Kigali

Qatar Airways igiye kugura imigabane ingana na 49% muri Rwandair

Amakuru   Yanditswe na: Dusingizimana Remy 5 February 2020 Yasuwe: 1430

Umuyobozi wa Qatar Airways witwa Akbar Al Baker yamaze gutangaza ko iyi kompanyi ye iri mu biganiro n’ikigo cy’indege cy’u Rwanda, RwandaAir, mu rwego rwo kugura 49% by’imigabane yacyo.



Mu kiganiro n’abanyamakuru mpuzamahanga cyabaye kuri uyu wa Gatatu taliki ya 05 Gashyantare, Akbar Al Baker, yavuze ko ibiganiro bigikomeje byo kugura iyi migabane bikomeje,amasezerano atarasinywa.

Ati “Turi kuganira ku migabane ingana na 49% muri RwandAir, Ikibuga cy’Indege kiri kubakwa n’Ikigega cyacu cy’Ingoboka, kugira ngo kigire ubushobozi bwo kwakira abantu miliyoni 10.”

Qatar Airways yamaze gushora imari mu kubaka ikibuga cy’indege cyo mu Bugesera.

Akbar Al Backer yavuze ko impamvu bahisemo gushora imari mu Rwanda, ari ukubera aho u Rwanda ruherereye muri Afurika, Politiki yarwo nziza kandi ihamye,uko abanyarwanda bafata Qatar Airways ndetse n’umutekano uri mu Rwanda.



Mu Ukuboza umwaka ushize,perezida Paul Kagame na Emir wa Qatar, Sheikh Tamim Bin Hamad Al Thani,basinye amasezerano 3 arimo gufatanya kubaka ikibuga cy’indege cyo mu Bugesera.Igice cya mbere cyo kubaka iki kibuga kizarangira muri 2022.

RwandAir yashinzwe mu 2003,isigaye ijya mu byerekezo 29 ikoresheje indege 12 ifite zirimo Airbus A330 ebyiri nini, igana mu byerekezo binyuranye muri Afurika y’Iburasirazuba, Hagati, Iburengerazuba n’Amajyepfo, mu Brasirazuba bwo Hagati, i Burayi no muri Aziya.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Leta zunze ubumwe za Amerika yateye u Rwanda inkunga ya Miliyoni y’Amadolari...

Igihugu cya Leta zunze ubumwe za Amerika mu Rwanda gihagarariwe mu Rwanda...
4 April 2020 Yasuwe: 1896 1

IMF yagurije U Rwanda miliyari 102 na miliyoni 372 FRW yo kurufasha...

Inama y’Ubutegetsi y’Ikigega Mpuzamahanga cy’Imari (IMF) yemereye u Rwanda...
3 April 2020 Yasuwe: 1016 1

Nyarugenge: Gare ya Nyabugogo itagikoreshwa yahinduwe isoko ry’ibiribwa

Kubera umubyigano no guhurira hamwe kw’abantu bajyaga kugurira imboga...
1 April 2020 Yasuwe: 4196 0

U Burundi bwanze ko amakamyo atwara ibicuruzwa aturutse mu Rwanda yinjira...

Guverinoma y’u Rwanda yamenyesheje ibihugu bya Uganda na Kenya ko u Burundi...
1 April 2020 Yasuwe: 5487 0

MINICOM yashyizeho ingano y’ibiribwa umuntu atagomba kurenza ku munsi kubera...

Minisiteri y’Ubucuruzi n’Inganda (MINICOM),yongeye gutangaza ibiciro...
22 March 2020 Yasuwe: 4150 6

RDB yahagaritse by’agateganyo ubukerarugendo muri pariki 3 z’igihugu kubera...

Ikigo cy’igihugu gishinzwe Ubukerarugendo [RDB] cyahagaritse by’agateganyo...
20 March 2020 Yasuwe: 858 0