinzwe ubushakashatsi ku buhinzi, Dr Bucagu Charles yabwiye iki kinyamakuru ko hari abantu bari kubikurikirana ariko ngo bakurikije ibimenyetso by’inzige basanzwe bazi zishobora kuba atari zo.

Yagize ati “ Hari abantu barimo kubikurikirana bagiyeyo, ni ukuvuga ngo hari amoko abiri y’inzige. Ntabwo zisa na ziriya ziri gutera muri ibi bihugu, zishobora kuba atari zo ariko turaza kubabwira.”

Yongeyeho ati “ Ntabwo ziriya ari inzige ni ubundi bwoko bw’ibihore, ni ugutera imiti bita rocket.”



Inzige ziherutse kugera mu majyaruguru y’igihugu cya Uganda kiri mu majyaruguru y’u Rwanda ariyo mpamvu abashinzwe ubuhinzi mu Rwanda baryamiye amajanja ngo bahangane nazo.

Andi makuru aravuga ko ibi bisimba byabonetse no mu murenge wa Rwaza mu Karere ka Musanze.


Ibi bisimba nibyo byagaragaye i Nyagatare

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Leta zunze ubumwe za Amerika yateye u Rwanda inkunga ya Miliyoni y’Amadolari...

Igihugu cya Leta zunze ubumwe za Amerika mu Rwanda gihagarariwe mu Rwanda...
4 April 2020 Yasuwe: 1558 1

IMF yagurije U Rwanda miliyari 102 na miliyoni 372 FRW yo kurufasha...

Inama y’Ubutegetsi y’Ikigega Mpuzamahanga cy’Imari (IMF) yemereye u Rwanda...
3 April 2020 Yasuwe: 992 1

Nyarugenge: Gare ya Nyabugogo itagikoreshwa yahinduwe isoko ry’ibiribwa

Kubera umubyigano no guhurira hamwe kw’abantu bajyaga kugurira imboga...
1 April 2020 Yasuwe: 4167 0

U Burundi bwanze ko amakamyo atwara ibicuruzwa aturutse mu Rwanda yinjira...

Guverinoma y’u Rwanda yamenyesheje ibihugu bya Uganda na Kenya ko u Burundi...
1 April 2020 Yasuwe: 5446 0

MINICOM yashyizeho ingano y’ibiribwa umuntu atagomba kurenza ku munsi kubera...

Minisiteri y’Ubucuruzi n’Inganda (MINICOM),yongeye gutangaza ibiciro...
22 March 2020 Yasuwe: 4140 3

RDB yahagaritse by’agateganyo ubukerarugendo muri pariki 3 z’igihugu kubera...

Ikigo cy’igihugu gishinzwe Ubukerarugendo [RDB] cyahagaritse by’agateganyo...
20 March 2020 Yasuwe: 858 0