Ikigo cy’igihugu gishinzwe Ubukerarugendo [RDB] cyahagaritse by’agateganyo ubukerarugendo n’ubushakashatsi muri Pariki 3 z’Igihugu mu gihe bitaramenyekana neza niba inyamaswa zitakwandura icyorezo cya Covid_19.

Sponsored Ad

RDB yatangaje ko Pariki zahagaritswe ni iya Nyungwe, Gishwati-Mukura n’iy’Ibirunga kubera ko zirimo inyamaswa zishobora kwanduzwa n’abantu nk’ingagi na chimpanzee.

RDB yavuze ko iki cyemezo kizatangira kubahirizwa guhera kuri uyu wa Gatandatu tariki 21 Werurwe 2020 gusa yemeza ko Pariki y’Igihugu y’Akagera yo yemerewe gusurwa nkuko bisanzwe.

Nyuma y’aho byemejwe ko Coronavirus yageze mu Rwanda ku wa 14 Werurwe 2020,gahunda nyinshi zihuza abantu benshi zarahagaritswe mu rwego rwo kwirinda ko iki cyorezo gikwirakwira

Imibare ya Minisiteri y’Ubuzima mu Rwanda iheruka gutangaza ku wa 19 Werurwe 2020 yagaragaje ko abantu 11 aribo bamaze kwandura COVID-19.

Ku Isi yose,iki cyorezo kimaze kwandura abarenga 200 naho abagera ku bihumbi 10.000 kimaze kubica.

Minisante isaba abaturarwanda gukaraba intoki, kwirinda kujya ahantu hateraniye abantu benshi,gushyira intera byibura ya metero imwe hagati y’abantu no kwirinda ingendo zitari ngombwa.