addresiya
startimes

Gakenke: RIB yataye muri yombi abayobozi 2 b’umudugudu bakaga ruswa abaturage ngo babahe ibyokurya byagenewe abatishoboye kubera Coronavirus

Amakuru   Yanditswe na: Dusingizimana Remy 6 April 2020 Yasuwe: 2213

Urwego rw’igihugu rw’Ubugenzacyaha,RIB,ruratangaza ko rwafunze umukuru w’umudugudu n’ushinzwe umutekano bo mu mudugudu na Mutwarasibo bo mu Murenge wa Nemba mu Karere ka Gakenke,bakekwaho kwaka ruswa abaturage kugira ngo bahabwe ibiribwa bigenewe abagizweho ingaruka no kuguma mu rugo kubera kwirinda icyorezo cya #COVID19.



RIB ivuga ko aba bayobozi babeshyaga abaturage ko hari indege yazanye ibiribwa ariko bisaba gutanga amafaranga kugira ngo bashyirwe ku rutonde rw’abagenerwa ibiribwa.

Bose ubu bafungiwe kuri Sitasiyo ya RIB ya Gakenke mu gihe iperereza rikomeje kugira ngo hakorwe dosiye ishyikirizwe ubushinjacyaha.

RIB irakangurira abaturage gukomeza gutanga amakuru ku banyereza ibyo kurya leta yageneye abagizweho ingaruka no kuguma mu rugo kubera kwirinda icyorezo cya COVID19, cyangwa bababeshya bagamije kubambura aho yabasabye guhamagara umurongo wa telefoni utishyurwa 166 utange amakuru kugirango bafatwe bashyikirizwe Ubutabera.

Aba kandi biyongereye ku bandi bayobozi babiri barimo umuyobozi w’Umudugudu n’ushinzwe umutekano bo mu Murenge wa Ndera, Akarere ka Gasabo nabo batawe muri yombi bakekwaho kunyereza ibiribwa byari bigenewe abatishoboye muri iki gihe cyo kurwanya Koronavirusi.

Mu rwego rwo gufasha bamwe mu baturage bakeneye ibyokurya n’abatihabwa uko bikwiriye,Ubuyobozi bw’Umujyi wa Kigali bwo bwatangaje ko bwashyizeho umurongo wa telefone itishyurwa abaturage bafite ikibazo cyo kubura ibiribwa bashobora guhamagaraho kugira ngo batabarwe be kwicwa n’inzara.

Mu itangazo ryashyizweho umukono n’umuyobozi w’umujyi wa Kigali, Pudence Rubingisa,kuri uyu wa Mbere tariki ya 06 Mata 2020, riravuga ko bashyizeho nimero itishyurwa ya 3260 kugira ngo abaturage batishoboye bayihamagareho babashe guhabwa ibyokurya.

Iki cyemezo kije nyuma y’aho mu bice bitandukanye by’uyu mujyi abaturage bavugaga ko gahunda yo kubaha ibyokurya idakorwa uko bikwiriye kuko ngo hari abayobozi babinyereza abandi bakabiha abafite ubushobozi.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble nshimiyimana said

    nitwa nshimiyimana said ntuye kugisozi beretiori ndashaka kubaha amakuru mfitiye gihamya yaruswa abayobozi bacu ukunu bafashe abanu niba arumuryango wabanu babiri bakabagira bane mumamagare mbahe amakuru 0788821303

    1 month ago

Inzindi nkuru

Nsabimana Callixte uzwi nka Sankara agiye kongera kuburanishwa

Nsabimana Callixte uzwi nka Sankara wigambye ibitero bitandukanye byagiye...
3 June 2020 Yasuwe: 567 0

Urukiko rwa Gisirikare rwarekuye abasirikare 3 muri ba bandi 5 bashinjwa...

Urukiko rwa gisirikare kuri uyu wa Gatanu rwafashe icyemezo ku bujurire...
30 May 2020 Yasuwe: 1616 0

Nyanza: Abantu 24 bahamijwe n’Urukiko ibyaha by’iterabwoba n’ubugambanyi

Urukiko Rukuru, Urugereko rwihariye ruburanisha ibyaha Mpuzamahanga...
29 May 2020 Yasuwe: 864 0

Nyamagabe: Polisi yataye muri yombi umusore yafashe ari kwiba...

Polisi ikorera mu Karere ka Nyamagabe muri Sitasiyo ya Polisi ya Tare,...
29 May 2020 Yasuwe: 700 0

Ladislas Ntaganzwa wagize uruhare muri Jenoside yakorewe Abatutsi yakatiwe...

Urugereko rwihariye rw’urukiko rukuru ruri mu mujyi wa Nyanza mu majyepfo...
28 May 2020 Yasuwe: 897 0

Gasabo: Polisi yafunze abantu 20 barenze ku mabwiriza yo kwirinda COVID-19...

Polisi y’u Rwanda yerekanye abantu 20 bafunzwe bazira kurenga ku mabwiriza...
24 May 2020 Yasuwe: 2082 0