Kigali
startimes

Qatar yafashe 60% mu mushinga wo kubaka ikibuga cy’indege cyo mu Bugesera

Amakuru   Yanditswe na: Dusingizimana Remy 9 December 2019 Yasuwe: 2687

Kuri uyu wa Mbere taliki ya 09 Ukuboza 2019,Leta y’u Rwanda n’iya Qatar bamaze gushyira umukono ku masezerano y’ubufatanye mu ishoramari rya miliyari 1,3 z’amadolari,azashorwa mu kubaka ikibuga cy’Indege cya Bugesera.



Aya masezerano y’ubufatanye agizwe n’ibice 3 birimo kubaka kugira no kubyaza umusaruro iki kibuga cy’indege kiri kubakwa mu buryo bugezweho.

Igihugu cya Qatar cyahawe 60 ku ijana mu mushinga wo kubaka iki kibuga mu gihe u Rwanda rufite 40 ku ijana.

Itangazo ryashowe na Guverinoma y’u Rwanda rigira riti “ Qatar yemeye gufata 60 % by’uyu mushinga wo kubaka ikibuga cy’indege,uzarangira utwaye miliyari 1,3 z’amadolari.”

Ikibuga cy’indege cyo mu Bugesera kiri kubakwa kugira ngo kizajye cyakira abantu bangana na miliyoni 7 ku mwaka mu gihe undi mushinga wo kwakira miliyoni 14 uzatangira mu mwaka wa 2032.

Aya masezerano yashyizweho umukono kuri uyu wa Mbere,n’agasongero k’iterambere ry’u Rwanda mu bigendanye no gutwara abantu n’ibintu mu ndege ndetse n’umubano wihariye hagati ya Qatar n’u Rwanda.

Mu mwaka ushize nibwo byatangajwe ko igishushanyo mbonera cy’Ikibuga cy’Indege Mpuzamahanga cya Bugesera, cyavuguruwe hagamijwe kucyagura, kongera ubwiza bwacyo ndetse no kuvugurura imyubakire, hagendewe ku biranga ibibuga mpuzamahanga bigezweho.

Icyemezo cyo gusubiramo igishushanyo mbonera cy’iki kibuga cyatangajwe na Perezida Kagame, mu kiganiro yagiranye n’abanyamakuru ku wa Gatanu tariki ya 14 Ukuboza 2018.



Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Nyagatare: Perezida Kagame yatashye umudugudu w’icyitegererezo watwaye...

Kuri uyu wa Gatandatu tariki ya 04 Nyakanga 2020,Nyakubahwa perezida wa...
4 July 2020 Yasuwe: 3134 1

COVID-19:U Rwanda rwashyizwe mu bihugu 14 byizewe abaturage babyo bemerewe...

Umuryango w’Ubumwe bw’Uburayi (EU/UE) watangaje ibihugu 14 uvuga ko abaturage...
30 June 2020 Yasuwe: 1202 0

Ibyiciro by’ubudehe mu Rwanda byahinduriwe umubare, inyito n’imikoreshereze

Minisitiri w’Ubutegetsi bw’Igihugu,Prof.Shyaka Anastase yavuze ko guhera mu...
26 June 2020 Yasuwe: 1911 0

Ingengo y’Imari y’u Rwanda 2020-2021 yiyongereyeho miliyari 228.6...

Minisitiri Dr Ndagijimana Uzziel yavuze ko Ingengo y’imari ya 2020-2021...
22 June 2020 Yasuwe: 886 0

Niringiyimana wahanze umuhanda wenyine yiyemeje guha umuriro n’amazi...

Niringiyimana Emmanuel wakoze umuhanda w’ibirometero 7 wenyine nta gihembo...
17 June 2020 Yasuwe: 4294 2

IMF yageneye u Rwanda indi nguzanyo ya miliyari zisaga 106 FRW yo kurufasha...

Inama y’Ubutegetsi y’Ikigega Mpuzamahanga k’Imari (FMI/IMF) yemereye u Rwanda...
12 June 2020 Yasuwe: 404 0