Kigali
dnd

“Tubwira urubyiruko ko ari abayobozi b’ejo, none se nk’ubu ba meya ni bangahe?: Meya wa Nyaruguru

Amakuru   Yanditswe na: Ubwanditsi 12 May 2019 Yasuwe: 1815

Habitegeko Francois, Meya w’Akarere ka Nyaruguru avuga ko hari igihe abayobozi baganiriza urubyiruko bakarubwira amagambo atagira icyo arufasha mu gukangukira umurimo, kuwitabira no kutagira uwo banena.



Habitegeko avuga ko urubyiruko rukwiye gushishikarizwa gukora no gukoresha neza amahirwe rufite kandi nta murimo rwirengagije byaba na ngombwa ntirutinye akazi karusaba kwiyanduza intoki.

Yagize ati:” nta si y’abanebwe iriho, iyo dufashe ijambo tuba tubwira urubyiruko ngo nimwe bayobozi b’ejo, ariko se nk’ubu ba Meya ni bangahe? Ni 30 gusa, nabo bamaraho imyaka itanu, jye mbabwira ko ari abafundi, abashoferi, abahinzi, abarezi n’abandi b’ejo hazaza”!

Habitegeko avuga ko mu biganiro agirana n’urubyiruko arubwira ko rufite amahirwe kuko bo bize, akavuka ko mu gihe umuntu ujijutse nakora koperative y’ubuhunzi ataba agihinga nka sekuru.

Meya Habitegeko avuga ko hejuru ya 80% by’abatuye Akarere bari munsi y’imyaka 40, ikiciro kiganjemo abashoboye gukora.

Bimwe mu bibazo biza ku isonga rufite nk’uko Meya abivuga, harimo ikibazo cyo kubura icyo rukora, ubuzererezi, ibiyobyabwenge, ubusambanyi n’inda ziterwa abakobwa batarageza igihe.

Meya avuga ko mu guhangana n’ibi bibazo bafasha urubyiruko gukorana na BDF bakora imishinga ibyara inyungu, kubaka amashuli y’imyuga ngiro no guha ibikoresho by’ibanze abayarangijemo bakenera ukurikije ibyo baba bize ngo bahite bajya gushaka akazi n’ibindi.

Habitegeko kandi yemeza ko inyigisho urubyiruko rugenda ruhabwa mu itorero nazo ngo zagize impinduka ikomeye ku myitwarire n’imyumvire yarwo ndetse zigabanya bikomeye ibyaha byinshi n’urubyiruko rwagiragamo uruhare.

Author : Ubwanditsi

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Bugesera: Abaturage bahawe inka 47 gusa muri 200 borojwe na Minisitiri...

Muri Nyakanga 2018 nibwo Minisitiri w”intebe w’u Buhinde,Narendra Modi,yasuye...
11 January 2020 Yasuwe: 984 3

Perezida Kagame yashimiye umuryango we wamwiyunzeho ukiyemeza gutanga...

Nyakubahwa Perezida wa Repubulika,Paul Kagame yishimiye ko abagize...
24 December 2019 Yasuwe: 2931 0

Perezida Kagame yatanze telefoni zigezweho 1500 mu rwego rwo guharanira ko...

Nyakubahwa perezida Paul Kagame, yemeye gutanga telefoni zigezweho 1500...
22 December 2019 Yasuwe: 3406 0

Uko imyanzuro y’Inama y’igihugu y’Umushyikirano wa 16 yashyizwe mu...

Inama y’Igihugu y’Umushyikirano ya 16 yabaye kuva tariki ya 13 kugeza ku ya...
19 December 2019 Yasuwe: 780 0

INKURU ICUKUMBUYE: Caguwa irakinjira mu gihugu,mu bayinjiza harimo...

Iyi nkuru yakozwe n’Ikinyamakuru BWIZA.COM, mu bufatanye bw’imikoranire...
18 December 2019 Yasuwe: 5329 1

Nyarugenge: Abafatanyabikorwa bakusanyije miliyoni zirenga 128 yo kubakira...

Ku mugoroba wo kuwa gatatu taliki 11/12/2019 ihuriro ry’abafatanyabikorwa...
13 December 2019 Yasuwe: 751 0